Juan 17:3 - Jiñi Tsiji' bʌ Wen T'añ cha'añ Estudio

³ Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Chol de Tumbalá Bible

³ Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Jiñi Tsiji' bʌ Wen T'añ cha'añ Estudio

³ Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Chol Tila

³ Jiñʌch i cuxtyʌlel mach'ʌ yujil jilel che' mi' cʌñetyob ti ñoj melel bʌ Dioset jini cojach bʌ Dios yic'ot joñon Jesucristojon tsa' bʌ a choco tyʌlel.

Chol: I T’an Dios

³ Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Juan 17:3 Iomraidhean Croise

Marcos 9:37

—Majqui jach mi' c'uxbin tij c'aba' juntiquil alʌl che' bajche' ili alʌl, mi' c'uxbiñon. Jiñi mu' bʌ i c'uxbiñon mach joñoñic jach mi' c'uxbin, mi' c'uxbin ja'el c Tat tsa' bʌ i chocoyon tilel, —che'en.

Lucas 9:48

Tsi' su'beyob: —Majqui jach mi' c'uxbin ili alob tij c'aba', mi' c'uxbiñon. Majqui jach mi' c'uxbiñon mi' c'uxbin c Tat tsa' bʌ i chocoyon tilel. Come jiñi ñumen ch'och'oc bʌ ti la' tojlel jiñʌch ñumen ñuc bʌ.

Juan 10:36

Mi tsi' yajcayon Dios cha'añ mi chocon tilel ti' pañimil ¿chucoch, che' jiñi, mi la' wʌl tsa' c cha'le p'ajoñel cha'añ tsa' c su'beyetla i Yalobilon Dios?

Juan 11:42

Cujil ma' chʌn u'bibeñon c t'añ, tsa' cʌlʌ jiñi t'añ cha'añ mi' yu'biñob jiñi año' bʌ tic joytʌlel, cha'añ mi' ñopob, jatet tsa' chocoyon tilel, —che'en Jesús.

Juan 14:26

Jiñi la' waj Pi'leya, jiñʌch Ch'ujul bʌ Espíritu, mu' bʌ caj i chocbeñetla tilel c Tat ti j c'aba', jiñi mi caj i cʌntesañetla pejtelel chuqui tac añ, mi caj i yʌq'ueñetla la' cha' ña'tan pejtelel chuqui tsa' c su'beyetla.

Juan 17:18

Che' bajche' tsa' chocoyon tilel ti pañimil, che' ja'el tsa' c chocoyob majlel ti pejtelel pañimil.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:23

Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba'añet, tsi' ñopoyob chocbilon tilel a cha'añ.

Juan 3:17

Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Juan 3:34

Come jiñi tsa' bʌ chojqui tilel cha'añ Dios, mi' su'b i t'añ Dios, come ma'añic i p'isol bajche' mi' yʌc' Dios i yEspíritu.

Juan 5:44

¿Bajche' mi mejlel la' ñop, che' mi la' wʌlʌc sʌclan la' ñuclel ti wiñicob; che' ma'añic mi la' sajcan la' ñuclel ch'oyol bʌ ti jiñi cojach bʌ Dios?

Juan 6:57

Che' bajche' cuxul c Tat tsa' bʌ i chocoyon tilel, che' bajche' añ j cuxtʌlel tic Tat, che' ja'el jiñi mu' bʌ i c'ux c bʌc'tal mi caj i taj i cuxtʌlel ti joñon.

Juan 7:29

Pero joñon mij cʌn come ya' ch'oyolon ya' ba'añ, jiñi tsi' chocoyon tilel, che'en.

Juan 8:19

Tsi' c'ajtibeyob: —¿Baqui añ a Tat? —Che'en. Jesús tsi' jac'beyob: —Ma'añic mi la' cʌñon, ma'añic mi la' cʌn c Tat ja'el; tsa'ic la' cʌñʌyon, tsa' la' cʌñʌ c Tat ja'el.

1 Corintios 15:34

Yom yʌxʌl la' woj bajche' yom, mach la' cha'len mulil, come añ wiñicob x'ixicob mach bʌ añic mi' cʌñob Dios, mic su'b bajche' iliyi cha'añ mi la' wu'bin quisin.

