Juan 16:27 - Jiñi Tsiji' bʌ Wen T'añ cha'añ Estudio

²⁷ come c Tat ja'el mi' c'uxbiñetla, come jatetla tsa' la' c'uxbiyon, yic'ot tsa'ix la' ñopo tilemon ti Dios.

Chol de Tumbalá Bible

²⁷ Come c Tat ja'el mi' c'uxbiñetla, come jatetla mi la' c'uxbiñon. Tsa'ix la' ñopo tilemon ti Dios.

Jiñi Tsiji' bʌ Wen T'añ cha'añ Estudio

²⁷ come c Tat ja'el mi' c'uxbiñetla, come jatetla tsa' la' c'uxbiñon, yic'ot tsa'ix la' ñopo tilemon ti Dios.

Chol Tila

²⁷ Como c Tyat mi' p'untyañetla. Mi' p'untyañetla como mi la' p'untyañon. Mi la' ch'ujbin cha'an ti tyʌliyon ti Dios.

Chol: I T’an Dios

²⁷ Come c Tat ja'el mi' c'uxbiñetla, come jatetla mi la' c'uxbiñon. Tsa'ix la' ñopo tilemon ti Dios.

Juan 16:27 Iomraidhean Croise

Mateo 10:37

Jiñi mu' bʌ i ñumen c'uxbin i tat i ña' che' bajche' mi' c'uxbiñon mach uts'atic mij q'uel. Jiñi mu' bʌ i ñumen c'uxbin i yalobil che' bajche' mi' c'uxbiñon mach uts'atic mij q'uel.

Juan 14:21

Jiñi mu' bʌ i cʌn c mandar yic'ot mu' bʌ i jac', jiñʌch mu' bʌ i c'uxbiñon. Jiñi mu' bʌ i c'uxbiñon, mi caj i c'uxbintel tic Tat, joñon ja'el mi caj j c'uxbin, mi caj cʌq'ueñetla la' wen cʌñon.

Juan 14:23

Jesús tsi' jac'ʌ, tsi' su'be: —Jiñi mu' bʌ i c'uxbiñon mi caj i jac'beñon c t'añ; mi caj i c'uxbintel tic Tat, mi caj c tilel lojon ba'añ, che' ja'el mi caj c cha'len lojon chumtʌl yic'ot.

Juan 16:30

Wʌle mic c ch'ʌmben lojon isujm cha'añ a wujilʌch pejtelel chuqui tac añ; ma'añix majqui yom mi cʌntesañet, jiñi cha'añ mic ñop lojon tilemet ti Dios.

Juan 17:23

Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Juan 2:11

Jesús tsi' mele jiñi ñaxan bʌ i yejtal i p'ʌtʌlel ya' ti Caná ti Galilea, tsi' pʌsʌ i ñuclel; jiñi xcʌnt'añob i cha'añ tsi' ñopoyob Jesús.

Juan 3:13

Ma'añic majqui tsa' letsi ti panchan, cojach jiñi tsa' bʌ ju'bi tilel ti panchan, jiñʌch i Yalobil Wiñic [am bʌ ti panchan.]

Juan 7:29

Pero joñon mij cʌn come ya' ch'oyolon ya' ba'añ, jiñi tsi' chocoyon tilel, che'en.

Juan 8:42

Jiñi cha'añ Jesús tsi' su'beyob: —Che' la' Tatic jiñi Dios, che' jiñi mi' la' c'uxbiñon, come ch'oyolon ti Dios i wʌ'añon la' wic'ot, ma'añic tsa' tiliyon tic bajñel pusic'al, Dios tsi' chocoyon tilel.

Romanos 8:3

Jiñi mandar ma'añic tsa' mejli i coltañonla, come c'uñonla cha'añ lac tsucul pusic'al. Dios tsi' choco tilel i Yalobil lajal bʌ i bʌc'tal che' bajche' lac cha'añ am bʌ i pʌyol ti mulil; tsi' yʌc'ʌ i bʌ ti chʌmel cha'añ mi' toj lac mul, cha'añ mi' jilel i p'ʌtʌlel mulil am bʌ ti lac bʌc'tal.

1 Corintios 15:47

Jiñi ñaxan bʌ wiñic Adán melbil ti lum, pero Cristo, [jiñi lac Yum] i cha'ticlel bʌ wiñic, ch'oyol ti panchan.

1 Corintios 16:22

Jiñi mach bʌ añic mi' c'uxbin lac Yum Jesucristo la' chojquic ti Dios. ¡Tal lac Yum!

2 Corintios 5:14

Come i c'uxbiya Cristo mi' wersa xic'beñon lojon, come mic ña'tan lojon mi tsa' chʌmi juntiquil wiñic cha'añ pejtelel wiñicob x'ixicob, che' jiñi, ti Cristo tsa' laj chʌmiyonla cha'añ mi' jilel i p'ʌtʌlel mulil ti lac tojlel,

Gálatas 4:4

Pero Dios tsi' choco tilel i Yalobil che' bʌ tsa' c'oti i yorajlel, tsi' yila pañimil ti x'ixic, tsi' yotsa i bʌ ti' wenta mandar,

Efesios 6:24

La' aq'uenticob i yutslel i pusic'al pejtelel mu' bʌ i chʌn c'uxbiñob lac Yum Jesucristo. [Amén].

1 Timoteo 1:15

Xuc'ul ili t'añ, uts'atʌch cha'añ mi lac jac' ti lac pejtelel: Cristo Jesús tsa' tili wʌ' ti pañimil cha'añ mi' coltañ xmulilob, joñon ñumen xmulilon bajche' yaño' bʌ.

Hebreos 12:6

come lac Yum mi' ju'sʌben i pusic'al majqui jach mi' c'uxbin, mi' toj-esan jiñi mu' bʌ i yotsan ti' yalobil”, che'en.

1 Pedro 1:8

jatetla ma'añic tsa' la' q'uele Jesús, pero mi la' c'uxbin, ma'añic woli la' q'uel wʌle, pero woli la' ñop, jiñi cha'añ ma'añic i p'isol i tijicñʌyel la' pusic'al tilem bʌ ti panchan,

1 Juan 4:19

Jiñi cha'añ mi laj c'uxbin Dios, come ñaxan tsi' c'uxbiyonla.

Apocalipsis 3:19

Jiñi mu' bʌ j c'uxbin mic tic'; mic ju'sʌben i pusic'al. Jiñi cha'añ yom bʌxetla, cʌyʌla la' mul.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, wiñicob mu' bʌ i cha'leñob lot, mi' cuyob i bʌ ti israelob anquese mach israelobic, mux caj c pʌyob tilel cha'añ mi' ñocchocoñob i bʌ ti' tojel la' woc, mi caj i ña'tañob c'ux mi cubiñetla.