Juan 20:17 - Jiñi Tsiji' bʌ Wen T'añ cha'añ Estudio

¹⁷ Jesús tsi' su'be: —Mach a chucon, come maxto añic tsa' letsiyon majlel ba'añ c Tat; pero cucu ba'añ quermañujob, su'beñob: “Mic letsel majlel ba'añ c Tat, jiñʌch la' Tat ja'el; jiñi c Dios, jiñʌch la' Dios ja'el”, —che'en.

Chol de Tumbalá Bible

¹⁷ Jesús tsi' sube: Mach a chʌn chucon, come maxto anic tsa' letsiyon majlel ba'an c Tat. Cucu ba'an quermanojob. Subeñob: “Mic letsel majlel ba'an c Tat, jiñʌch la' Tat ja'el. Mic letsel majlel ba'an c Dios, jiñʌch la' Dios ja'el”, che'en.

Jiñi Tsiji' bʌ Wen T'añ cha'añ Estudio

¹⁷ Jesús tsi' su'be: —Mach a chucon, come maxto añic tsa' letsiyon majlel ba'añ c Tat; pero cucu ba'añ quermañujob, su'beñob: “Mic letsel majlel ba'añ c Tat, jiñʌch la' Tat ja'el, jiñi c Dios, jiñʌch la' Dios ja'el.”

Chol Tila

¹⁷ Jesús ti' sube: Mach yom a tyʌlon como max tyo letson ya' ba'an c Tyat, pero suben quermañujob cha'an mi quej c letsel ya' ba'an c Tyat, la' Tyat je'el, c Dios, la' Dios je'el, che'en.

Chol: I T’an Dios

¹⁷ Jesús tsi' sube: Mach a chʌn chucon, come maxto anic tsa' letsiyon majlel ba'an c Tat. Cucu ba'an quermanojob. Subeñob: “Mic letsel majlel ba'an c Tat, jiñʌch la' Tat ja'el. Mic letsel majlel ba'an c Dios, jiñʌch la' Dios ja'el”, che'en.

Juan 20:17 Iomraidhean Croise

Mateo 12:50

Come majqui jach mi' cha'len chuqui yom c Tat am bʌ ti panchan jiñʌch querañob yic'ot c ña', —che'en Jesús.

Mateo 25:40

Jiñi Rey mi caj i su'beñob: “Isujm mic su'beñetla, che' bʌ tsa' la' colta juntiquil quermañu, anquese mach ñuquic, joñon tsa' la' coltayon”, che'en.

Mateo 28:7

Cucula ti ora, su'benla xcʌnt'añob i cha'añ: “Tsa'ix ch'ojyi Jesús ba'añ chʌmeño' bʌ, awilan tsa'ix majli i pijtañetla ti Galilea; ya'i mi caj la' q'uel”. Tsa'ix c su'beyetla, che'en.

Marcos 12:26

Cha'añ isujmlel jiñi chʌmeño' bʌ mu' bʌ i tejchelob ch'ojyel, ¿mach ba añic tsa' la q'uele ti' juñ Moisés ba' Dios tsi' pejca ti alʌ te'? Tsi' su'be: “Joñon i Dioson Abraham, i Dioson Isaac, i Dioson Jacob”.

Marcos 16:19

Lac Yum Jesús che' bʌ tsa' ujti i su'beñob jiñi t'añ, tsa' pʌjyi letsel ti panchan. Tsa' buchle ti' ñoj Dios.

Lucas 10:4

Mach mi la' ch'ʌm majlel i yajñib taq'uiñ, mi mochila, mi xʌñʌbʌl, mach mi la' wʌq'ueñob cortesía jiñi xñumelob ti bij.

Juan 13:1

Che' lʌc'ʌlix i q'uiñilel Pascua, Jesús yujilix tsa'ix c'oti i yorajlel cha'añ mi' cʌy pañimil, cha'añ mi' majlel ba'añ i Tat, che' bajche' tsi' c'uxbi i cha'año' bʌ ti pañimil, ma'añic tsi' cʌyʌ i c'uxbiñob c'ʌlʌl ti' jilibal.

Juan 13:3

Yujil Jesús cha'añ añix ti' wenta pejtelel chuqui tac añ, come i Tat tsi' yʌq'ue ti' wenta, yujil ja'el tsa' tili ti Dios, yujil ya' mi' cha' majlel ba'añ Dios.

