Juan 17:26 - Jiñi Tsiji' bʌ Wen T'añ cha'añ Estudio

²⁶ Tsa' cʌq'ueyob i cʌn a c'aba', mu' to caj c chʌn ac' ti cʌjñel, cha'añ mi' cha'leñob c'uxbiya che' bajche' tsa' c'uxbiyon, cha'añ mi cajñel ti' pusic'alob. Jesús: Comol oración (); i su'bentel i ñuclel Dios (; ); i su'bentel wocolix i yʌlʌ Dios (); i c'ajtintel i coltaya Dios (; ; ); ti' tojlel xcʌnt'añob i cha'añ (), q'uele ja'el; ; ; ,; ; ; . Pablo: Cha'añ c'oc'lel (); i c'ajtintel i coltaya Dios (); ti' tojlel woli bʌ i pejcʌbeñob i juñ (; ; ) Pedro: Cha'añ tsa' cha' ch'ojyi Dorcas (). Tsa' bʌ i tsajcayob Jesús: I c'ajtintel i coltaya Dios (); ti' tojlel Pedro () Simeón: I su'bentel wocolix i yʌlʌ Dios ()

Chol de Tumbalá Bible

²⁶ Tsa cʌq'ueyob i cʌn a c'aba'. Mu' to caj c chʌn ac' ti cʌjñel cha'an lajal mi' c'uxbiñoñob che' bajche' tsa' c'uxbiyon, cha'an mi cajñel ti' pusic'alob.

Jiñi Tsiji' bʌ Wen T'añ cha'añ Estudio

²⁶ Tsa' cʌq'ueyob i cʌn a c'aba', mu' to caj c chʌn ac' ti cʌjñel, cha'añ mi' cha'leñob c'uxbiya che' bajche' tsa' c'uxbiyon, cha'añ mi cajñel ti' pusic'alob. Jesús: Comol oración (Mt 6.9-13); i su'bentel i ñuclel Dios (Mt 11.25-26; Lc 10.21); i su'bentel wocolix i yʌlʌ Dios (Jn 11.41-42); i c'ajtintel i coltaya Dios (Mt 26.39-44; Mc 14.35-41; Lc 22.41-42); ti' tojlel xcʌnt'añob i cha'añ (Jn 17.1-26), q'uele ja'el Lc 3.21; 5.16; 6.21; 9.18, 29; 11.1; 22.32; 23.34. Pablo: Cha'añ c'oc'lel (Hch 28.8); i c'ajtintel i coltaya Dios (2 Cor 12.8-9); ti tojlel woli bʌ i pejcʌbeñob i juñ (Ef 1.15-19; 3.14-21; Col 1.9-14) Pedro: Cha'añ tsa' cha' ch'ojyi Dorcas (Hch 9.40). Tsa' bʌ i tsajcayob Jesús: I c'ajtintel i coltaya Dios (Hch 4.24-31); ti' tojlel Pedro (Hch 12.5-12) Simeón: I su'bentel wocolix i yʌlʌ Dios (Lc 2.28-32)

Chol Tila

²⁶ Tsa'ix c tsictisʌbeyob bajche' añet. Mu' tyo c bej tsictisʌbeñob bajche' añet cha'an i ña'tyan bajche' ma' p'untyañon. Yic'ot mi cajñel ti' pusic'alob. Che' jini, mi quej i p'untyañob i bʌ. Che' ti' cha'le oración Jesús.

Chol: I T’an Dios

²⁶ Tsa cʌq'ueyob i cʌn a c'aba'. Mu' to caj c chʌn ac' ti cʌjñel cha'an lajal mi' c'uxbiñoñob che' bajche' tsa' c'uxbiyon, cha'an mi cajñel ti' pusic'alob.

Juan 17:26 Iomraidhean Croise

Juan 14:20

Ti jim bʌ q'uiñ mi caj la' ña'tan añon tic Tat, jatetla añetla ti joñon, joñon añon ti jatetla.

Juan 14:23

Jesús tsi' jac'ʌ, tsi' su'be: —Jiñi mu' bʌ i c'uxbiñon mi caj i jac'beñon c t'añ; mi caj i c'uxbintel tic Tat, mi caj c tilel lojon ba'añ, che' ja'el mi caj c cha'len lojon chumtʌl yic'ot.

Juan 15:15

Ma'añic mic chʌn pejcañetla tic wiñic, come jiñi wiñic am bʌ ti' yum mach yujilic chuqui mi' mel i yum; pero joñon mic pejcañetla tic pi'ʌl, come pejtelel chuqui tsa' cu'bi tic Tat, tsa'ix cʌq'ueyetla la' cʌn.

