Juan 17:25 - Jiñi Tsiji' bʌ Wen T'añ cha'añ Estudio

²⁵ Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Chol de Tumbalá Bible

²⁵ Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Jiñi Tsiji' bʌ Wen T'añ cha'añ Estudio

²⁵ Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Chol Tila

²⁵ Tyoj bʌ c Tyat, i cha'an jach bʌ mulawil mach'an mi' cʌñetyob. Pero joñon bʌ yi j cʌñʌyetyʌch. Jini mu' bʌ i ch'ujbiñon yujilobix isujm ti a chocoyon tyʌlel.

Chol: I T’an Dios

²⁵ Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Juan 17:25 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Mateo 16:16

Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios, —che'en.

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn”.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 10:15

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Juan 15:21

Che'ʌch mi caj i melbeñetla i cha'año' bʌ pañimil cha'añ ti' caj j c'aba', come ma'añic mi' cʌñob jiñi tsa' bʌ i chocoyon tilel.

Juan 16:27

come c Tat ja'el mi' c'uxbiñetla, come jatetla tsa' la' c'uxbiyon, yic'ot tsa'ix la' ñopo tilemon ti Dios.

Juan 16:3

Che'ʌch mi caj i melob come mach i cʌñʌyobic c Tat, ma'añic tsi' cʌñʌyoñob ja'el.

Juan 16:30

Wʌle mic c ch'ʌmben lojon isujm cha'añ a wujilʌch pejtelel chuqui tac añ; ma'añix majqui yom mi cʌntesañet, jiñi cha'añ mic ñop lojon tilemet ti Dios.

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 17:18

Che' bajche' tsa' chocoyon tilel ti pañimil, che' ja'el tsa' c chocoyob majlel ti pejtelel pañimil.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:23

Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba'añet, tsi' ñopoyob chocbilon tilel a cha'añ.

Juan 3:17

Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Juan 6:19

Che' bʌ tsa'ix i ñijcayob majlel barco che' bajche' jo'p'ejl o wʌcp'ejl kilómetro, jiñi xcʌnt'añob tsi' q'ueleyob Jesús, woli' cha'len xʌmbal ti' pam ja', woli i lʌc'tesan tilel i bʌ ba'añ barco, tsi' cha'leyob bʌq'uen.

Juan 7:29

Pero joñon mij cʌn come ya' ch'oyolon ya' ba'añ, jiñi tsi' chocoyon tilel, che'en.

Juan 8:19

Tsi' c'ajtibeyob: —¿Baqui añ a Tat? —Che'en. Jesús tsi' jac'beyob: —Ma'añic mi la' cʌñon, ma'añic mi la' cʌn c Tat ja'el; tsa'ic la' cʌñʌyon, tsa' la' cʌñʌ c Tat ja'el.

Juan 8:55

Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

Hechos 17:23

Come che' bʌ tsa' ñumiyon tsa' j q'uele i yotlel tac diosob, tsa' c taja jump'ejl pulʌntib ba' ts'ijbubil jiñi t'añ: JIÑI DIOS MACH BɅ CɅMBILIC. Jiñi Dios mu' bʌ la' ch'ujutesan mach bʌ la' cʌñʌyic, jiñʌch woli bʌ c su'b.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

Romanos 1:28

Come mach yomobic i wis ña'tan Dios, jiñi cha'añ Dios tsi' cʌyʌyob cha'añ mi' ña'tañob chuqui tac bi'bi' yic'ot cha'añ mi' cha'leñob chuqui tac mach bʌ weñic.

Romanos 3:11

ma'añic majqui mi' ch'ʌmben isujm, ma'añic majqui mi sajcan Dios.

Romanos 3:26

jiñi cha'añ Dios tsi' pijta ti ili q'uiñ cha'añ mi' pʌs tojʌch i pusic'al, che' bʌ tsi' yʌc'ʌ Jesucristo, jiñi cha'añ tojʌch Dios, yic'ot mi' q'uelob ti toj pejtelel mu' bʌ i ñopob Jesús.

1 Corintios 1:21

Come jiñi año' bʌ ti pañimil ma'añic mi' cʌñob Dios cha'añ ti' bajñel ña'tʌbal, ma'añic tsi' cʌñʌyob anquese tsi' yʌc'ʌ ti cʌjñel i ña'tʌbal, pero Dios ti ca'bʌl i yutslel tsi' ña'ta i coltañ jiñi xñopt'añob ti t'añ anquese ma'añix i c'ʌjñibal mi yʌlob.

1 Corintios 15:34

Yom yʌxʌl la' woj bajche' yom, mach la' cha'len mulil, come añ wiñicob x'ixicob mach bʌ añic mi' cʌñob Dios, mic su'b bajche' iliyi cha'añ mi la' wu'bin quisin.

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

2 Tesalonicenses 1:8

Mi caj i tilel yic'ot c'ajc cha'añ mi' q'uextʌbeñob i jontolil jiñi mach bʌ añic mi' cʌñob Dios yic'ot jiñi mach bʌ añic mi' jac'beñob i wen t'añ lac Yum Jesucristo.

Hebreos 8:11

Mach wersajix mi caj i cʌntesan i pi'ʌlob mi i yerañob. Ma'añic majqui mi caj i chʌn al: Ñopo lac Yum, come ti' pejtelelob mi caj i ñopoñob, jiñi alʌlob yic'ot jiñi ñoxobix bʌ,

1 Juan 1:9

Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 16:5

Tsa' cu'bibe i t'añ jiñi ángel am bʌ ti' wenta ca'bʌl ja' tac, tsi' yʌlʌ: Tojet, c Yum, añet bʌ wʌle yic'ot ti wajali, ch'ujulet come tsa'ix a cha'le meloñel ti' tojlelob.