Juan 15:8 - Jiñi Tsiji' bʌ Wen T'añ cha'añ Estudio

⁸ Mi' caj ti pʌstʌl i ñuclel c Tat, che' mi la' wʌc' ca'bʌl la' wut, che' jiñi, xcʌnt'añetla c cha'añ.

Chol de Tumbalá Bible

⁸ Mi' caj ti pʌstʌl i ñuclel c Tat, che' mi la' wʌc' cabʌl la' wut. Che' jini, xcʌnt'añetla c cha'an.

Jiñi Tsiji' bʌ Wen T'añ cha'añ Estudio

⁸ Mi' caj ti pʌstʌl i ñuclel c Tat, che' mi la' wʌc' ca'bʌl la' wut, che' jiñi, xcʌnt'añetla c cha'añ.

Chol Tila

⁸ Mi tsictiyel i ñuclel c Tyat ti panchan che' mi la' cabʌl cha'len wen bʌ. Mi la' pʌse' cha'an yoque ajcʌnt'añetla c cha'an.

Chol: I T’an Dios

⁸ Mi' caj ti pʌstʌl i ñuclel c Tat, che' mi la' wʌc' cabʌl la' wut. Che' jini, xcʌnt'añetla c cha'an.

Juan 15:8 Iomraidhean Croise

Mateo 5:16

Che' yom mi la' pʌsbeñob wiñicob x'ixicob la' sʌclel yic'ot wen bʌ la' we'tel, che' mi' q'uelob mi caj i tsictesañob i ñuclel la' Tat am bʌ ti panchan.

Mateo 5:44

Pero joñon mic su'beñetla: C'uxbin la' contrajob. [Aq'uenla i yutslel la' t'añ jiñi mu' bʌ i p'ajetla, melbenla chuqui uts'at jiñi mu' bʌ i ts'a'leñetla.] Tajala ti oración jiñi mu' bʌ i contrajiñetla yic'ot jiñi mu' bʌ i tic'lañetla.

Mateo 9:8

Che' bʌ tsi' q'ueleyob jiñi wiñicob x'ixicob tsa' toj sajtiyob i pusic'al, tsi' su'buyob i ñuclel Dios, cha'añ ti' caj Dios tsi' yʌq'ueyob i p'ʌtʌlel wiñicob x'ixicob.

Lucas 6:35

Pero c'uxbinla la' contrajob, melela chuqui wen yic'ot aq'uenla ti majan; mach mi la' cha'len ña'tʌbal cha'añ mi la' cha' sutq'uibentel, che' jiñi mi caj la' ch'ʌm la' chobejtʌbal yic'ot tsiquil i yalobiletla jiñi C'ax Ñuc Bʌ, come mi' c'uxbin jiñi mach bʌ añobic i yutslel i pusic'al yic'ot jiñi jontolo' bʌ.

Juan 13:35

Che' jiñi, pejtelel wiñicob mi caj i ña'tañob xcʌnt'añetla c cha'añ che' mi la' c'uxbin la' bʌ, —che'en Jesús.

Juan 15:5

Joñon jiñi ac', jatetla j c'ʌbetla, jiñi mu' bʌ i yajñel ti joñon che' bajche' joñon mi cajñel ti jiñi wiñic, jiñʌch mu' bʌ i yʌc' ca'bʌl i wut, come mi ma'añic mi la' wajñel ti joñon, ma'añic chuqui mi' mejlel la' bajñel mel.

Juan 8:31

Jiñi cha'añ Jesús tsi' su'beyob judíojob tsa' bʌ i ñopoyob: —Mi chʌn xuc'uletla mi la' wajñel tic t'añ, mero xcʌnt'añetla c cha'añ.

1 Corintios 10:31

Mi añ chuqui mi la' c'ux, che' jiñi, mi añ chuqui mi la' jap, mi añ yam bʌ chuqui mi la' mel, melela ti pejtelel cha'añ mi' tsictiyel i ñuclel Dios.

1 Corintios 6:20

Come tsa' mʌjñiyetla, tojbiletla, jiñi cha'añ tsictesanla i ñuclel Dios ti la' bʌc'tal [yic'ot ti la' ch'ujlel, come i cha'añʌch Dios.],

Filipenses 1:11

cha'añ ca'bʌl mi' yʌc' i wut toj bʌ la' pusic'al ti' tojlel Jesucristo, che' jiñi, mi caj i tsictiyel i ñuclel Dios, mi caj i su'bentel wocolix i yʌlʌ.

Tito 2:10

mach yomic mi' cha'leñob xujch', ti pejtelel i melbal yom mi' pʌsob i bʌ ti xuc'ul ti' tojlel i yumob cha'añ uts'at mi' yu'biñob i cʌntesa Dios, xColtaya lac cha'añ.

Tito 2:5

cha'añ mi' tic'ob i pusic'al, cha'añ sʌc mi' yajñelob, cha'añ uts'at mi' melob i ye'tel ti' yotot, yom uts mi' pʌsob i bʌ ti' tojlel i ñoxi'al cha'añ ma'añic mi' wajlentel i t'añ Dios.

1 Pedro 2:12

pʌsʌ la' bʌ ti uts'at ti' tojlel jiñi gentilob, che' jiñi anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i su'bob i ñuclel Dios.

1 Pedro 4:11

Majqui jach mi' cha'len t'añ, la' i cha'len t'añ che' bajche' cʌntesʌbil ti' t'añ Dios. Majqui jach mi' coltañ i pi'ʌlob, la' i coltañob yic'ot i p'ʌtʌlel mu' bʌ i yʌq'ueñ Dios, cha'añ mi' tsictiyel i ñuclel Dios ti Jesucristo ti pejtelel chuqui mi' yujtel. La' tsictiyic i ñuclel yic'ot i p'ʌtʌlel ti pejtelel ora. Amén.