Juan 14:26 - Jiñi Tsiji' bʌ Wen T'añ cha'añ Estudio

²⁶ Jiñi la' waj Pi'leya, jiñʌch Ch'ujul bʌ Espíritu, mu' bʌ caj i chocbeñetla tilel c Tat ti j c'aba', jiñi mi caj i cʌntesañetla pejtelel chuqui tac añ, mi caj i yʌq'ueñetla la' cha' ña'tan pejtelel chuqui tsa' c su'beyetla.

Chol de Tumbalá Bible

²⁶ C Tat mi caj i choc tilel la' waj Pi'leya tij c'aba'. Jiñʌch Ch'ujul bʌ Espíritu. Jini mi caj i cʌntesañetla pejtelel chuqui an. Mi caj i yʌq'ueñetla la' cha' ña'tan pejtelel chuqui tsac subeyetla.

Jiñi Tsiji' bʌ Wen T'añ cha'añ Estudio

²⁶ Jiñi la' waj Pi'leya, jiñʌch Ch'ujul bʌ Espíritu, mu' bʌ caj i chocbeñetla tilel c Tat tic c'aba', jiñi mi caj i cʌntesañetla pejtelel chuqui tac añ, mi caj i yʌq'ueñetla la' cha' ña'tan pejtelel chuqui tsa' c su'beyetla.

Chol Tila

²⁶ C Tyat mi quej i choc tyʌlel Ch'ujul bʌ c Ch'ujlel tij q'uexol. Jiñʌch mu' bʌ i yʌq'ueñetla la' ña'tyʌbal, mu' bʌ i ñuc isʌbeñetla la' pusic'al. Jini mi quej i cʌntisañetla pejtyelel chʌ bʌ an tyac. Mi quejel i yʌq'ueñetla la' c'ajtisan pejtyelel chʌ bʌ tyac tic subetla.

Chol: I T’an Dios

²⁶ C Tat mi caj i choc tilel la' waj Pi'leya tij c'aba'. Jiñʌch Ch'ujul bʌ Espíritu. Jini mi caj i cʌntesañetla pejtelel chuqui an. Mi caj i yʌq'ueñetla la' cha' ña'tan pejtelel chuqui tsac subeyetla.

Juan 14:26 Iomraidhean Croise

Mateo 1:18

Jesucristo tsi' yila pañimil che' bajche' iliyi: José c'ajtibilix i cha'añ María, i ña' Jesús. Che' maxto añic tsi' pi'leyob i bʌ, cʌntʌbil i cha'añ alʌl cha'añ Ch'ujul bʌ Espíritu.

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yÁngel lac Yum ti' ñajal. Jiñi ángel tsi' yʌlʌ: “José i yalobilet bʌ David, mach a bʌc'ñan a pʌy María cha'añ a wijñam, come jiñʌch jiñi Ch'ujul bʌ Espíritu tsa' bʌ i yʌq'ue i yalobil María mu' bʌ i caj ti tsictiyel.

Mateo 28:19

Jiñi cha'añ, cucula, sutq'uinla ti xcʌnt'añob wiñicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, yic'ot ti' c'aba' Ch'ujul bʌ Espíritu;

Mateo 3:11

Joñon mi cʌq'ueñetla ch'ʌmja' cha'añ mi la' cʌy la' mul. Pero tal to tic pat jiñi ñumen p'ʌtʌl bʌ. Joñon mach ñucoñic cha'añ mic ch'ʌmben majlel i warach. Jiñi mi caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Marcos 12:36

Come David tsi' yʌlʌ yic'ot Ch'ujul bʌ Espíritu: “Jiñi lac Yum tsi' su'be c Yum: Buchi' tic ñoj”, che'en Dios. “Jinto mi cʌq'ueñet a t'uchtan a contrajob”, che'en.

Marcos 13:11

Ba' ora mi' la chujquel majlel cha'añ mi' la' wʌjq'uel ti' c'ʌb yumʌlob, mach mi la' mel la' pusic'al cha'añ chuqui mi caj la' su'b yic'ot mach la' to'ol cha'len ña'tʌbal, cojach mi la' su'b jiñi t'añ mu' bʌ caj la' wʌq'uentel ti jiñi jach bʌ ora, come mach jateticla mi caj la' cha'len t'añ pero jiñʌch jiñi Ch'ujul bʌ Espíritu.

Lucas 1:15

Come ñuc mi caj i q'uejlel a walobil ti' tojlel Dios. Ma'añic mi caj i jap vino mi lembal. C'ʌlʌl che' cʌntʌbil, but'ul ti Ch'ujul bʌ Espíritu mi caj i yajñel.

