Juan 20:19 - Jiñi Tsiji' bʌ Wen T'añ cha'añ Estudio

¹⁹ Che' bʌ wolix i yic'an ti ñaxan bʌ q'uiñ ti semana, che' ñup'ul i ti' otot ba' temel añob xcʌnt'añob, come woli' bʌc'ñañob judíojob, tsa' c'oti Jesús, tsa' wa'le ti ojlil ba'añob, tsi' su'beyob: —La' ñʌch'lec la' pusic'al, —che'en.

Chol de Tumbalá Bible

¹⁹ Che' wolix i yic'an ti ñaxan bʌ q'uin ti semana, tsa' tili Jesús ba'an xcʌnt'añob. Ñup'ul i ti' otot ba' temel añob xcʌnt'añob, come woli' bʌc'ñañob judíojob. Tsa' c'oti Jesús. Ya' wa'al ti yojlilob, tsi' subeyob: La' ñʌch'lec la' pusic'al, che'en.

Jiñi Tsiji' bʌ Wen T'añ cha'añ Estudio

¹⁹ Che' bʌ wolix i yic'an ti ñaxan bʌ q'uiñ ti semana, che' ñup'ul i ti' otot ba' temel añob xcʌnt'añob, come woli' bʌc'ñañob judíojob, tsa' c'oti Jesús, tsa' wa'le ti ojlil ba'añob, tsi' su'beyob: —La' ñʌch'lec la' pusic'al.

Chol Tila

¹⁹ Ti jin jach bʌ q'uin ti ñaxan bʌ q'uin ti semana much'quibilob ajcʌnt'añob i cha'an Jesús ti ic'an. Ñup'ul i ti' otyot tyac cha'an i bʌc'ñan israelob año' bʌ i ye'tyel. Ti ochi Jesús ya' ti xinil ba'añob. Ti yʌq'ueyob saludo. Ti yʌlʌ: La' ñʌch'lec la' pusic'al, che'en.

Chol: I T’an Dios

¹⁹ Che' wolix i yic'an ti ñaxan bʌ q'uin ti semana, tsa' tili Jesús ba'an xcʌnt'añob. Ñup'ul i ti' otot ba' temel añob xcʌnt'añob, come woli' bʌc'ñañob judíojob. Tsa' c'oti Jesús. Ya' wa'al ti yojlilob, tsi' subeyob: La' ñʌch'lec la' pusic'al, che'en.

Juan 20:19 Iomraidhean Croise

Mateo 10:13

Mi uts'atob jiñi año' bʌ ti otot, aq'ueñob i yutslel la' t'añ cha'añ mi' tajob i ñʌch'tʌlel la' pusic'al. Mi mach uts'atobic mach i tajayobic i ñʌch'tʌlel la' pusic'al.

Mateo 18:20

Come baqui jach añ cha'tiquil uxtiquil tempʌbilo' bʌ tij c'aba', ya'ʌch añon ti ojlil yic'otob, che'en Jesús.

Marcos 16:14

Ti yujtibal tsa' tsictiyi Jesús ti' wut jiñi junlujuntiquil che' buchulob ti' t'ejl mesa. Jesús tsi' yʌ'leyob cha'añ i tsʌtslelob i pusic'al cha'añ ma'añic tsi' ñopoyob. Come ma'añic tsi' ñopbeyob i t'añ jiñi tsa' bʌ i q'ueleyob Jesús che' bʌ tejchemix ch'ojyel.

Juan 14:27

Mi cʌq'ueñetla i ñʌch'tʌlel la' pusic'al, tilem bʌ ti joñon, mach lajalic bajche' mi la' taj ti pañimil. Mach mi la' mel la' pusic'al. Mach la' cha'len bʌq'uen.

Juan 16:22

Jatetla ja'el wocol mi la' wu'bin wʌle, pero joñon mi caj c cha' q'ueletla, tijicña mi caj la' wu'bin, ma'añic majqui mi mejlel i yʌc' ti jilel i tijicñʌyel la' pusic'al.

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil, che'en.

Juan 20:21

Jiñi cha'añ Jesús tsi' cha' su'beyob: —La' ñʌch'lec la' pusic'al, che' bajche' tsi' chocoyon tilel c Tat, che' ja'el mic choquetla majlel, —che'en.

Juan 20:26

Tsa' ñumi waxʌcp'ejl q'uiñ, che' cha' tempʌbilob xcʌnt'añob i cha'añ ti' mal otot, ya'ix añ Tomás yic'otob. Anquese wen ñup'ul i ti' otot, Jesús tsa' ochi, tsa' wa'le ti yojlilob, tsi' su'beyob: —La' ñʌch'lec la' pusic'al, —che'en.

Juan 21:1

Ti wi'il Jesús tsi' cha' pʌsʌ i bʌ ti' wut xcʌnt'añob i cha'añ ti ti' mar am bʌ ti Tiberias; tsi' pʌsʌ i bʌ bajche' iliyi:

Juan 21:14

Jiñʌch i yuxyajlel tsi' pʌsʌ i bʌ Jesús ti' tojlel xcʌnt'añob i cha'añ che' ba' ora ch'ojyemix loq'uel ba'añ chʌmeño' bʌ.

Juan 7:13

Mucul jach tsi' tajayob ti t'añ Jesús come tsi' bʌc'ñayob judíojob.

Hechos 1:3

Che' bʌ tsa'ix ujti i yu'bin wocol Jesús, tsi' cha' pʌsʌ i bʌ ti tsiquil ti' tojlel jiñi chocbilo' bʌ majlel ti subt'añ cha'añ cha' cuxulix, cha'c'al to q'uiñ tsi' cha' pʌsʌ i bʌ ti' tojlel wiñicob x'ixicob tsi' su'beyob che' bajche' añ i yumʌntel Dios.

Romanos 15:33

Jiñi Dios mu' bʌ i yʌq'ueñonla i ñʌch'tʌlel lac pusic'al la' ajñic la' wic'ot ti la' pejtelel. Amén.

1 Corintios 15:5

Tsa' tsictiyi ti' wut Pedro, wi'il ti' wut jiñi lajchʌntiquil.

Efesios 2:14

Cristo tsi' yʌc'ʌyonla ti ajñel ti ñʌch'ʌl che' bʌ tsi' mele ti junmojt jiñi cha'mojt tejclum, tsi' jeme ju'bel jiñi tsalʌl tsa' bʌ i t'oxoyonla,

Efesios 6:23

La' aq'uenticob la quermañujob i ñʌch'tʌlel i pusic'al, yic'ot c'uxbiya, yic'ot i xuc'tʌlel i pusic'al ch'oyol bʌ ti Dios lac Tat yic'ot ti lac Yum Jesucristo.

Filipenses 1:2

La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot lac Yum Jesucristo.

2 Tesalonicenses 3:16

Jiñi lac Yum mu' bʌ i yʌc' ñʌch'tʌlel, la' i yʌq'ueñetla i ñʌch'tʌlel la' pusic'al ti pejtelel ora bajche' jach añetla. La' ajñic lac Yum la' wic'ot ti la' pejtelel.

Hebreos 7:2

Abraham tsi' yʌq'ue i diezmojlel pejtelel i chu'bʌañ tsa' bʌ i taja ti guerra; añ isujmlel i c'aba' Melquisedec ti lac t'añ, jiñʌch Toj bʌ Rey am bʌ ti Salem. Jiñʌch Rey yujil bʌ ñʌch'chocoya.

3 Juan 1:14

Come com j q'uelet ti ora cha'añ mi lac pejcan lac bʌ che' temel añonla.

Apocalipsis 1:4

Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,