Juan 17:23 - Jiñi Tsiji' bʌ Wen T'añ cha'añ Estudio

²³ Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Chol de Tumbalá Bible

²³ Añon ti' tojlelob, añet ti joñon, cha'an mero jump'ejlob jach i pusic'al. Che' jini, jini año' bʌ ti pañimil mi caj i ña'tañob jatet tsa' chocoyon tilel. Mi mejlel i ña'tañob ja'el c'ux tsa' wubiyob, che' bajche' c'ux tsa' wubiyon.

Jiñi Tsiji' bʌ Wen T'añ cha'añ Estudio

²³ Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Chol Tila

²³ Joñon, yic'ot jatyet yic'ot jini lac cha'año' bʌ junsujm jach lac pensal como añon ti jini mu' bʌ i ch'ujbiñon. Jatyet añet ti joñon. Ti cʌq'ueyob i ñuclel che' bajche' ti a wʌc'on c ñuclel cha'an jini año' bʌ ti mulawil mi quejl i ña'tyan ti a chocoyon tyʌlel cha'an je'el mi' ña'tyan lajal ma' p'untyañob lac cha'año' bʌ che' bajche' ma' p'untyañon.

Chol: I T’an Dios

²³ Añon ti' tojlelob, añet ti joñon, cha'an mero jump'ejlob jach i pusic'al. Che' jini, jini año' bʌ ti pañimil mi caj i ña'tañob jatet tsa' chocoyon tilel. Mi mejlel i ña'tañob ja'el c'ux tsa' wubiyob, che' bajche' c'ux tsa' wubiyon.

Juan 17:23 Iomraidhean Croise

Juan 10:38

Mi woli c melben i ye'tel c Tat, anquese ma'añic mi la' ñopon, ñopola que'tel cha'añ mi la' cʌñon, cha'añ mi la' ña'tan ti isujm c Tat añ ti joñon, joñon añon tic Tat, che'en.

Juan 13:35

Che' jiñi, pejtelel wiñicob mi caj i ña'tañob xcʌnt'añetla c cha'añ che' mi la' c'uxbin la' bʌ, —che'en Jesús.

Juan 14:10

¿Mach ba añic ma' ñop añon tic Tat, jiñi c Tat añ ti joñon? Jiñi t'añ mu' bʌ c su'beñetla, ma'añic mic su'b tic bajñelil; jiñʌch c Tat mu' bʌ i yajñel ti joñon, woli bʌ i mel jiñi e'tel quic'ot.

Juan 14:23

Jesús tsi' jac'ʌ, tsi' su'be: —Jiñi mu' bʌ i c'uxbiñon mi caj i jac'beñon c t'añ; mi caj i c'uxbintel tic Tat, mi caj c tilel lojon ba'añ, che' ja'el mi caj c cha'len lojon chumtʌl yic'ot.

Juan 15:9

Che' bajche' tsi' c'uxbiyon c Tat, che' ja'el tsa' j c'uxbiyetla, chʌn ajñenla tij c'uxbiya.

Juan 16:27

come c Tat ja'el mi' c'uxbiñetla, come jatetla tsa' la' c'uxbiyon, yic'ot tsa'ix la' ñopo tilemon ti Dios.

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:24

C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Juan 17:26

Tsa' cʌq'ueyob i cʌn a c'aba', mu' to caj c chʌn ac' ti cʌjñel, cha'añ mi' cha'leñob c'uxbiya che' bajche' tsa' c'uxbiyon, cha'añ mi cajñel ti' pusic'alob. Jesús: Comol oración (); i su'bentel i ñuclel Dios (; ); i su'bentel wocolix i yʌlʌ Dios (); i c'ajtintel i coltaya Dios (; ; ); ti' tojlel xcʌnt'añob i cha'añ (), q'uele ja'el; ; ; ,; ; ; . Pablo: Cha'añ c'oc'lel (); i c'ajtintel i coltaya Dios (); ti' tojlel woli bʌ i pejcʌbeñob i juñ (; ; ) Pedro: Cha'añ tsa' cha' ch'ojyi Dorcas (). Tsa' bʌ i tsajcayob Jesús: I c'ajtintel i coltaya Dios (); ti' tojlel Pedro () Simeón: I su'bentel wocolix i yʌlʌ Dios ()

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba'añet, tsi' ñopoyob chocbilon tilel a cha'añ.