1 Corintios 8:4

¿Yom ba mi laj c'ux we'elʌl aq'uebil bʌ dios te' tac ti' majtañ? La cujil ma'añic i c'ʌjñibal dios te' tac ti pañimil, come ma'añic yam bʌ Dios, juntiquil jach.

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

Filipenses 3:10

Com jach j cʌn Cristo, yic'ot i p'ʌtʌlel Dios tsa' bʌ i teche ch'ojyel, com cu'bin i wocol jinto mic chʌmel lajal bajche' tsa' chʌmi,

Filipenses 3:8

Isujm, ma'añic i c'ʌjñibal jiñi tsa' bʌ c ñaxan q'uele ti ñuc come ñumen ñuc i cʌñol Cristo Jesús, c Yum, cha'añ i c'uxbintel Cristo wʌle woli j q'uel che' bajche' misujelʌl pejtelel tsa' bʌ j q'uele ti ñuc ti yam bʌ ora cha'añ mic taj c wenlel ti Cristo,

1 Tesalonicenses 1:9

come woli' i su'bob bajche' tsa' la' pʌyʌyon lojon ochel ba'añetla yic'ot bajche' tsa' la' cʌyʌ jiñi dios tac cha'añ mi la' ñop jiñi mero Dios, cha'añ mi la' melben i ye'tel jiñi cuxul bʌ Dios,

2 Tesalonicenses 1:8

Mi caj i tilel yic'ot c'ajc cha'añ mi' q'uextʌbeñob i jontolil jiñi mach bʌ añic mi' cʌñob Dios yic'ot jiñi mach bʌ añic mi' jac'beñob i wen t'añ lac Yum Jesucristo.

Hebreos 3:1

Jiñi cha'añ, ch'ujul bʌ hermañujob, jatetla woli bʌ la' pʌjyel ochel ti Dios, wen cʌñʌla majqui jiñi Cristo Jesús, jiñʌch apóstol, jiñʌch c'ax ñuc bʌ motomaj lac cha'añ mu' bʌ lac ñop;

2 Pedro 1:2

La' p'ojlic i yutslel yic'ot i ñʌch'tʌlel la' pusic'al come la' cʌñʌyʌch Dios yic'ot lac Yum Jesús.

2 Pedro 1:3

Ti ñuc bʌ i p'ʌtʌlel Dios tsi' yʌq'ueyonla pejtelel chuqui añ to yom lac cha'añ che' bʌ tsi' yʌq'ueyonla laj cʌn lac Yum Jesús cha'añ mi la cajñel ti ch'ujul. Tsi' pʌyʌyonla cha'añ mi laj cʌmben i ñuclel yic'ot i yutslel.

2 Pedro 1:8

Mi che'ʌch mi la' mel mi caj la' p'ʌt-an majlel, mi caj i yutsi p'ojlel la' c'ʌjñibal. Che' jiñi mach lolomic jach tsa' la' cʌñʌ lac Yum Jesucristo.

1 Juan 1:2

—tsa' tsictiyi ti' cuxtʌlel, tsa' j q'uele lojon, woli c su'b lojon chuqui tsa' j q'uele lojon, woli c su'beñet lojon laj cuxtʌlel mach bʌ añic mi' jilel; ya' bʌ añ yic'ot lac Tat, tsa' bʌ pʌsbentiyon lojon—,

1 Juan 1:3

jiñi q'uelel bʌ c cha'añ lojon, yic'ot jiñi ñʌch'tʌbil bʌ c cha'añ lojon, jiñʌch mu' bʌ c su'b lojon cha'añ mi lac tem ochel ti' ñopol lac Tat yic'ot Jesucristo i Yalobil Dios.

1 Juan 2:23

Majqui jach mi' yʌl mach i Yalobilic Dios jiñi Cristo mach i cha'añic lac Tat. Pero jiñi mu' bʌ i su'b i Yalobilʌch Dios jiñi Jesús i cha'añʌch lac Tat.

1 Juan 4:6

Joñonla i cha'añonla Dios. Jiñi mu' bʌ i cʌn Dios, mi' yu'bin lac t'añ. Jiñi mach bʌ añic mi' cʌn Dios ma'añic mi' yu'bin lac t'añ. Che' jiñi mi laj cʌn jiñi Espíritu mu' bʌ i su'b isujmlel yic'ot jiñi espíritu mu' bʌ i cha'len lot.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.