Juan 18:33 - Jiñi Tsiji' bʌ Wen T'añ cha'añ Estudio

³³ Jiñi cha'añ Pilato tsa' cha' ochi ti melobʌjʌl, tsi' pʌyʌ tilel Jesús, tsi' c'ajtibe: —¿Jatet ba i Reyet judíojob? —Che'en.

Chol de Tumbalá Bible

³³ Jini cha'an Pilato tsa' cha' ochi ti meloñibʌl. Tsi' pʌyʌ tilel Jesús. Tsi' c'ajtibe: ¿Jatet ba i Reyet judíojob? che'en.

Jiñi Tsiji' bʌ Wen T'añ cha'añ Estudio

³³ Jiñi cha'añ Pilato tsa' cha' ochi ti melobʌjʌl, tsi' pʌyʌ tilel Jesús, tsi' c'ajtibe: —¿Jatet ba i Reyet judíojob?

Chol Tila

³³ Pilato ti cha' ochi ti mal yotyot ba' mi ujtyel melojel. Ti' pʌyʌ tyʌlel Jesús. Ti' c'ajtibe: ¿Jatyet ba ñuc bʌ Yumʌlet i cha'an israelob? che'en.

Chol: I T’an Dios

³³ Jini cha'an Pilato tsa' cha' ochi ti meloñibʌl. Tsi' pʌyʌ tilel Jesús. Tsi' c'ajtibe: ¿Jatet ba i Reyet judíojob? che'en.

Juan 18:33 Iomraidhean Croise

Juan 19:12

Ti jiñi jach bʌ ora Pilato tsi' ñopo i col Jesús pero jiñi judíojob c'am tsi' yʌlʌyob: —Mi tsa' colo Jesús, mach i pi'ʌletic César; pejtelel jiñi mu' bʌ i su'b i bʌ ti Rey, mi' contrajin César.

Juan 19:3

Tsi' su'beyob: —Cotañet, i Reyet bʌ judíojob; tsi' poch'iyob.

Juan 18:37

Jiñi cha'añ Pilato tsi' c'ajtibe: —¿Reyet ba che' jiñi? —Che'en. Jesús tsi' jac'ʌ: —Jatet woli a wʌl cha'añ joñoñʌch jiñi Rey. Jiñʌch cha'añ tsa' quila pañimil. Jiñi cha'añ tsa' tiliyon ti pañimil cha'añ mi cʌc' ti cʌjñel isujmlel Dios. Pejtelel majqui mi' ñop isujmlel mi' yu'bin c t'añ.

Juan 12:13

tsi' ch'ʌmʌyob i yopol ch'ib, tsa' majli i tajob tilel Jesús, c'am tsi' cha'leyob t'añ: —¡Cotañet! La' sujbic a ñuclel, jatet mu' bʌ a tilel ti' c'aba' lac Yum, i Reyet bʌ Israel.

Marcos 15:2

Pilato tsi' c'ajtibe: —¿Jatet ba i Reyet judíojob? —Che'en. Jesús tsi' su'be: —Isujm bajche' ma' wʌl.

Mateo 27:11

Che' bʌ ya' wa'al Jesús ti' tojel i wut jiñi gobernador, tsi' c'ajtibe: —¿Jatet ba i Reyet judíojob? —Che'en. Jesús tsi' jac'ʌ: —Joñon cu.

1 Timoteo 6:13

Wersa mic su'beñet ti' wut Dios, jiñi mu' bʌ i yʌq'ueñ i cuxtʌlel pejtelel chuqui tac añ, yic'ot ti' wut Jesucristo, jiñi tsa' bʌ i su'bu i bʌ ti Dios ti' tojlel Poncio Pilato,

Juan 19:9

Tsa' cha' ochi ti melobʌjʌl, tsi' c'ajtibe Jesús: —¿Baqui ch'oyolet? Jesús ma'añix tsi' chʌn jac'be.

Juan 12:15

“Mach la' cha'len bʌq'uen, añet bʌ la ti Sión. Awilan, tal la' Rey c'ʌchʌl ti juncojt tsiji' bʌ alʌ burro”.

Juan 1:49

Natanael tsi' jac'be: —Rabí, jatet i Yalobilet Dios, jatet i Reyet Israel, —che'en.

Mateo 27:27

Jiñi soldadojob i cha'añ jiñi gobernador tsi' pʌyʌyob majlel Jesús ti colem bʌ i mal otot, tsi' tempayob tilel soldadojob ti' joytʌlel Jesús.

Lucas 23:2

Tsa' caji i jop'beñob i mul, tsi' yʌlʌyob: —Tsa' c taja lojon ili wiñic woli' i soc pejtelel wiñicob x'ixicob ti lac lumal, mi' tic'ob wiñicob cha'añ ma'añic mi yʌq'ueñob tojoñel César, mi' su'b i bʌ ti Cristo, mi' su'b i bʌ ti Rey.

Juan 18:34

Jesús tsi' jac'ʌ: —¿Tilem ba jiñi t'añ ti a bajñel pusic'al, o am ba majqui tsi' ñaxan su'beyet? —Che'en.

Juan 18:38

Pilato tsi' su'be: —¿Chuqui jiñi isujmlel? Che' bʌ tsa' ujti i su'b jiñi t'añ, tsa' cha' loq'ui i pejcan judíojob, tsi' su'beyob: —Ma'añic tsa' c tajbe i mul jiñi wiñic.

Juan 19:4

Jiñi cha'añ Pilato tsa' cha' loq'ui i pejcañob, tsi' su'beyob: —Q'uelela, woli c pʌybeñetla tilel jiñi wiñic cha'añ mi la' ña'tan ma'añic tsa' c wis tajbe i mul.