Juan 15:24 - Jiñi Tsiji' bʌ Wen T'añ cha'añ Estudio

²⁴ Che' machic jax tsa' c mele ñuc tac bʌ que'tel mach bʌ añic majqui melbil i cha'añ ti ñaxan, che' jiñi ma'añobic i mul; pero wʌle tsa'ix i q'ueleyob, mi' ts'a'leñoñob temel quic'ot c Tat.

Chol de Tumbalá Bible

²⁴ Ma'anic majch tsi' mele ñuc bʌ i ye'tel che' bajche' tsac mele ti' tojlelob. Machic tsac mele, ma'añobic i mul. Wʌle tsa'ix i q'ueleyob. Mi' ts'a'leñoñob quic'ot c Tat ja'el.

Jiñi Tsiji' bʌ Wen T'añ cha'añ Estudio

²⁴ Che' machic jax tsa' c mele ñuc tac bʌ que'tel mach bʌ añic majqui melbil i cha'añ ti' ñaxan, che' jiñi ma'añobic i mul; pero wʌle tsa'ix i q'ueleyob, mi' ts'a'leñoñob temel quic'ot c Tat.

Chol Tila

²⁴ Machic ti yilʌyob che' ñac tic pʌsʌ ñuc tyac bʌ c p'ʌtyʌlel mach'an i mul. Pero wale tsa'ix i yilʌyob c p'ʌtyʌlel pero mi' mich'q'ueloñob yic'ot c Tyat ti panchan je'el.

Chol: I T’an Dios

²⁴ Ma'anic majch tsi' mele ñuc bʌ i ye'tel che' bajche' tsac mele ti' tojlelob. Machic tsac mele, ma'añobic i mul. Wʌle tsa'ix i q'ueleyob. Mi' ts'a'leñoñob quic'ot c Tat ja'el.

Juan 15:24 Iomraidhean Croise

Mateo 11:5

Jiñi xpots'ob wolix i c'otelob i wut, woliyobix ti xʌmbal jiñi mach bʌ weñobic i yoc, jiñi año' bʌ leco bʌ i tsoy c'oq'uesʌbilobix, jiñi xcojcob wolix i yu'biñob t'añ, woli' i cha' ch'ojyel jiñi chʌmeño' bʌ, yic'ot jiñi p'ump'uño' bʌ woli' su'bentelob jiñi wen t'añ.

Mateo 21:32

Come Juan tsa' tili ba'añetla, tsa' ajñi ti toj bʌ bij, pero ma'añic tsa' la' ñopbe i t'añ, pero jiñi xch'ʌm tojoñelob yic'ot jiñi xts'i'lel x'ixicob tsi' ñopbeyob i t'añ. Pero jatetla anquese tsa' la' q'uele che' bajche' tsi' cʌyʌyob i mul, pero ma'añic tsa' la' cʌyʌ la' mul cha'añ mi la' ñopben i t'añ ti wi'il, —che'en Jesús.

Mateo 9:33

Che' bʌ tsa'ix chojqui loq'uel i xi'bʌjlel, jiñi x'uma' tsa' caji ti t'añ. Tsa' toj sajtiyob i pusic'al jiñi wiñicob x'ixicob, tsi' yʌlʌyob: —Ma'añic ba' ora tsa' laj q'uele che' bajche' iliyi ti' tojlel Israel.

Marcos 2:12

Jiñi wiñic tsa' ch'ojyi ti ora, tsi' teche i wʌyib, tsa' loq'ui majlel ti' wut pejtelelob; che' jiñi, tsa' toj sajtiyob i pusic'al ti pejtelelob; tsi' tsictesayob i ñuclel Dios. Tsi' yʌlʌyob: —Ma'añic ba' tsa' laj q'uele bajche' jiñi.

Lucas 24:19

Jiñi cha'añ Jesús tsi' c'ajtibeyob: —¿Chuqui jiñi tsa' bʌ ujti? Jiñi xcʌnt'añob tsi' su'beyob: —¿Mach ba añic tsa' wu'bi bajche' tsa' ujti Jesús ch'oyol bʌ ti Nazaret? X'alt'añʌch jiñi Jesús, tsi' pʌsʌ i p'ʌtʌlel ti wen bʌ i melbal yic'ot ti' t'añ ti' wut Dios yic'ot ti' wut pejtelel wiñicob x'ixicob.

Juan 10:32

Jesús tsi' su'beyob: —Tsa' c pʌsbeyetla ca'bʌl wen bʌ c melbal ch'oyol bʌ tic Tat. ¿Baqui bʌ wen bʌ c melbal yom mi' yʌc'on ti jujlel? —Che'en.

Juan 10:37

Mi ma'añic mic melben i ye'tel c Tat, mach mi la' ñopon.

Juan 12:10

Jiñi ñuc bʌ motomajob tsi' comol ña'tayob cha'añ mi' tsʌnsañob Lázaro ja'el.