Lucas 1:35

Jiñi ángel tsi' su'be: —Mi caj i tilel jiñi Ch'ujul bʌ Espíritu ti a tojlel. I p'ʌtʌlel jiñi C'ax Ñuc Bʌ mi caj i moset. Jiñi cha'añ jiñi ch'ujul bʌ alʌl mu' bʌ caj i yilan pañimil mux i pejcʌntel ti' Yalobil Dios.

Lucas 1:41

Che' bʌ tsi' yu'bibe i t'añ María jiñi Elisabet, jiñi alʌl cʌntʌbil bʌ i cha'añ tsʌts tsi' ñijca i bʌ ti' ñʌc'. Jiñi Elisabet tsa' bujt'i ti' Ch'ujul bʌ Espíritu.

Lucas 1:67

Zacarías, i tat jiñi ch'itoñ, tsa' bujt'i ti Ch'ujul bʌ Espíritu. Tsa' caji ti alt'añ. Tsi' yʌlʌ:

Lucas 11:13

Jatetla jontolet bʌ la, la' wujil i yʌq'uentel la' walobil chuqui uts'at. La' Tat am bʌ ti panchan, ¿mach ba ñumen yujilic i yʌq'ueñob jiñi Ch'ujul bʌ Espíritu jiñi mu' bʌ i c'ajtibeñob?

Lucas 2:25

Añ juntiquil wiñic ti Jerusalén i c'aba' Simeón, toj bʌ i pusic'al, mu' bʌ i ch'ujutesan Dios. Woli i pijtan jiñi mu' bʌ caj i ñuq'uesʌbeñob i pusic'al israelob. Jiñi Ch'ujul bʌ Espíritu añ ti' pusic'al.

Lucas 24:49

Awilan, mi caj c chocbeñetla tilel chuqui su'bebiletla i cha'añ c Tat mu' bʌ caj i yʌq'ueñetla. Cʌlenla wʌ' ti Jerusalén jinto mi la' wʌq'uentel la' p'ʌtʌlel ch'oyol bʌ ti chañ, che'en.

Lucas 3:22

tsa' ju'bi tilel jiñi Ch'ujul bʌ Espíritu ba'añ Jesús, che' yilal che' bajche' x'ujcuts. Tsa' tili t'añ ch'oyol bʌ ti panchan. Tsi' su'bu: “Jatet Calobil mu' bʌ j c'uxbin. Ti a tojlel mi cu'bin c tijicñʌyel”, che'en.

Juan 1:33

Mach cʌmbilic c cha'añ ti ñaxan, pero jiñi tsa' bʌ i chocoyon tilel cha'añ mi cʌc' ch'ʌmja' tsi' su'beyon: “Jiñi mu' bʌ a q'uel che' mi' ju'bel tilel jiñi Espíritu, mu' bʌ i cʌytʌl ti' tojlel; jiñʌch mu' bʌ i yʌq'ueñetla la' ch'ʌm jiñi Ch'ujul bʌ Espíritu”, che'en.

Juan 12:16

Jiñi xcʌnt'añob i cha'añ ma'añic tsi' ch'ʌmbeyob isujm ti ñaxan chuqui woli yujtel, pero ti wi'il che' bʌ tsa' aq'uenti i ñuclel Jesús, tsi' ña'tayob chuqui tac ts'ijbubil ti' tojlel Jesús yic'ot chuqui tac tsa' tumbenti ti pañimil.

Juan 14:16

Joñon mi caj j c'ajtiben c Tat, mi caj i yʌq'ueñetla yam bʌ la' waj Pi'leya, cha'añ mi' yajñel la' wic'ot ti pejtelel ora.

Juan 14:25

Tsa' c su'beyetla jiñi t'añ che' wʌ' to añon la' wic'ot.

Juan 15:26

Che' ba ora mi' tilel la' waj Pi'leya, mu' bʌ caj chocbeñetla tilel ch'oyol bʌ tic Tat, jiñʌch jiñi Espíritu mu' bʌ i tsictesan isujmlel c t'añ, jiñi mi caj i yʌc'on ti cʌjñel.

Juan 16:7

Pero Joñon mic su'beñetla ti' isujm: Ñumen uts'at cha'añetla mi tsa' majliyon; come mi ma'añic mic majlel, mach talic la' waj Pi'leya ba'añetla; pero mi tsa' majliyon mi caj c chocbeñetla tilel.

Juan 2:22

Jiñi cha'añ che' bʌ tsa' tejchi ch'ojyel Jesús ba'añ chʌmeño' bʌ, jiñi xcʌnt'añob i cha'añ tsi' ña'tayob jiñi t'añ tsa' bʌ i yʌlʌ Jesús. Tsi' ñopoyob i Ts'ijbujel Dios yic'ot i t'añ Jesús tsa' bʌ i yʌlʌ.

