Juan 14:27 - Jiñi Tsiji' bʌ Wen T'añ cha'añ Estudio

²⁷ Mi cʌq'ueñetla i ñʌch'tʌlel la' pusic'al, tilem bʌ ti joñon, mach lajalic bajche' mi la' taj ti pañimil. Mach mi la' mel la' pusic'al. Mach la' cha'len bʌq'uen.

Chol de Tumbalá Bible

²⁷ Mic ñʌch'chocobeñetla la' pusic'al. Jiñʌch i ñʌch'tilel c pusic'al mu' bʌ cʌq'ueñetla. Mach lajalic bajche' mi la' taj ti pañimil. Mach la' mel la' pusic'al. Mach la' cha'len bʌq'uen.

Jiñi Tsiji' bʌ Wen T'añ cha'añ Estudio

²⁷ Mi cʌq'ueñetla i ñʌch'tʌlel la' pusic'al, tilem bʌ ti joñon, mach lajalic bajche' mi la' taj ti pañimil. Mach mi la' mel la' pusic'al. Mach la' cha'len bʌq'uen.

Chol Tila

²⁷ Mij cʌybeñetla i ñʌch'tyʌlel la' pusic'al. Mi cʌq'ueñetla i ñʌch'tyʌlel c pusic'al. Mach che'ic mi cʌq'ueñetla bajche' mi yʌc'ob i cha'año' bʌ mulawil. Mach la' cha'len pensal. Mach la' cha'len bʌq'uen.

Chol: I T’an Dios

²⁷ Mic ñʌch'chocobeñetla la' pusic'al. Jiñʌch i ñʌch'tilel c pusic'al mu' bʌ cʌq'ueñetla. Mach lajalic bajche' mi la' taj ti pañimil. Mach la' mel la' pusic'al. Mach la' cha'len bʌq'uen.

Juan 14:27 Iomraidhean Croise

Mateo 10:26

—Jiñi cha'añ mach mi la' bʌc'ñañob, come ma'añic mucul tac bʌ mach bʌ añic mi caj ti tsictiyel. Ma'añic mucul tac bʌ mach bʌ añic mi caj ti cʌjñel.

Lucas 1:79

cha'añ mi' yʌq'ueñob i sʌclel pañimil jiñi chumulo' bʌ ti ic'ch'ipan bʌ pañimil, yic'ot jiñi año' bʌ ti yʌxñʌlel chʌmel, cha'añ mi' toj-esan majlel la coc ba' ñʌch'ʌl mi la cajñel, che' tsi' yʌlʌ Zacarías.

Lucas 10:5

Baqui jach mi la' wochel ti otot ñaxan su'benla: La' ñʌch'lec la' pusic'al añet bʌ la' ti ili otot”.

Lucas 12:4

Mic su'beñetla, c pi'ʌlob, mach mi la' bʌc'ñan jiñi mu' bʌ i tsʌnsan la' bʌc'tal pero ti wi'il ma'añix chuqui mi mejlel i tumbeñetla.

Lucas 2:14

¡La' sujbic i ñuclel Dios ya' ti panchan. Wʌ' ti pañimil woli' yʌq'ueñtelob i ñʌch'tʌlel i pusic'al wiñicob x'ixicob mu' bʌ i q'uejlelob ti uts'at ti Dios!

Juan 14:1

Mach mi la' mel la' pusic'al; mi la' ñop Dios, ñopoyonla ja'el.

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil, che'en.

Juan 20:19

Che' bʌ wolix i yic'an ti ñaxan bʌ q'uiñ ti semana, che' ñup'ul i ti' otot ba' temel añob xcʌnt'añob, come woli' bʌc'ñañob judíojob, tsa' c'oti Jesús, tsa' wa'le ti ojlil ba'añob, tsi' su'beyob: —La' ñʌch'lec la' pusic'al, —che'en.

Juan 20:21

Jiñi cha'añ Jesús tsi' cha' su'beyob: —La' ñʌch'lec la' pusic'al, che' bajche' tsi' chocoyon tilel c Tat, che' ja'el mic choquetla majlel, —che'en.

Juan 20:26

Tsa' ñumi waxʌcp'ejl q'uiñ, che' cha' tempʌbilob xcʌnt'añob i cha'añ ti' mal otot, ya'ix añ Tomás yic'otob. Anquese wen ñup'ul i ti' otot, Jesús tsa' ochi, tsa' wa'le ti yojlilob, tsi' su'beyob: —La' ñʌch'lec la' pusic'al, —che'en.

Hechos 10:36

Dios tsi' choco tilel jiñi wen t'añ ba'añ israelob, cha'añ mi' tajob i ñʌch'tʌlel i pusic'al ti Jesucristo, jiñʌch i Yum pejtelel wiñicob.

Hechos 18:9

Jiñi cha'añ lac Yum tsi' su'be Pablo ti' ñajal che' ti ac'ʌlel: “Mach a cha'len bʌq'uen, chʌn cha'len t'añ, mach yomic ma' ñʌjch'el,

Romanos 1:7

Ti la' pejtelel añet bʌ la ti Roma, c'uxbibiletla i cha'añ Dios tsa' bʌ i pʌyʌyetla cha'añ mi la' wochel ti ch'ujul: La' i yʌq'ueñetla Dios lac Tat yic'ot lac Yum Jesucristo i yutslel yic'ot i ñʌch'tʌlel la' pusic'al.