Juan 12:45

Jiñi mu' bʌ i q'uelon mi' q'uel c Tat tsa' bʌ i chocoyon tilel.

Juan 14:9

Jesús tsi' su'be: —Ca'bʌlix ora wʌ'añon la' wic'ot. ¿Mach ba añic tsa' cʌñʌyon, Felipe? Jiñi tsa' bʌ i q'ueleyon, tsa'ix i q'uele c Tat. ¿Chucoch ma' wʌl, che' jiñi: “Pʌsbeñon lojon a Tat”?

Juan 15:21

Che'ʌch mi caj i melbeñetla i cha'año' bʌ pañimil cha'añ ti' caj j c'aba', come ma'añic mi' cʌñob jiñi tsa' bʌ i chocoyon tilel.

Juan 15:22

Che' machic jax tsa' tiliyon, che' machic jax tsa' c pejcayob, che' jiñi ma'añobic i mul; pero wʌle mach mejlic i su'bob ma'añobic i mul.

Juan 15:23

Jiñi mu' bʌ i ts'a'leñon, mi' ts'a'len c Tat ja'el.

Juan 16:9

Mi caj i ña'tañob añob i mul cha'añ ma'añic tsi' ñopoyoñob.

Juan 3:2

Nicodemo tsa' tili ba'añ Jesús ti ac'ʌlel, tsi' su'be: —Rabí, cujil lojon maestrojet, chocbilet tilel i cha'añ Dios, come ma'añic majqui mi mejlel i pʌs i yejtal i p'ʌtʌlel che' bajche' jatet mi ma'añic Dios yic'ot, —che'en.

Juan 5:36

Pero añ c cha'añ ñumen ñuc bʌ mu' bʌ i yʌc'on ti cʌjñel che' bajche' Juan; jiñʌch que'tel tsa' bʌ i yʌq'ueyon c Tat cha'añ mic mel ti ts'ʌcʌl. Jiñi c melbal, mi' yʌc'on ti cʌjñel cha'añ mi la' ña'tan tsi' chocoyon tilel c Tat.

Juan 6:36

Pero jatetla, che' bajche' tsa' c su'beyetla, anquese tsa' la' q'ueleyon ma'añic mi la' ñopon.

Juan 7:31

Ca'bʌl wiñicob x'ixicob tsi' ñopoyob, tsi' yʌlʌyob: —Jiñi mero Cristo mu' bʌ i tilel, ¿mejl ba i pʌs ñumen ñuc bʌ i yejtal i p'ʌtʌlel che' bajche' tsi' pʌsʌ Jesús?

Juan 9:32

C'ʌlʌl ti' cajibal pañimil ma'añic ba' tsa' la cu'bi majqui mi' mejlel i camben i wut xpots' che' bʌ xpots' tsi' yila pañimil.

Juan 9:41

Jesús tsi' su'beyob: —Xpots'eticla, ma'añic la' mul, pero come mi la' lon al woli' c'otel la' wut, jiñi cha'añ chʌn añ la' mulil, —che'en.

Hechos 10:38

Dios tsi' yajca Jesús jiñi loq'uem bʌ ti Nazaret cha'añ mi yʌq'ueñ Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' mele chuqui uts'at tac, tsi' lajmesa pejtelel jiñi tic'lʌbilo' bʌ i cha'añ xi'ba, come añ Dios yic'ot.

Hechos 2:22

Israelob, u'binla jiñi t'añ: Dios tsi' pʌsbeyetla cha'añ uts'at jiñi Jesús ch'oyol bʌ ti Nazaret, come Dios tsi' c'ʌñʌ cha'añ mi' pʌs jiñi ñuc bʌ i melbal yic'ot jiñi bʌbʌq'uen tac bʌ i yejtal i p'ʌtʌlel ti la' tojlel che' bajche' la' wujil.

Romanos 1:30

Mi' cha'leñob wulwul t'añ yic'ot mi' p'olob t'añ ti' contra yaño' bʌ, mi' ts'a'leñob Dios, mi' p'ajob i pi'ʌlob, mi' q'uelob i bʌ ti ñuc, mi' wen chañ-esañob i bʌ, mi' ña'tan i melob jontolil, mi' ñusʌbeñob i t'añ i tat i ña',

2 Timoteo 3:4

Mi' yʌc'ob i pi'ʌlob ti' c'ʌb i contra, bʌbʌq'uen jax i melbalob, c'ax ñuc mi' pʌsob i bʌ, mi' mulañob pejtelel chuqui tac yom i pusic'al, ma'añic mi' c'uxbiñob Dios,

Santiago 4:4

Lajaletla bajche' x'ixic mu' bʌ i cʌy i ñoxi'al cha'añ mi' c'uxbin i contra. ¿Mach ba la' wujilic jiñi mu' bʌ i c'uxbin i cha'añ bʌ pañimil, mi' contrajin Dios? Jiñi yom bʌ i c'uxbintel ti pañimil, woli' yotsan i bʌ ti' contra Dios.