Juan 17:24 - Jiñi Tsiji' bʌ Wen T'añ cha'añ Estudio

²⁴ C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Chol de Tumbalá Bible

²⁴ C Tat, ya' ba' añon com temel mi' yajñelob jini tsa' bʌ a wʌq'ueyon cha'an mi' q'uelob c ñuclel tsa' bʌ a wʌq'ueyon, come c'ux tsa' wubiyon che' maxto melbilic pañimil.

Jiñi Tsiji' bʌ Wen T'añ cha'añ Estudio

²⁴ C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Chol Tila

²⁴ C Tyat, tsa'ix a wʌc'on tic wenta tsa' bʌ i ch'ujbiyon. Com ya' añob ba' mi quej cajñel cha'an i yilan c ñuclel tsa' bʌ a wʌc'on. Como ti a p'untyʌyon. Ti a wʌc'on c ñuclel che' ñac max tyo mejl mulawil.

Chol: I T’an Dios

²⁴ C Tat, ya' ba' añon com temel mi' yajñelob jini tsa' bʌ a wʌq'ueyon cha'an mi' q'uelob c ñuclel tsa' bʌ a wʌq'ueyon, come c'ux tsa' wubiyon che' maxto melbilic pañimil.

Juan 17:24 Iomraidhean Croise

Mateo 25:21

I yum tsi' su'be: “Uts'at bajche' tsa' mele, xuc'ul bʌ x'e'telet, che' añ ts'ita' ti a wenta xuc'ul tsa' mele, ca'bʌl mi caj cotsʌbeñet ti a wenta; ochen, tijicñesan a pusic'al yic'ot a Yum”, che'en.

Mateo 25:23

I yum tsi' su'be: “Uts'at bajche' tsa' mele, xuc'ul bʌ x'e'telet, che' añ ts'ita' ti a wenta xuc'ul tsa' mele, ca'bʌl mi caj cotsʌbeñet ti a wenta. Ochen, tijicñesan a pusic'al yic'ot a Yum”, che'en.

Mateo 25:34

Jiñi cha'añ jiñi Rey mi caj i su'ben jiñi año' bʌ ti' ñoj: “La' cu la, ochemet bʌ la ti' yutslel c Tat, ch'ʌmʌ la' yumʌntel chajpʌbil bʌ cha'añetla c'ʌlʌl ti' cajibal pañimil.

Mateo 26:29

Pero mic su'beñetla, ma'añix mic chʌn jap i ya'lel ts'usub, jinto che' temel quic'otetla mic jap jiñi tsiji' bʌ ti' yumʌntel c Tat, —che'en Jesús.

Lucas 12:37

Tijicñayob jiñi x'e'telob woli bʌ i pijtañob i yum che' mi' tilel. Isujm mic su'beñetla, i yum mi caj i chajpan i bʌ, mi caj i su'beñob buchtʌl ti c'ux waj jiñi x'e'telob i cha'añ, mi caj i tilel i yʌq'ueñob i bʌl i ñʌc'.

Lucas 23:43

Jiñi cha'añ Jesús tsi' su'be: —Ti isujm mic su'beñet, wʌle jach mi caj a wochel quic'ot ti paraíso, —che'en.

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 12:26

Majqui jach yom i melbeñon que'tel, la' i tsajcañon; ya' ba'añon ya'i mi caj i yajñel c wiñic ja'el. Mi añ majqui mi' melbeñon que'tel, c Tat mi caj i q'uel ti ñuc.

Juan 14:3

Mi tsa'ix majli c chajpan la' wajñib, cha' talon c pʌyetla majlel, cha'añ ya' ba'añon, ya'añetla ja'el.

Juan 15:9

Che' bajche' tsi' c'uxbiyon c Tat, che' ja'el tsa' j c'uxbiyetla, chʌn ajñenla tij c'uxbiya.

Juan 17:2

Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon.

Juan 17:22

Joñon tsa' cʌq'ueyob a ñuclel tsa' bʌ a wʌq'ueyon cha'añ mi' yajñelob ti jump'ejl jach i pusic'al, che' bajche' jump'ejl lac pusic'al ja'el.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 6:37

Pejtelel wiñicob x'ixicob mu' bʌ i yʌq'ueñon c Tat mi caj i tilelob ba'añon, majqui jach mi' tilel ba'añon ma'añic mi caj c choc loq'uel.

Juan 6:39

Jiñʌch chuqui yom c Tat tsa' bʌ i chocoyon tilel; cha'añ pejtelel wiñicob x'ixicob tsa' bʌ i yʌq'ueñon tic wenta, mach yomic mi' sajtel mi juntiquilic, yom mic techob ch'ojyel ti jiñi cojix bʌ q'uiñ.

Juan 8:58

Jesús tsi' su'beyob: —Isujm, isujm mic su'beñetla, che' maxto añic Abraham añoñix, —che'en.

1 Corintios 13:12

Come wʌle mi lac yʌxña q'uel Cristo che' bajche' ti espejo, pero che' mi' tilel mi caj laj q'uelben i wut. Wʌle woli c yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

2 Corintios 3:18

Che' jiñi quermañujob, mach chʌn mosolix lac wut yilal. Che' mi laj q'uelben i ñuclel lac Yum che' bajche' ti espejo, mi lac utsi tsictesan i ñuclel, mi laj q'uextʌyel majlel ti' yejtal Cristo che' mi' mel i ye'tel i yEspíritu lac Yum ti lac pusic'al.

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

2 Corintios 5:8

Añʌch lac pijtaya, la com laj cʌy lac bʌc'tal cha'añ mi la cajñel yic'ot lac Yum.

Filipenses 1:23

Come woli ti chʌn q'uextʌyel c pusic'al cha'añ cha'chajp woli c ña'tan, comix chʌmel cha'añ mi cajñel yic'ot Cristo, jiñʌch c'ax uts'at bʌ,

1 Tesalonicenses 4:17

Ti wi'il joñonla cuxulonto bʌ la wʌ' ti pañimil mi caj lac tem letsel majlel la quic'ot jiñi tsa' bʌ chʌmiyob, ya' ti tocal mi caj lac majlel lac taj lac Yum, che' jiñi mi caj la cajñel yic'ot lac Yum ti pejtelel ora.

1 Pedro 1:21

Cha'añ ti' caj Jesús mi la' ñop Dios, jiñi tsa' bʌ i teche ch'ojyel Jesús ba'añ chʌmeño' bʌ; tsi' yʌq'ue i ñuclel, jiñi cha'añ cʌyʌletla ti Dios, añ la' pijtaya ti Dios.

1 Juan 3:2

C'uxbibilo' bʌ, i yalobiloñixla Dios, maxto tsictiyemic bajche' mi caj la cujtel; pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' yilal.

Apocalipsis 21:22

Ma'añic tsa' j q'uele templo ti ili tejclum come lac Yum Dios, jiñi Mach bʌ Añic i P'isol i P'ʌtʌlel, yic'ot jiñi Tʌñʌme' i templojʌch.

Apocalipsis 3:21

Jiñi mu' bʌ i mʌjlel i cha'añ mi caj c su'ben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'añ.