Romanos 15:13

Jiñi Dios mu' bʌ i yʌq'ueñonla lac pijtaya, la' i bujt'esan la' pusic'al ti' tijicñʌyel yic'ot i ñʌch'tʌlel che' mi la' ñop, cha'añ mi wen p'ojlel i xuc'tʌlel la' pusic'al ti pijtaya ti' p'ʌtʌlel jiñi Ch'ujul bʌ Espíritu.

Romanos 5:1

Dios mi' q'uelonla ti toj cha'añ tsa' lac ñopo, añix i ñʌch'tʌlel lac pusic'al yic'ot Dios cha'añ ti' caj tsa' lac ñopo lac Yum Jesucristo.

Romanos 5:10

Che' i contrajonla Dios, tsa' chʌmi i Yalobil cha'añ mi yuts-esan lac pusic'al yic'ot Dios. Wʌle che' uts-esʌbilix lac pusic'al yic'ot Dios, mi caj laj coltʌntel cha'añ tsiji' bʌ i cuxtʌlel Cristo.

Romanos 8:6

Come jiñi mu' bʌ i chʌn jac'ben i tsucul pusic'al mi caj i chʌmel; pero jiñi mu' bʌ i chʌn jac'ben jiñi Espíritu mi' taj i cuxtʌlel yic'ot i ñʌch'tʌlel i pusic'al.

1 Corintios 1:3

La' aq'uentiquetla i yutslel i pusic'al Dios yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

Gálatas 1:3

La' aq'uentiquetla i yutslel yic'ot i ñʌch'tʌlel i pusic'al ch'oyol bʌ ti Dios lac Tat yic'ot ti lac Yum Jesucristo.

Gálatas 5:22

Pero i yʌc'bal jiñi Espíritu jiñʌch laj c'uxbiya, i tijicñʌyel lac pusic'al, i ñʌch'tʌlel lac pusic'al, lac p'ʌtʌlel ti' cuchol wocol, yic'ot p'untaya, coltaya, i xuc'tʌlel lac pusic'al,

Gálatas 6:16

La' aq'uenticob i ñʌch'tʌlel yic'ot i p'untʌntel ti Dios pejtelel jiñi mu' bʌ i melob che' bajche' woli c su'beñetla yic'ot pejtelel jiñi mero i cha'año' bʌ Dios.

Filipenses 4:7

Che' jiñi, i ñʌch'tʌlel la' pusic'al ch'oyol bʌ ti Dios mi caj i cʌntan la' pusic'al yic'ot la' ña'tʌbal ti Cristo Jesús, ma'añic i p'isol i ñʌch'tʌlel lac pusic'al mu' bʌ i yʌq'ueñonla.

Colosenses 1:2

woli c ts'ijbubeñetla ili juñ i cha'añet bʌ la Dios, xuc'ul bʌ hermañujob ti Cristo añet bʌ la ti Colosas: La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

Colosenses 1:20

cha'añ ti' caj i ye'tel Cristo, Dios tsi' yuts-esa pejtelel chuqui tac añ ti pañimil yic'ot ti panchan, Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ya' ti cruz.

Colosenses 3:15

La' tsictiyic i ñʌch'tʌlel la' pusic'al ch'oyol bʌ ti Dios, jiñi cha'añ, tsa' tem pʌjyiyetla ti jump'ejl la' bʌc'tal; su'benla Dios wocolix i yʌlʌ.

2 Tesalonicenses 1:2

La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

2 Tesalonicenses 3:16

Jiñi lac Yum mu' bʌ i yʌc' ñʌch'tʌlel, la' i yʌq'ueñetla i ñʌch'tʌlel la' pusic'al ti pejtelel ora bajche' jach añetla. La' ajñic lac Yum la' wic'ot ti la' pejtelel.

2 Timoteo 1:7

Yom ch'ejlonla, come i yespíritu Dios ma'añic mi yʌc'onla ti bʌq'uen, pero tsi' yʌq'ueyonla lac p'ʌtʌlel yic'ot laj c'uxbiya, tsi' yʌq'ueyonla i bajñel p'ʌtʌlel lac pusic'al.

Hebreos 13:20

Jiñi Dios mu' bʌ i ñʌch'chocoñonla, tsa' bʌ i teche loq'uel lac Yum Jesucristo ba'añ chʌmeño' bʌ, jiñi ñuc bʌ Xcʌnta tʌñʌme', ti' ch'ich'el tsi' yʌq'ue i sellojlel jiñi xuc'ul bʌ t'añ mach bʌ añic mi' jilel,

Hebreos 7:2

Abraham tsi' yʌq'ue i diezmojlel pejtelel i chu'bʌañ tsa' bʌ i taja ti guerra; añ isujmlel i c'aba' Melquisedec ti lac t'añ, jiñʌch Toj bʌ Rey am bʌ ti Salem. Jiñʌch Rey yujil bʌ ñʌch'chocoya.

Apocalipsis 1:4

Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Apocalipsis 2:10

Mach la' bʌc'ñan jiñi wocol mu' bʌ caj i tajetla, awilan jiñi xi'ba mi caj i lamital otsañetla ti ñujp'ibʌl cha'añ i yilʌbentel la' pusic'al yic'ot mi caj la' tic'lʌntel lujump'ejl q'uiñ. Xuc'ul yom mi la' wajñel anquese mi la' wʌjq'uel ti chʌmel, mi caj cʌq'ueñetla la' cuxtʌlel che' bajche' corona.

Apocalipsis 21:8

Pero jiñi muc'o' bʌ ti bʌq'uen, yic'ot jiñi mach bʌ añic mi' ñopob, yic'ot jiñi bi'bi'o' bʌ, yic'ot xtsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre, jiñʌch i cha'yajlel mi' chʌmelob”, che'en.