Juan 15:16 - Jiñi Tsiji' bʌ Wen T'añ cha'añ Estudio

¹⁶ Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Chol de Tumbalá Bible

¹⁶ Jatetla ma'anic tsa' la yajcayon. Joñon tsac yajcayetla. Tsa cʌq'ueyetla la' we'tel cha'an mi la' majlel la' wʌc' la' wut mu' bʌ caj i jalijel, cha'an mi' yʌq'ueñetla c Tat pejtelel chuqui mi la' c'ajtiben tij c'aba'.

Jiñi Tsiji' bʌ Wen T'añ cha'añ Estudio

¹⁶ Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Chol Tila

¹⁶ Mach'an ti la' yajcʌyon. Pero joñon tic yajcʌyetla cha'an cabʌl wen bʌ mi la' cha'len. Yic'ot cha'an mi bej tsictiyel cabʌl wen bʌ mi la' cha'len. Jin cha'an mi la' c'ajtiben c Tyat cha'an mi quejel i yʌq'ueñetla chʌ bʌ jach mi la' c'ajtiben.

Chol: I T’an Dios

¹⁶ Jatetla ma'anic tsa' la yajcayon. Joñon tsac yajcayetla. Tsa cʌq'ueyetla la' we'tel cha'an mi la' majlel la' wʌc' la' wut mu' bʌ caj i jalijel, cha'an mi' yʌq'ueñetla c Tat pejtelel chuqui mi la' c'ajtiben tij c'aba'.

Juan 15:16 Iomraidhean Croise

Mateo 21:22

Mi mux la' ñop mi caj la' wʌq'uentel pejtelel chuqui tac mi la' c'ajtin ti oración, —che'en Jesús.

Mateo 7:7

C'ajtinla, mi caj la' wʌq'uentel. Sajcanla, mi caj la' taj. Pejcanla, mi caj la' jambentel.

Lucas 6:13

Che' bʌ tsa' sʌc'a, Jesús tsi' pʌyʌ tilel xcʌnt'añob i cha'añ, tsi' yajca lajchʌntiquil, tsi' yotsʌbeyob i c'aba' ti apóstolob.

Juan 13:18

Ma'añic woli c pejcañetla ti la' pejtelel. Cujil majqui tsa' c yajca cha'añ mi' ts'ʌctiyel i Ts'ijbujel Dios mu' bʌ i yʌl: “Jiñi tsa' bʌ i c'uxu waj quic'ot tsi' contrajiyon”.

Juan 15:19

Che' i cha'añeticla pañimil, jiñi pañimil mi' c'uxbiñetla che' bajche' mi c'uxbiñob i bʌ, pero come mach i cha'añeticla pañimil, joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil.

Juan 15:5

Joñon jiñi ac', jatetla j c'ʌbetla, jiñi mu' bʌ i yajñel ti joñon che' bajche' joñon mi cajñel ti jiñi wiñic, jiñʌch mu' bʌ i yʌc' ca'bʌl i wut, come mi ma'añic mi la' wajñel ti joñon, ma'añic chuqui mi' mejlel la' bajñel mel.

Juan 6:70

Jesús tsi' jac'be: —¿Mach ba tsa'ic j yajcayetla jatetla jiñi lajchʌntiquil, pero juntiquil i cha'añʌch xi'ba? —Che'en.

Hechos 1:24

Tsi' pejcayob Dios che' bajche' iliyi: Jatet, c Yum, ma' cʌmben i pusic'al pejtelel wiñicob, wʌ'an cha'tiquil, pʌsʌ majqui jiñi yajcʌbil bʌ a cha'añ,

Hechos 1:8

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele, —che'en Jesús.

Hechos 10:41

Mach ti' wutic pejtelel wiñicob x'ixicob, cojach tic wut lojon tsa' bʌ c cha'le lojon we'el, uch'el yic'ot Jesús che' ch'ojyemix loq'uel ba'añ chʌmeño' bʌ. Dios tsi' wa'chocoyon lojon ti testigo cha'añ mic laj su'b lojon chuqui tsa' j q'uele lojon.

Hechos 22:14

Tsi' su'beyon: “I Dios lac ñojte'elob tsi' yajcayet cha'añ ma' cʌn chuqui yom i pusic'al Dios, tsi' yajcayet cha'añ ma' q'uel jiñi Toj bʌ, yic'ot cha'añ ma' wu'biben i t'añ che' mi' pejcañet.

Hechos 9:15

Lac Yum tsi' cha' su'be: —Cucu, come yajcʌbilix c cha'añ jiñi wiñic cha'añ mi' su'b majlel j c'aba' ti' tojlel gentilob yic'ot reyob yic'ot israelob.

Romanos 1:13

Pero com mi la' ña'tan hermañujob, añix ora woli c ña'tan c tilel ba'añetla cha'añ mi' p'ojlel xñopt'añob ti la' tojlel che' bajche' ti' tojlel yaño' bʌ gentilob, pero c'ʌlʌl wʌle añ chuqui tsi' mʌctayon.

