Juan 14:6 - Jiñi Tsiji' bʌ Wen T'añ cha'añ Estudio

⁶ Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Chol de Tumbalá Bible

⁶ Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Jiñi Tsiji' bʌ Wen T'añ cha'añ Estudio

⁶ Jesús tsi' su'be: —Joñon i bijlelon, isujmlelon, i cuxtʌlelon, ma'añic majch mi' c'otel ba'añ c Tat, jiñi jach am bʌ tic wenta.

Chol Tila

⁶ Jesús ti' sube: Joñoñʌch jini bij yom bʌ la' t'un majlel. Mic subeñetla melel bʌ t'an yom bʌ la' ch'ujbin. Mi cʌq'ueñetla la' cuxtyʌlel mach'ʌ yujil jilel. Mach'an majch mi c'otyel ba'an c Tyat. Jini jach am bʌ tic wenta.

Chol: I T’an Dios

⁶ Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Juan 14:6 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 1:17

come jiñi mandar tsa' aq'uenti Moisés pero i yutslel i pusic'al Dios yic'ot isujmlel tsa' tili ti' Jesucristo.

Juan 1:4

Ti' tojlel añʌch laj cuxtʌlel, jiñi laj cuxtʌlel mi' yʌc'ob ti' ajñel wiñicob x'ixicob ti' sʌclel pañimil.

Juan 10:28

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb.

Juan 10:7

Jiñi cha'añ Jesús tsi' cha' su'beyob: —Isujm, isujm mic su'beñetla: Joñon i ti'on ba' mi' yochel tʌñʌme'.

Juan 10:9

Joñon i ti'on ba' mi' yochel tʌñʌme'. Jiñi mu' bʌ i yochel ti joñon mi caj i coltʌntel; mi' caj ti ochel, yic'ot mi caj i loq'uel, che' ja'el mi caj i taj wen bʌ jam.

Juan 14:19

Ila ti jumuc', ma'añic mi caj i chʌn q'ueloñob jiñi año' bʌ ti pañimil; pero jatetla mi caj la' q'uelon, come cuxulon. Che' ja'el jatetla cuxul mi caj la' wajñel.

Juan 15:1

Joñon jiñi isujm bʌ ac', c Tat jiñʌch xpora.

Juan 18:37

Jiñi cha'añ Pilato tsi' c'ajtibe: —¿Reyet ba che' jiñi? —Che'en. Jesús tsi' jac'ʌ: —Jatet woli a wʌl cha'añ joñoñʌch jiñi Rey. Jiñʌch cha'añ tsa' quila pañimil. Jiñi cha'añ tsa' tiliyon ti pañimil cha'añ mi cʌc' ti cʌjñel isujmlel Dios. Pejtelel majqui mi' ñop isujmlel mi' yu'bin c t'añ.

Juan 5:21

Come che' bajche' c Tat mi' tech ch'ojyel jiñi chʌmeño' bʌ, mi' yʌq'ueñob i cuxtʌlel; che' ja'el i Yalobil mi' yʌq'ueñ i cuxtʌlel majqui jach yom i yʌq'ueñ.

Juan 6:33

Come jiñi waj ch'oyol bʌ ti Dios, jiñʌch tsa' bʌ ju'bi tilel ti panchan mu' bʌ i yʌq'ueñob i cuxtʌlel jiñi año' bʌ ti pañimil, —che'en Jesús.

Juan 6:51

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Juan 6:57

Che' bajche' cuxul c Tat tsa' bʌ i chocoyon tilel, che' bajche' añ j cuxtʌlel tic Tat, che' ja'el jiñi mu' bʌ i c'ux c bʌc'tal mi caj i taj i cuxtʌlel ti joñon.

Juan 6:68

Simón Pedro tsi' jac'ʌ: —C Yum, ¿am ba yam bʌ mu' bʌ mejlel tsajcan lojon majlel? Come jatet jach ma' su'b jiñi t'añ cha'añ mic taj lojon j cuxtʌlel mach bʌ añic mi' jilel.

Juan 8:32

Mi caj la' cʌn isujmlel c t'añ, isujmlel c t'añ mi caj i yʌq'uetla ti colel, che'en.

Juan 8:51

Isujm, isujm mic su'beñetla, jiñi mu' bʌ i jac'beñon c t'añ, ma'añic mi' caj i chʌmel ti pejtelel ora, che'en.

Hechos 3:15

Jatetla tsa' la' tsʌnsa jiñi mu' bʌ i yʌq'ueñonla laj cuxtʌlel, pero Dios tsi' teche loq'uel ba'añ chʌmeño' bʌ, joñon tsa' j q'uele lojon.

Hechos 4:12

Ma'añic laj coltʌntel ti yam bʌ, come ma'añic yam bʌ ti' ye'bal panchan aq'uebilo' bʌ wiñicob mu' bʌ mejlel i coltañonla.

Hechos 9:2

tsi' c'ajtibeyob juñ cha'añ mi' pʌs ti sinagoga tac ya' ti Damasco. Jiñi juñ tsi' yʌq'ue i ye'tel cha'añ mi añ wiñicob x'ixicob woli bʌ i tsajcʌbeñob i bijlel Cristo, cʌchbil mi' pʌyob majlel ti Jerusalén.

