Juan 16:22 - Jiñi Tsiji' bʌ Wen T'añ cha'añ Estudio

²² Jatetla ja'el wocol mi la' wu'bin wʌle, pero joñon mi caj c cha' q'ueletla, tijicña mi caj la' wu'bin, ma'añic majqui mi mejlel i yʌc' ti jilel i tijicñʌyel la' pusic'al.

Chol de Tumbalá Bible

²² Jatetla ja'el wocol mi la' wubin wʌle. Joñon mi caj c cha' q'ueletla. Tijicña mi caj la' wubin. Ma'anic majch mi mejlel i yʌc' ti jilel i tijicñʌyel la' pusic'al.

Jiñi Tsiji' bʌ Wen T'añ cha'añ Estudio

²² Jatetla ja'el wocol mi la' wu'bin wʌle, pero joñon mi caj c cha' q'ueletla, tijicña mi caj la' wu'bin, ma'añic majch mi mejlel i yʌc' ti jilel i tijicñʌyel la' pusic'al.

Chol Tila

²² Chʌ'ʌch jatyetla je'el wale iliyi ch'ʌjyem mi la' wubin, pero mi quej c cha' q'ueletla. Che' jini, ñoj c'ajacña la' woj. Mach bʌ ba'an majch ch'ujbi i cha' chilbeñetla c'ajacña bʌ la' woj.

Chol: I T’an Dios

²² Jatetla ja'el wocol mi la' wubin wʌle. Joñon mi caj c cha' q'ueletla. Tijicña mi caj la' wubin. Ma'anic majch mi mejlel i yʌc' ti jilel i tijicñʌyel la' pusic'al.

Juan 16:22 Iomraidhean Croise

Mateo 28:8

Jiñi x'ixicob tsi' tʌts'ʌyob i bʌ ba'añ jiñi mucoñibʌl, wen woliyob ti bʌq'uen pero wen tijicñayob i pusic'al ja'el, ajñel tsa' majli i su'beñob jiñi xcʌnt'añob i cha'añ Jesús. [Che' woli' majlelob i su'beñob wen t'añ jiñi xcʌnt'añob].

Lucas 10:42

Pero junchajp jach yom, María tsi' yajca jiñi wen bʌ, ma'añic mi caj i chilbentel, che'en.

Lucas 16:25

Pero Abraham tsi' su'be: “Calobil, ña'tan cha'añ tsa' taja a chu'bʌañ ti pañimil che' cuxulet to; jiñi Lázaro tsi' yu'bi wocol, pero wʌle ñuq'uesʌbilix i pusic'al ilayi; ixcu jatet tic'lʌbilet ti wocol,

Lucas 19:26

“Joñon mic su'beñetla: Majqui jach añ i cha'añ mi caj i yʌq'uentel yam bʌ, pero jiñi mach bʌ añic i cha'añ mi caj i laj chilbentel chuqui añ i cha'añ.

Lucas 24:41

Come cha'añ ti' caj wen tijicñayob yic'ot cha'añ tsa' toj sajtiyob i pusic'al, maxto añic tsa' mejli i ñopob mi isujm chuqui woli q'uelob. Jesús tsi' c'ajtibeyob: —¿Am ba chuqui mij c'ux? —Che'en.

Juan 14:1

Mach mi la' mel la' pusic'al; mi la' ñop Dios, ñopoyonla ja'el.

Juan 14:19

Ila ti jumuc', ma'añic mi caj i chʌn q'ueloñob jiñi año' bʌ ti pañimil; pero jatetla mi caj la' q'uelon, come cuxulon. Che' ja'el jatetla cuxul mi caj la' wajñel.

Juan 14:27

Mi cʌq'ueñetla i ñʌch'tʌlel la' pusic'al, tilem bʌ ti joñon, mach lajalic bajche' mi la' taj ti pañimil. Mach mi la' mel la' pusic'al. Mach la' cha'len bʌq'uen.

Juan 16:16

Ila ti' jumuc' ma'añix mi caj la' q'uelon; pero ti' yam bʌ jumuc' mi caj la' cha' q'uelon, come mic majlel ba'añ c Tat, che'en.

Juan 16:20

Isujm, isujm mic su'beñetla: Jatetla mi caj la' cha'len uq'uel, mi caj la' mel la' pusic'al, jiñi año' bʌ ti pañimil tijicña mi caj i yu'biñob, pero jatetla ch'ijiyem jax mi caj la' wu'bin, ti wi'il mi caj i q'uextʌyel i ch'ijiyemlel la' pusic'al ti' tijicñʌyel.

Juan 16:6

Pero wen ch'ijiyem jax la' pusic'al cha'añ c t'añ tsa' bʌ c su'beyetla.

Juan 21:7

Jiñi xcʌnt'añ c'uxbibil bʌ i cha'añ Jesús, tsi' su'be Pedro: —¡Jiñʌch lac Yum! Che' bʌ tsi' yu'bi Simón Pedro cha'añ jiñʌch lac Yum, tsi' lʌpʌ i bujc, come jochol i cha'añ, tsi' choco ochel i bʌ ti mar.

Juan 4:14

pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Hechos 13:52

Jiñi xñopt'añob wen tijicñayob i pusic'al yic'ot but'ulob ti Ch'ujul bʌ Espíritu.

Hechos 16:25

Pero che' ti ojlil ac'ʌlel, Pablo yic'ot Silas woliyob ti oración yic'ot woli' c'ʌyiñob Dios. Jiñi xñujp'elob woli i yu'biñob.

Hechos 2:46

Temel tsa' chʌn ajñiyob ti Templo ti jujump'ejl q'uiñ. Tsi' xet'eyob waj ti' yotot tac, temel tsi' cha'leyob we'el ti tijicñʌyel yic'ot jump'ejlob jach i pusic'al.

Hechos 5:41

Che' bʌ tsa'ix loq'uiyob ti' tojlel año' bʌ i ye'tel, tijicñayob jax i pusic'al, come Dios tsi' yʌq'ueyob i xuc'tʌlel i pusic'al cha'añ mi' ñusañob i ts'a'lentel ti' c'aba' Jesús.

2 Corintios 6:10

Ch'ijiyem lojon c pusic'al pero chʌn tijicñayon lojon, ma'añic c chu'bʌañ lojon, pero wen chumulob yaño' bʌ cha'añ que'tel lojon ti subt'añ, ma'añic mi ts'ita'ic c chu'bʌañ lojon, pero c cha'añʌch lojon pejtelel chuqui tac añ.

2 Tesalonicenses 2:16

Jiñi lac Yum Jesucristo, yic'ot Dios lac Tat tsa' bʌ i c'uxbiyonla, jiñi tsa' bʌ i yʌq'ueyonla i ñuclel lac pusic'al mach bʌ añic mi' jilel yic'ot wen bʌ lac pijtaya ti' yutslel i pusic'al,

Hebreos 10:34

come tsa' la' p'unta jiñi tsa' bʌ mʌjquiyob, che' bʌ tsa' xujch'inti la' chu'bʌañ tsa' la' cuchu yic'ot i tijicñʌyel la' pusic'al, come la' wujil añ ñumen wen bʌ la' chu'bʌañ ti panchan mach bʌ yujilic jilel.

Hebreos 6:18

Dios mach mejlic i cha'len lot, añ cha'chajp mach bʌ yujilic q'uextʌyel, jiñʌch i xuc'tʌlel i pusic'al yic'ot jiñi albil bʌ i t'añ, jiñi cha'añ joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'añ mi lac chʌn pijtan jiñi su'bebilon bʌ la.

1 Pedro 1:8

jatetla ma'añic tsa' la' q'uele Jesús, pero mi la' c'uxbin, ma'añic woli la' q'uel wʌle, pero woli la' ñop, jiñi cha'añ ma'añic i p'isol i tijicñʌyel la' pusic'al tilem bʌ ti panchan,