Juan 19:30 - Jiñi Tsiji' bʌ Wen T'añ cha'añ Estudio

³⁰ Che' bʌ Jesús tsi' leme jiñi vinagre, tsi' yʌlʌ: —Tsa'ix ts'ʌctiyi. Tsi' ju'sa i jol, tsi' yʌc'ʌ majlel i ch'ujlel.

Chol de Tumbalá Bible

³⁰ Che' bʌ tsa'ix i ch'ʌmʌ jini vinagre Jesús, tsi' yʌlʌ: Tsa'ix ts'ʌctiyi, che'en. Tsi' ju'sa i jol. Tsi' yʌc'ʌ ti loq'uel i ch'ujlel.

Jiñi Tsiji' bʌ Wen T'añ cha'añ Estudio

³⁰ Che' bʌ Jesús tsi' leme jiñi vinagre, tsi' yʌlʌ: —Tsa'ix ts'ʌctiyi. Tsi' ju'sa i jol, tsi' yʌc'ʌ majlel i ch'ujlel.

Chol Tila

³⁰ Jesús ti' ts'u'u jini paj bʌ vino. Che' jini ti yʌlʌ: Tsa'ix lu' ts'ʌctiyi tsa' bʌ tyʌliyon c cha'len, che'en. Ti tinle. Ti sajti.

Chol: I T’an Dios

³⁰ Che' bʌ tsa'ix i ch'ʌmʌ jini vinagre Jesús, tsi' yʌlʌ: Tsa'ix ts'ʌctiyi, che'en. Tsi' ju'sa i jol. Tsi' yʌc'ʌ ti loq'uel i ch'ujlel.

Juan 19:30 Iomraidhean Croise

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Mateo 27:50

Jesús tsi' cha' cha'le c'am bʌ t'añ, tsi' yʌc'ʌ majlel i ch'ujlel.

Mateo 3:15

Jesús tsi' su'be Juan: —La' aq'uenticon ch'ʌmja' wʌle. Come che'ʌch yom mi lac mel cha'añ mi lac ts'ʌctesan pejtelel chuqui toj. Juan tsi' jac'ʌ i yʌq'ueñ ch'ʌmja' che' bajche' tsi' c'ajti.

Marcos 15:37

Jesús wen c'am tsi' cha'le t'añ. Tsa' chʌmi.

Lucas 22:37

Come mic su'beñetla, wersa mi caj i ts'ʌctiyel tic tojlel che' bajche' mi yʌl ti' ts'ijbujel Dios: “Tsa' tsijqui yic'ot xmulilob”; come jiñi ts'ijbubil bʌ cha'añon ts'ʌcʌl mi' caj ti ujtel, —che'en Jesús.

Lucas 23:46

Che' jiñi Jesús, wen c'am tsi' cha'le t'añ, tsi' yʌlʌ: —C Tat, mi cʌq'ueñet c ch'ujlel ti a c'ʌb. Che' ujtemix i yʌl, tsa' chʌmi.

Juan 10:11

Joñon jiñi wen bʌ Xcʌnta tʌñʌme'; jiñi wen bʌ Xcʌnta tʌñʌme' mi' yʌc' i cuxtʌlel cha'añ i tʌñʌme'.

Juan 10:18

Ma'añic majqui mi' yʌc'on ti chʌmel, mic bajñel ac' c bʌ ti chʌmel. Añ c p'ʌtʌlel cha'añ mi cʌc' c bʌ, añ ja'el c p'ʌtʌlel cha'añ mic cha' cuxtʌyel. Jiñʌch i mandar c Tat tsa' bʌ i su'beyon cha'añ mic mel, —che'en Jesús.

Juan 17:4

Tsa' c pʌsʌ a ñuclel ti pañimil; tsa'ix c ts'ʌctesa jiñi e'tel tsa' bʌ a wʌq'ueyon cha'añ mic mel.

Juan 19:28

Yujilix Jesús ts'ʌctiyemix ti' pejtelel, tsi' yʌlʌ cha'añ mi' ts'ʌctiyel i Ts'ijbujel Dios: —Tiquiñix c ti', —che'en.

Juan 4:34

Jesús tsi' su'beyob: —Jiñi c waj jiñʌch che' mic mel chuqui yom c Tat tsa' bʌ i chocoyon tilel, yic'ot che' ts'ʌcʌl mic melben i ye'tel.

Romanos 10:4

come ti Cristo tsa' jili i c'ʌjñibal mandar, mi yʌq'uentel toj bʌ i pusic'al majqui jach mi' ñop.

Romanos 3:25

come Dios tsi' yʌc'ʌ Cristo cha'añ mi' tojbeñonla lac mul ti' ch'ich'el, cha'añ mi' lajmel i mich'ajel ti' tojlel pejtelel mu' bʌ i ñopob; che' jiñi tsiquil tojʌch Dios tsa' bʌ i cuchbeyob i mul wiñicob x'ixicob ti yam bʌ ora,

1 Corintios 5:7

Chocola loq'uel jiñi tsucul bʌ la' melbal come tsijib melbiletixla, come jiñi lac Tʌñʌme' cha'añ Pascua jiñʌch Cristo tsa' bʌ ajq'ui ti chʌmel cha'añonla.

Filipenses 2:8

che' bʌ lajal tsa' ajñi che' bajche' wiñic, tsi' wen peq'uesa i bʌ, tsi' wen jac'be Dios c'ʌlʌl tsi' yʌc'ʌ i bʌ ti chʌmel ti cruz.

Hebreos 12:2

Toj jach yom mi lac tsajcan majlel Jesús jiñi mu' bʌ i yʌq'ueñonla lac ñop, come ya'ʌch ch'oyol lac xuc'tʌlel, jiñʌch mu' bʌ i ts'ʌctesʌbeñonla chuqui mi lac ñop. Jesús ma'añic tsi' xoyo i bijlel ti' tojlel wocol, come tsi' q'uele jiñi tijicña bʌ woli bʌ i pijtan. Jiñi cha'añ tsi' yʌc'ʌ i bʌ ti quisin che' bʌ tsa' chʌmi ti cruz. Jiñi cha'añ wʌle buchul ti' ñoj Dios ya' ti' yumʌntel.

Hebreos 9:22

Che' bajche' mi' yʌl jiñi mandar, cojach yic'ot ch'ich' mi' sʌc-esʌntel ti pejtelel; machic mi' bejq'uel i ch'ich'el i majtañ Dios, ma'añic i ñusʌntel mulil.