Juan 3:15 - Jiñi Tsiji' bʌ Wen T'añ cha'añ Estudio

¹⁵ cha'añ ma'añic mi' sajtel majqui jach mi' ñop. Mi' taj i cuxtʌlel mach bʌ añic mi' jilel.

Chol de Tumbalá Bible

¹⁵ cha'an ma'anic mi' sajtel majqui jach mi' ñop. Mi' taj i cuxtʌlel mach bʌ anic mi' jilel.

Jiñi Tsiji' bʌ Wen T'añ cha'añ Estudio

¹⁵ cha'añ ma'añic mi' sajtel majqui jach mi' ñop. Mi' taj i cuxtʌlel mach bʌ añic mi' jilel.

Chol Tila

¹⁵ Cha'an majchical jach mi' ch'ujbin cha'an Ajcotyayajon i cha'an mach'an mi sajtyel cha'an ti bele' ora. Mi' tyaj i cuxtyʌlel mach'ʌ yujil jilel. Che' ti yʌlʌ Jesús.

Chol: I T’an Dios

¹⁵ cha'an ma'anic mi' sajtel majqui jach mi' ñop. Mi' taj i cuxtʌlel mach bʌ anic mi' jilel.

Juan 3:15 Iomraidhean Croise

Mateo 18:10

Chʌcʌ q'uele la' bʌ cha'añ ma'añic mi la' q'uel ti lolom mi juntiquilic ch'och'oc bʌ, come mic su'beñetla, ya' ti panchan i yángelob jiñi ch'och'oco' bʌ ti pejtelel ora mi' q'uelbeñob i wut c Tat am bʌ ti panchan.

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel, che'en Jesús.

Marcos 16:16

Jiñi mu' bʌ i ñop mu' bʌ i ch'ʌm ja' mi caj i coltʌntel. Jiñi mach bʌ añic mi' ñop mi caj i yʌjq'uel ti tojmulil.

Lucas 19:10

Come i Yalobil Wiñic tsa' tili i sʌclan jiñi sajtem bʌ, tsa' tili i coltañ, che'en.

Juan 1:12

Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil, che'en.

Juan 20:31

Pero iliyi tsa' ts'ijbunti cha'añ mi la' ñop Cristojʌch jiñi Jesús, i Yalobilʌch Dios, cha'añ che' mi la' ñop, mi la' wʌq'uentel la' cuxtʌlel ti' c'aba'.

Juan 3:16

Come che'i tsi' wen c'uxbi Dios jiñi año' bʌ ti pañimil, tsi' yʌc'ʌ cojach bʌ i Yalobil; majqui jach mi' ñop i Yalobil, ma'añic mi' sajtel; mi' taj i cuxtʌlel mach bʌ añic mi' jilel.

Juan 3:36

Jiñi mu' bʌ i ñop i Yalobil Dios, añ i cha'añ i cuxtʌlel mach bʌ añic mi' jilel; jiñi mach bʌ añic mi' ñop i Yalobil Dios mach mejlic i yʌq'uentel i cuxtʌlel, mi' yajñel ti' mich'ajel Dios.

Juan 5:24

Isujm, isujm mic su'beñetla: Jiñi mu' bʌ i yu'bin c t'añ, mu' bʌ i ñop jiñi tsa' bʌ i chocoyon tilel, añix i cuxtʌlel mach bʌ añic mi' jilel, ma'añic mi yʌjq'uel ti tojmulil, tsa'ix i mʌlbe chʌmel, aq'uebilix i cuxtʌlel.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Juan 6:40

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ, —che'en Jesús.

Juan 6:47

Isujm, isujm mic su'beñetla, jiñi mu' bʌ i ñopon, añix i cuxtʌlel mach bʌ añic mi' jilel.

Hechos 13:41

“Q'uelela xts'a'leyajet bʌ la, la' toj sajtic la' pusic'al, la' jiliquetla, come joñon woli c mel junchajp e'tel ti la' wut mach bʌ añic mi caj la' ñop anquese añ majqui mi' su'beñetla”, che'en Pablo.

Hechos 8:36

Che' woli' majlelob ti bij, tsa' c'otiyob ba'añ ja'. Jiñi eunuco tsi' yʌlʌ: —Q'uele, wʌ'an ja', ¿am ba chuqui mi' mʌctañon cha'añ mic ch'ʌm ja'? —Che'en.

Romanos 5:21

Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.

1 Corintios 1:18

Jiñi sajtemo' bʌ mi' yʌlob tonto jax isujmlel jiñi cruz; pero joñonla coltʌbilon bʌ la, la cujil jiñʌch i p'ʌtʌlel Dios.

2 Corintios 4:3

Pero mi mucul to jiñi wen t'añ, mucul ti' tojlelob jiñi woliyo' bʌ ti sajtel.

Gálatas 2:16

Pero la cujil cha'añ jiñi wiñic ma'añic tsa' q'uejli ti toj cha'añ i jac'ol mandar, mi' yotsañonla ti' wenta ja'el che' mi lac ñop Cristo, jiñi cha'añ mi laj q'uejlel ti toj cha'añ tsa' lac ñopo, mach cha'añic i jac'ol mandar, come ma'añic majqui tsa' q'uejli ti toj cha'añ i jac'ol jiñi mandar.

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, woli c taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Hebreos 10:39

Pero mach lajaloñicla bajche' jiñi mu' bʌ i cha' cʌy i ñopob, mu' bʌ i majlelob ti c'ajc, joñonla mi lac ñop Dios mu' bʌ i coltañ lac ch'ujlel.

Hebreos 7:25

Jiñi cha'añ mi mejlel i junyajlel coltañ pejtelel jiñi mu' bʌ i lʌc'tesañob i bʌ ba'añ Dios ti' tojlel Jesús, come chʌn cuxul ti pejtelel ora, woli' chʌn tajob ti oración ti' tojlel Dios.

1 Juan 2:25

Dios mi' yʌq'ueñonla laj cuxtʌlel mach bʌ añic mi' jilel che' bajche' wʌn albil i cha'añ.

1 Juan 5:1

Pejtelel jiñi mu' bʌ i ñop Cristojʌch jiñi Jesús, tsa'ix i yila pañimil ti Dios, majqui jach mi' c'uxbin lac Tat tsa' bʌ i yʌq'ueyonla lac cha' ilan pañimil mi' c'uxbin ja'el i yalobilob.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.