Romanos 15:16

cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.

Romanos 5:2

Cha'añ ti' caj Jesucristo mu' bʌ lac ñop, ochemoñixla ja'el ti' yutslel i pusic'al Dios; jiñi cha'añ xuc'ulonla; tijicñayonla cha'añ mi caj lac taj i ñuclel Dios.

Romanos 5:21

Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.

1 Corintios 15:45

Che'ʌch ts'ijbubil: “Jiñi ñaxan bʌ wiñic, i c'aba' Adán, tsa' aq'uenti i ch'ujlel. Pero Cristo mu' bʌ i su'bentel ti cojix bʌ Adán añ i yEspíritu cha'añ mi' yʌq'ueñonla laj cuxtʌlel”.

Efesios 2:18

come cha'añ ti ye'tel Jesucristo, jiñi judíojob yic'ot jiñi mach bʌ judíojobic mi mejlel lac lʌc'tesan lac bʌ ba'añ lac Tat ti juntiquil jach bʌ Espíritu.

Colosenses 2:17

Pejtelel jiñi, i yejtalʌch jiñi mu' to bʌ i tilel; pero jiñi mero isujm bʌ mi lac taj ti Cristo.

Colosenses 2:9

Ti' bʌc'tal Cristo mi' yajñel pejtelel i bujt'emal Dios,

Colosenses 3:4

Che' mi' tsictiyel Cristo jatetla ja'el mi caj la' tsictiyel la' wic'ot ti' ñuclel come la' cuxtʌlelʌch Cristo.

Hebreos 7:25

Jiñi cha'añ mi mejlel i junyajlel coltañ pejtelel jiñi mu' bʌ i lʌc'tesañob i bʌ ba'añ Dios ti' tojlel Jesús, come chʌn cuxul ti pejtelel ora, woli' chʌn tajob ti oración ti' tojlel Dios.

Hebreos 9:8

Che' bajche' jiñi, jiñi Ch'ujul bʌ Espíritu mi' yʌq'ueñonla lac ña'tan maxto tsictiyemic bajche' mi caj la cochel ti jiñi C'ax Ch'ujul bʌ Ajñibʌl che' wa'al to jiñi ñaxan bʌ otot.

1 Pedro 1:21

Cha'añ ti' caj Jesús mi la' ñop Dios, jiñi tsa' bʌ i teche ch'ojyel Jesús ba'añ chʌmeño' bʌ; tsi' yʌq'ue i ñuclel, jiñi cha'añ cʌyʌletla ti Dios, añ la' pijtaya ti Dios.

1 Pedro 2:4

Lʌc'tesan la' bʌ ba'añ Jesús, jiñi cuxul bʌ Xajlel, tsa' bʌ i choco wiñicob, pero Dios tsi' yajca come uts'atax mi' q'uel.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 1:8

Mi woli la cʌl ma'añic lac mul, woli lac bajñel lotin lac bʌ ti lac pusic'al, che' jiñi ma'añic isujmlel ti lac pusic'al.

1 Juan 2:23

Majqui jach mi' yʌl mach i Yalobilic Dios jiñi Cristo mach i cha'añic lac Tat. Pero jiñi mu' bʌ i su'b i Yalobilʌch Dios jiñi Jesús i cha'añʌch lac Tat.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

1 Juan 5:6

Jiñʌch Jesucristo tsa' bʌ tili, Dios tsi' tsictesa che' bʌ tsi' ch'ʌmʌ ja' yic'ot che' bʌ tsi' yʌc'ʌ i ch'ich'el. Mach ti ja'ic jach tsi' tsictesa, pero yic'ot ja' yic'ot i ch'ich'el. Jiñi Espíritu jiñʌch mu' bʌ i yʌc' ti cʌjñel, come jiñi Espíritu isujmlelʌch.

2 Juan 1:9

Majqui jach mi tʌts' i bʌ yic'ot jiñi mach bʌ añic mi' yajñel ti' cʌntesa Cristo, mach i cha'añic Dios. Jiñi mu' bʌ i yajñel ti' cʌntesa Cristo, i cha'añʌch lac Tat yic'ot i Yalobil.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 19:11

Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj bʌ mi' cha'len meloñel yic'ot guerra.

Apocalipsis 20:15

Majqui jach mach ts'ijbubilic i c'aba' ti juñ ba' ts'ijbubil i c'aba' jiñi año' bʌ i cuxtʌlel, tsa' chojqui ochel ti colem c'ajc.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel, wen sʌsʌc bajche' espejo, woli' loq'uel ja' ti' buchlib Dios yic'ot ti' buchlib Tʌñʌme'.

Apocalipsis 22:17

Jiñi Espíritu yic'ot jiñi xch'oc mu' bʌ cajel ti ñujpuñijel mi' yʌlob: ¡La'! Jiñi mu' bʌ i yu'bin, la' i yʌl: ¡La'! Jiñi am bʌ i tiquinti', la' tilic. Majqui jach yom, la' i jap ja' ti' majtañ jach, i yejtal bʌ i cuxtʌlel.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ:

Apocalipsis 3:7

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majqui mi' ñup', che' añ chuqui mi' ñup', ma'añic majqui mi' jam. Jiñʌch mu' bʌ i yʌl ili t'añ: