Juan 16:10 - Jiñi Tsiji' bʌ Wen T'añ cha'añ Estudio

¹⁰ Mi caj i ña'tañob toj c pusic'al, come mic majlel ba'añ c Tat, ma'añix mi caj la' chʌn q'uelon.

Chol de Tumbalá Bible

¹⁰ Mi caj i ña'tañob toj c pusic'al, come mic majlel ba'an c Tat. Ma'anix mi caj la' chʌn q'uelon.

Jiñi Tsiji' bʌ Wen T'añ cha'añ Estudio

¹⁰ Mi caj i ña'tañob toj c pusic'al, come mic majlel ba'añ c Tat, ma'añix mi caj la' chʌn q'uelon.

Chol Tila

¹⁰ Mi quejel i yʌq'uen i ña'tyañob bajche' yom i yajñelob ti tyoj como mic majlel ba'an c Tyat ti panchan. Jatyetla mach'anix mi quej la' bej q'uelon.

Chol: I T’an Dios

¹⁰ Mi caj i ña'tañob toj c pusic'al, come mic majlel ba'an c Tat. Ma'anix mi caj la' chʌn q'uelon.

Juan 16:10 Iomraidhean Croise

Juan 16:28

Tsa' loq'uiyon tilel ba'añ c Tat, tsa' tiliyon ti pañimil; wʌle mic cha' cʌy pañimil, come mi caj c cha' majlel ba'añ c Tat, che'en.

Juan 16:5

Pero wʌle mic majlel ba'añ jiñi tsa' bʌ i chocoyon tilel. Mi juntiquileticla woli' la' c'ajtibeñon baqui mic majlel.

Juan 3:14

Che' bajche' Moisés tsi' joc'choco lucum ti te' ti jochol bʌ lum, che'ʌch ja'el mi caj i wersa letsʌntel i Yalobil Wiñic,

Juan 5:32

Añ yam bʌ mu' bʌ i yʌc'on ti cʌjñel; cujil isujm i t'añ jiñi mu' bʌ i yʌc'on ti cʌjñel.

Juan 7:33

Jiñi cha'añ, Jesús tsi' yʌlʌ: —Jumuc' jax wʌ'añon la' wic'ot, mic cha' majlel ya' ba'añ jiñi tsa' bʌ i chocoyon tilel.

Hechos 17:31

come Dios tsa'ix i wʌn ña'ta jiñi q'uiñ baqui ora mi caj i cha'len meloñel ti toj, tsa'ix i wa'choco jiñi wiñic mu' bʌ caj i mel jiñi año' bʌ ti pañimil che' bajche' tsi' tsictesʌbeyonla ti isujm cha'añ tsi' teche ch'ojyel Jesús ba'añ chʌmeño' bʌ cha'añ mi lac ñop.

Hechos 2:32

Dios tsi' teche ch'ojyel Jesús, tic pejtelel lojon testigojon lojon.

Hechos 3:14

Pero jatetla tsa' la' ts'a'le jiñi Ch'ujul Bʌ, jiñi Toj Bʌ. Tsa' la' c'ajtibe Pilato cha'añ mi' yʌc' ti colel jiñi xtsʌnsa.

Hechos 7:52

Ma'añic mi juntiquilic x'alt'añ mach bʌ añic tsa' tic'lʌnti ti' tojlel la' ñojte'el. Tsi' tsʌnsayob jiñi tsa' bʌ i wʌn su'buyob tal jiñi Toj bʌ. Wʌle jatetla tsa'ix la' wʌc'ʌ jiñi Toj bʌ ti' c'ʌb i contra, tsa'ix la' tsʌnsa.

Romanos 1:17

come ti jiñi wen t'añ mi' tsictiyel toj bʌ i pusic'al Dios mu' bʌ i yʌq'ueñonla che' mi lac ñop, yic'ot cha'añ chʌn xuc'ul mi lac ñop che' bajche' ts'ijbubil: “Jiñi mu' bʌ i q'uejlel ti toj cha'añ jach tsi' ñopo Dios, chʌn cuxul mi caj i yajñel”.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Gálatas 5:5

Joñonla tsa' bʌ lac ñopo Dios woli lac pijtan laj coltʌntel ti' p'ʌtʌlel jiñi Espíritu cha'añ mi laj q'uejlel ti toj,

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;