Juan 14:2

Ti' yotot c Tat añ ca'bʌl chumlibʌl; che' machic jax añ chumlibʌl, tic'ʌl tsa' c su'beyetla; mux c majlel c chajpʌbeñetla la' wajñib.

Juan 14:28

Tsa'ix la' wu'bi chuqui tsa' c su'beyetla: “Mic majlel, pero mic cha' tilel ba'añetla”. Che' muq'uic la' c'uxbiñon, tijicña la' pusic'al cha'añ tsa' c su'beyetla mic majlel ba'añ c Tat, come ñumen ñuc c Tat bajche' joñon.

Juan 14:6

Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Juan 16:28

Tsa' loq'uiyon tilel ba'añ c Tat, tsa' tiliyon ti pañimil; wʌle mic cha' cʌy pañimil, come mi caj c cha' majlel ba'añ c Tat, che'en.

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 20:27

Ti wi'il Jesús tsi' su'be Tomás: —Otsan i yal a c'ʌb ilayi, q'uele j c'ʌb; Sʌts'ʌ a c'ʌb, otsan ti' ye'bal c ch'ilat; mach yomic tsʌts a pusic'al, yom ma' ñop, —che'en.

Juan 7:33

Jiñi cha'añ, Jesús tsi' yʌlʌ: —Jumuc' jax wʌ'añon la' wic'ot, mic cha' majlel ya' ba'añ jiñi tsa' bʌ i chocoyon tilel.

Romanos 8:29

Come Dios tsi' wʌn yajca i cha'año' bʌ, tsi' wʌn wa'chocoyob cha'añ mi' yʌq'ueñtelob i pusic'al lajal bʌ che' bajche' i pusic'al i Yalobil, cha'añ mi' taj ca'bʌl i yijts'iñob jiñi ascuñʌl bʌ.

2 Corintios 6:18

Mi caj cochel ti la' Tat, che'en lac Yum, mach bʌ añic i p'isol i p'ʌtʌlel. Mi caj la' wochel ti calobil, che'en lac Yum, jiñi mach bʌ añic i p'isol i p'ʌtʌlel”.

Gálatas 3:26

I yalobiletla Dios ti la' pejtelel cha'añ tsa' la' ñopo Cristo Jesús.

Hebreos 11:16

Pero tsi' pijtayob jiñi ñumen wen bʌ i lumal am bʌ ti panchan; jiñi cha'añ ma'añic mi' cha'len quisin Dios che' mi' Diosiñob, come tsa'ix i melbeyob i tejclum.

Hebreos 8:10

Mi caj c mel yam bʌ xuc'ul bʌ t'añ yic'ot jiñi israelob che' ñumeñix ca'bʌl q'uiñ: Mi caj cotsʌbeñob c mandar ti' ña'tʌbal yic'ot mi caj c ts'ijbubeñob ti' pusic'al, mi caj i c'uxbiñoñob come i Dioson, mi caj c cha'añiñob.

1 Pedro 1:3

La' sujbic i ñuclel Dios i Tat lac Yum Jesucristo, come ca'bʌl tsi' p'untayonla che' bʌ tsi' yʌq'ueyonla lac cha' ilan pañimil cha'añ jiñi cuxul bʌ lac pijtaya, cha'añ tsa' cha' tejchi ch'ojyel Jesucristo ba'añ chʌmeño' bʌ.

1 Juan 3:2

C'uxbibilo' bʌ, i yalobiloñixla Dios, maxto tsictiyemic bajche' mi caj la cujtel; pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' yilal.

Apocalipsis 21:3

Tsa' cu'bi c'am bʌ t'añ tsa' bʌ loq'ui ti panchan, tsi' yʌlʌ: “Awilan, wʌ'ix añ i Tabernáculo Dios yic'ot wiñicob x'ixicob. Mi caj i chumtʌl yic'otob, wiñicob x'ixicob mi caj i yochelob ti' cha'añ bʌ Dios, mi caj i yajñel Dios yic'otob.

Apocalipsis 21:7

Jiñi mu' bʌ i mʌjlel i cha'añ mi caj i ch'ʌm pejtelel chuqui tac añ. Joñon i Dioson, jiñi mi caj i yochel ti calobil.