Juan 15:4

Ajñenla ti joñon, joñon ja'el mi caj cajñel ti jatetla. Che' bajche' i c'ʌb ac' ma'añic mi mejlel i yʌc' i wut ti' bajñelil, mi ma'añic mi' yajñel ti' yʌq'uil, che' ja'el jatetla mach mejlic la' wʌc' la' wut, mi ma'añic mi la' wajñel ti joñon.

Juan 15:9

Che' bajche' tsi' c'uxbiyon c Tat, che' ja'el tsa' j c'uxbiyetla, chʌn ajñenla tij c'uxbiya.

Juan 17:23

Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Juan 17:6

Tsa' c tsictesʌbeyob a c'aba' jiñi wiñicob tsa' bʌ a wʌq'ueyon ti pañimil; a cha'añob, tsa' wʌq'ueyoñob, tsi' jac'ʌyob a t'añ.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba'añet, tsi' ñopoyob chocbilon tilel a cha'añ.

Juan 6:56

Jiñi mu' bʌ i c'ux c bʌc'tal, mu' bʌ i jap c ch'ich'el, mi' yajñel ti joñon, joñon ja'el mi cajñel ti' pusic'al.

Juan 8:50

Ma'añic mic bajñel sʌclan c ñuclel, añ juntiquil mu' bʌ i yʌq'ueñon c ñuclel, jiñi mi' ña'tan ñucon.

Romanos 8:10

Pero mi añ Cristo ti la' pusic'al, anquese mi' chʌmel la' bʌc'tal cha'añ mulil, jiñi Espíritu mi' yʌq'ueñetla la' cuxtʌlel cha'añ tsa' q'uejliyetla ti toj.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

1 Corintios 12:12

Che' bajche' ti jump'ejl jach lac bʌc'tal, añ ca'bʌl chucbil tac bʌ, pero ti' pejtelel jiñi chucbil tac bʌ, anquese ca'bʌl, añ jach ti jump'ejl bʌc'talʌl. Che'ʌch ja'el i bʌc'tal Cristo yic'ot xñopt'añob,

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, woli c taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Efesios 1:6

cha'añ mi lac su'b i ñuclel Dios cha'añ i yutslel i pusic'al tsa' bʌ i yʌq'ueyonla ti lac majtañ ti' tojlel c'uxbibil bʌ i Yalobil.

Efesios 3:17

cha'añ mi' chumtʌl Cristo ti la' pusic'al che' xuc'ul woli la' ñop, cha'añ che' jiñi mi' caj i tam-añ la' wi' yic'ot tsʌts cʌyʌletla ti' c'uxbiya Cristo,

Efesios 5:30

come i bʌc'talonla Cristo, [chuculonla ti bʌc'tal yic'ot ti bʌquel.],

Efesios 5:32

Jiñʌch ñuc bʌ isujmlel mach bʌ tsictiyemic ti yam bʌ ora; woli c su'beñetla ti lajiya cha'añ mi la' ña'tan bajche' mi' yajñel Cristo yic'ot xñopt'añob.

Colosenses 1:27

Dios tsi' ña'ta i yʌc' ti cʌjñel ti' tojlel pejtelel wiñicob x'ixicob jiñi c'ax ñuc bʌ isujmlel mach bʌ tsictiyemic ti yam bʌ ora; jiñi ñuc bʌ ti cʌñol jiñʌch Cristo woli bʌ i yajñel ti la' pusic'al, jiñʌch mu' bʌ i yʌq'ueñetla la' pijtan la' ñuclel.

Colosenses 2:10

yic'ot jatetla bujt'emetla ti Cristo, jiñʌch i Yum pejtelel yumʌlob año' bʌ i ye'tel yic'ot i p'ʌtʌlel.

Colosenses 3:11

ti Cristo mach jelchojquic mi' q'uejlelob wiñicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic juñ, mi añ ti' yum, o mi ma'añic i yum, pero Cristo i Yumʌch pejtelel wiñicob yic'ot pejtelel chuqui tac añ.

2 Tesalonicenses 2:16

Jiñi lac Yum Jesucristo, yic'ot Dios lac Tat tsa' bʌ i c'uxbiyonla, jiñi tsa' bʌ i yʌq'ueyonla i ñuclel lac pusic'al mach bʌ añic mi' jilel yic'ot wen bʌ lac pijtaya ti' yutslel i pusic'al,

Hebreos 2:12

tsi' yʌlʌ: “Mi caj c tsictesʌbeñob a c'aba' jiñi quermañujob, ti' tojlel jiñi tempʌbilo' bʌ mi caj j c'ʌyin a ñuclel”, che'en.

1 Juan 3:24

Jiñi mu' bʌ i jac'ben i mandar mi' yajñel ti Dios. Dios mi' yajñel ti jiñi wiñic ja'el. Cʌntesʌbilonla cha'añ jiñi Espíritu tsa' bʌ i yʌq'ueyonla, la cujil woli' yajñel Dios ti joñonla.