Romanos 1:5

Ti Jesucristo tsi' yʌq'ueyon lojon i yutslel i pusic'al yic'ot tsi' yʌq'ueyon lojon que'tel che' bajche' apóstol, cha'añ mic su'ben lojon wiñicob x'ixicob ti pejtelel pañimil cha'añ mi' ñopob Jesucristo,

Romanos 15:4

Pejtelel tsa' bʌ ts'ijbunti ti wajali, tsa' ts'ijbunti cha'añ laj cʌntesʌntel. I Ts'ijbujel Dios mi yʌq'ueñonla i xuc'tʌlel yic'ot i ñuq'uesʌntel lac pusic'al cha'añ mi lac pijtan jiñi tal to bʌ.

Romanos 9:21

Jiñi xmel uc'um, ¿mach ba mejlic i c'ʌn jiñi jach bʌ oc'ol cha'añ mi' mel jump'ejl uc'um mu' bʌ i c'ʌjñel cha'añ chuqui uts'at, yic'ot yam bʌ uc'um mu' bʌ i c'ʌjñel cha'añ jiñi mach bʌ weñic?

1 Corintios 10:11

Che'ʌch tsa' ujtiyob cha'añ laj cʌntesʌntel, tsa' ts'ijbunti cha'añ lac tic'ol joñonla cuxulonto bʌ la ti ili ora che' lʌc'ʌlix i jilibal.

Gálatas 1:15

Dios tsi' yajcayon che' maxto añic tsa' quila pañimil, tsi' pʌyʌyon ti' yutslel jach i pusic'al.

Efesios 2:10

I melbalonla Dios, tsi' cha' meleyonla ti Cristo Jesús cha'añ mi lac mel chuqui wen, wʌn ña'tʌbilix i cha'añ Dios chuqui mi caj lac mel.

Colosenses 1:23

pero yom chʌn xuc'uletla ti isujm, mi p'ʌtʌletla ti jiñi mu' bʌ la' ñop, mach mi la' cʌy la' pijtaya tsa' bʌ la' wu'bi ti jiñi t'añ woli bʌ i sujbel ti pejtelel pañimil ti' ye'bal panchan; joñon, Pablo, aq'uebilon que'tel cha'añ jiñi wen t'añ.

Colosenses 1:6

tsa' bʌ c'oti ti la' tojlel yic'ot ti pejtelel pañimil, woli' chʌn pujquel ti la' tojlel, woli' chʌn ac' i wut che' bajche' ti jiñi q'uiñ che' bʌ tsa' caji la' wu'bin che' bʌ tsa' la' ch'ʌmbe isujmlel i yutslel i pusic'al Dios.

1 Timoteo 2:7

Jiñi cha'añ tsa' wa'chocontiyon ti subt'añ yic'ot chocbilon majlel ti subt'añ (isujm chuqui woli c su'b come añon ti Cristo, mach c lotic). Xcʌntesajon ti' tojlel jiñi gentilob cha'añ mi' cʌñob isujmlel, yic'ot cha'añ mi' ñopob Dios.

2 Timoteo 1:11

Wa'chocobilon cha'añ mic su'beñob [gentilob] jiñi wen t'añ. Chocbilon majlel ti subt'añ yic'ot ti cʌntesa ti' tojlelob.

2 Timoteo 2:2

Jiñi t'añ tsa' bʌ la' wu'bi ti' tojlel ca'bʌlob, aq'ueñob ti' wenta xuc'ul bʌ wiñicob mu' bʌ caj i cʌntesañob yaño' bʌ.

Tito 1:5

Jiñi cha'añ tsa' j cʌyʌyet ya' ti Creta, cha'añ ma' toj-esan jiñi yom bʌ toj-esʌntel yic'ot cha'añ ma' wa'chocon ancianojob ti jujump'ejl tejclum che' bajche' tsa' c su'beyet;

Hebreos 11:4

Cha'añ tsi' ñopo Dios Abel tsi' yʌq'ue ñumen wen bʌ i majtañ bajche' Caín, jiñi cha'añ Dios tsi' q'uele ti toj, tsi' su'bu cha'añ uts'at i majtañ tsa' bʌ i yʌc'ʌ Abel; anquese chʌmeñix, woli to i cʌntesañonla cha'añ tsi' ñopo Dios.

Santiago 3:18

Jiñi mu' bʌ i ñʌch'chocoñob leto ti' ñʌch'tʌlel i pusic'al woli' wejch'uñob majlel pac' yilal mu' bʌ caj i yʌc' i wut cha'añ toj mi la cajñel.

1 Pedro 3:15

Pero chʌn yumanla Cristo ti la' pusic'al. Yom chajpʌbil la' pusic'al ti pejtelel ora cha'añ mi la' su'ben la' pi'ʌlob baqui tilem la' pijtaya che' mi' c'ajtibeñetla. Su'benla ti uts bʌ t'añ yic'ot c'uxbiya.

1 Pedro 3:2

Mi caj i q'uelob toj bʌ la' melbal che' mi la' jac'beñob ti uts'at.

1 Juan 4:10

Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

1 Juan 4:19

Jiñi cha'añ mi laj c'uxbin Dios, come ñaxan tsi' c'uxbiyonla.