Juan 17:2 - Jiñi Tsiji' bʌ Wen T'añ cha'añ Estudio

² Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon.

Chol de Tumbalá Bible

² Come tsa' wotsa pejtelel winicob x'ixicob tic p'ʌtʌlel cha'an mi cʌq'ueñob i cuxtʌlel mach bʌ anic mi' jilel ti pejtelelob tsa' bʌ a wʌq'ueyon.

Jiñi Tsiji' bʌ Wen T'añ cha'añ Estudio

² Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon.

Chol Tila

² Ti a wʌc'on tic wenta pejtyel quixtyañu cha'an mi cʌq'uen i cuxtyʌlel mach'ʌ yujil jilel pejtyel tsa' bʌ a wʌc'on.

Chol: I T’an Dios

² Come tsa' wotsa pejtelel winicob x'ixicob tic p'ʌtʌlel cha'an mi cʌq'ueñob i cuxtʌlel mach bʌ anic mi' jilel ti pejtelelob tsa' bʌ a wʌq'ueyon.

Juan 17:2 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel, che'en Jesús.

Mateo 28:18

Jesús tsi' lʌc'tesa i bʌ ti' tojlel jiñi xcʌnt'añob tsa' caji i su'beñob: “Aq'uebilon c p'ʌtʌlel cha'añ mic mel pejtelel chuqui com ti panchan yic'ot ti pañimil.

Juan 17:24

C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Juan 17:6

Tsa' c tsictesʌbeyob a c'aba' jiñi wiñicob tsa' bʌ a wʌq'ueyon ti pañimil; a cha'añob, tsa' wʌq'ueyoñob, tsi' jac'ʌyob a t'añ.

Juan 17:9

Mij c'ajtibeñet i wenlel, ma'añic mij c'ajtibeñet i wenlel i cha'año' bʌ pañimil, pero mij c'ajtibeñet i wenlel jiñi wiñicob tsa' bʌ a wʌq'ueyon, come a cha'añob.

Juan 3:35

Lac Tat mi' c'uxbin i Yalobil, tsa'ix i yʌc'ʌ ti' wenta i Yalobil pejtelel chuqui tac añ.

Juan 4:14

pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Juan 6:37

Pejtelel wiñicob x'ixicob mu' bʌ i yʌq'ueñon c Tat mi caj i tilelob ba'añon, majqui jach mi' tilel ba'añon ma'añic mi caj c choc loq'uel.

Juan 6:39

Jiñʌch chuqui yom c Tat tsa' bʌ i chocoyon tilel; cha'añ pejtelel wiñicob x'ixicob tsa' bʌ i yʌq'ueñon tic wenta, mach yomic mi' sajtel mi juntiquilic, yom mic techob ch'ojyel ti jiñi cojix bʌ q'uiñ.

Romanos 6:23

Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.

1 Corintios 15:25

Come wersa mi' cha'len yumʌntel Cristo jinto mi' t'uchtan pejtelel i contrajob.

Efesios 1:20

tsa' bʌ i c'ʌñʌ i tech ch'ojyel Cristo ba'añ chʌmeño' bʌ, che' bʌ tsi' buchchoco ti' ñoj ya' ti panchan.

Filipenses 2:10

cha'añ ti' c'aba' Jesús mi caj i ñocchocoñob i bʌ pejtelel año' bʌ ti panchan yic'ot ti pañimil yic'ot ti' ye'bal lum;

1 Timoteo 1:16

Jiñi cha'añ Jesucristo tsi' p'untayon anquese ñumen xmulilon, cha'añ mi' pʌs i p'untaya ti' tojlel jiñi mu' bʌ caj i ñopob Jesús cha'añ mi' tajob i cuxtʌlel mach bʌ añic mi' jilel.

Hebreos 1:2

wʌle, ti ili cojix bʌ q'uiñ tac tsa'ix i c'ʌñʌ i Yalobil i pejcañonla, tsi' wa'choco cha'añ mi' yʌq'uentel pejtelel chuqui tac añ, tsi' c'ʌñʌ ti' melol pejtelel chuqui tac añ;

1 Pedro 3:22

Tsa'ix majli ti panchan ya' ti' ñoj Dios. Jiñi ángelob yic'ot yumʌlob, yic'ot año' bʌ i p'ʌtʌlel, mi' yumañob Jesús.

1 Juan 1:2

—tsa' tsictiyi ti' cuxtʌlel, tsa' j q'uele lojon, woli c su'b lojon chuqui tsa' j q'uele lojon, woli c su'beñet lojon laj cuxtʌlel mach bʌ añic mi' jilel; ya' bʌ añ yic'ot lac Tat, tsa' bʌ pʌsbentiyon lojon—,

1 Juan 2:25

Dios mi' yʌq'ueñonla laj cuxtʌlel mach bʌ añic mi' jilel che' bajche' wʌn albil i cha'añ.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

Judas 1:21

Chʌn ajñenla ti' c'uxbiya Dios, chʌn pijtan la' p'untʌntel ti lac Yum Jesucristo cha'añ mi la' taj la' cuxtʌlel mach bʌ añic mi' jilel.