Juan 3:17

Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Juan 6:56

Jiñi mu' bʌ i c'ux c bʌc'tal, mu' bʌ i jap c ch'ich'el, mi' yajñel ti joñon, joñon ja'el mi cajñel ti' pusic'al.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Gálatas 3:28

Come ma'añix judío bʌ, mi griegojic, mi am bʌ ti' yum, o mi librejix añ, ma'añic wiñic mi x'ixic, come ti la' pejtelel jump'ejl jach añetla ti Cristo Jesús.

Filipenses 3:15

Jiñi cha'añ, ti pejtelelonla tsa'ix bʌ lac taja laj colel, che'ʌch yom mi lac ña'tan ti lac pusic'al; mi tilel bixel jach la' pusic'al, Dios mi caj i pʌsbeñetla.

Colosenses 1:28

Joñon lojon mic su'b lojon majlel Cristo, mic xic'ben lojon pejtelel wiñicob, mic cha'len lojon cʌntesa ti pejtelel c ña'tʌbal lojon cha'añ pejtelel wiñicob mi' sojlel majlel ti Cristo Jesús.

Colosenses 2:2

mic cha'len wersa cha'añ mi' cha' ñuq'uesʌntel la' pusic'al yic'ot cha'añ mi la' c'uxbin la' bʌ ti jump'ejl la' pusic'al, com mi la' laj ch'ʌmben isujm pejtelel jiñi c'ax ñuc tac bʌ isujmlel maxto bʌ tsictiyemic ti yam bʌ ora, cha'añ mi la' cʌn isujmlel Dios lac Tat yic'ot Cristo,

Colosenses 3:14

Jiñi ñumen yom bʌ jiñʌch c'uxbiya, come mi' yʌq'uetla ti tem ajñel ti jump'ejl la' pusic'al.

1 Pedro 5:10

Pero jiñi Dios am bʌ ca'bʌl i yutslel i pusic'al, tsi' pʌyʌyetla cha'añ temel mi la' wajñel yic'ot Cristo ti' ñuclel i yumʌntel mach bʌ añic mi' jilel, jiñi cha'añ che' bʌ tsa'ix la' jumuc' ñusa wocol, mi caj i ñuq'uesan la' pusic'al ya' ti' tojlel, mi caj i xuc'chocoñetla, mi caj i p'ʌt-esañetla.

1 Juan 1:3

jiñi q'uelel bʌ c cha'añ lojon, yic'ot jiñi ñʌch'tʌbil bʌ c cha'añ lojon, jiñʌch mu' bʌ c su'b lojon cha'añ mi lac tem ochel ti' ñopol lac Tat yic'ot Jesucristo i Yalobil Dios.

1 Juan 3:1

Ca'bʌl tsi' c'uxbiyonla lac Tat, jiñi cha'añ mi lac pejcʌntel ti' yalobil Dios, melel i yalobilonla; jiñi cha'añ ma'añic mi' cʌñonla i cha'año' bʌ pañimil, come mach i cʌñʌyobic Dios.

1 Juan 4:19

Jiñi cha'añ mi laj c'uxbin Dios, come ñaxan tsi' c'uxbiyonla.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, wiñicob mu' bʌ i cha'leñob lot, mi' cuyob i bʌ ti israelob anquese mach israelobic, mux caj c pʌyob tilel cha'añ mi' ñocchocoñob i bʌ ti' tojel la' woc, mi caj i ña'tañob c'ux mi cubiñetla.