Juan 20:22

Che' bʌ tsa' ujti i su'b jiñi t'añ, tsi' wujtayob, tsi' su'beyob: —Ch'ʌmʌla jiñi Ch'ujul bʌ Espíritu.

Juan 6:45

Ts'ijbubil i cha'añ x'alt'añob: “Dios mi caj i cʌntesan pejtelel wiñicob x'ixicob”. Jiñi cha'añ, pejtelel mu' bʌ i yu'biñob i t'añ c Tat, mu' bʌ i ñopob i cʌntesa, mi' tilelob ba'añon.

Juan 7:39

Jiñi ja' jiñʌch jiñi Espíritu mu' bʌ caj i yʌq'ueñtelob jiñi mu' bʌ i ñopob, come maxto añic tsa' aq'uentiyob Ch'ujul bʌ Espíritu, che' ja'el maxto añic tsa' aq'uenti i ñuclel Jesús.

Hechos 1:2

c'ʌlʌl ti jiñi q'uiñ che' bʌ tsa' pʌjyi letsel Jesús ti panchan, che' bʌ tsa' ujti i yʌq'ueñob mandar ti p'ʌtʌlel ch'ujul bʌ Espíritu jiñi apóstolob yajcʌbilo' bʌ i cha'añ.

Hechos 1:4

Che' temel añob tsi' su'beyob: —Mach yomic mi la' loq'uel ti Jerusalén, ya' yom mi la' pijtan jiñi albil bʌ t'añ i cha'añ lac Tat mu' bʌ caj i yʌq'ueñetla, che' bajche' u'bibilix la' cha'añ ti joñon.

Hechos 1:8

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele, —che'en Jesús.

Hechos 11:16

Che' jiñi tsa' c'ajtiyi c cha'añ i t'añ lac Yum tsa' bʌ i yʌlʌ: “Isujm, Juan tsi' yʌq'ueyetla ch'ʌmja' ti ja', pero jatetla mi caj la' wʌq'uentel la' ch'ʌm Ch'ujul bʌ Espíritu”, che'en.

Hechos 13:2

Che' bʌ woliyob ti ch'ajb yic'ot che' bʌ woli i ch'ujutesañob lac Yum, jiñi Ch'ujul bʌ Espíritu tsi' su'beyob: “Wa'choconla Bernabé yic'ot Saulo come pʌybilob cha'añ mi' melob jiñi e'tel tsa' bʌ c chajpʌbeyob”, che'en.

Hechos 13:4

Bernabé yic'ot Saulo tsa' ju'biyob majlel ti Seleucia, come chocbilob majlel i cha'añ jiñi Ch'ujul bʌ Espíritu, ya'i tsa' ochiyob ti barco cha'añ mi' majlelob ti Chipre.

Hechos 15:28

come joñon lojon yic'ot jiñi Ch'ujul bʌ Espíritu tsa' c ña'ta lojon mach yomic mi cʌq'ueñetla la' cuch chuqui tac wocol ti' jac'ol. Cojach jiñi yom:

Hechos 15:8

Jiñi Dios mu' bʌ i cʌmben i pusic'al wiñicob x'ixicob, tsi' yʌc'ʌ ti tsictiyel cha'añ woli ch'ʌmob ti' wenta che' bʌ tsi' yʌq'ueyob jiñi Ch'ujul bʌ Espíritu che' bajche' tsi' yʌq'ueyonla ja'el.

Hechos 16:6

Tsa' ñumiyob majlel ti Frigia yic'ot ti Galacia, tsa' tijq'uiyob ti Ch'ujul bʌ Espíritu cha'añ ma'añic mi' su'bob jiñi wen t'añ ya' ti Asia.

Hechos 2:33

Tsa'ix aq'uenti i ñuclel Jesús ti' ñoj Dios, tsa' ts'ʌctiyi i t'añ i Tat tsa' bʌ i su'be Jesús cha'añ mi caj i yʌc' Ch'ujul bʌ Espíritu. Tsa'ix i choco tilel jiñʌch jiñi woli bʌ la' q'uel yic'ot jiñi woli bʌ la' wu'bin.

Hechos 2:4

Tsa' laj bujt'iyob ti Ch'ujul bʌ Espíritu, tsa' cajiyob ti t'añ ti yan tac bʌ t'añ che' bajche' tsi' yʌq'ueyob t'añ jiñi Espíritu.

Hechos 20:28

Chʌcʌ q'uele la' bʌ che' jiñi. Cʌntanla pejtelel jiñi tʌñʌme', come jiñi Ch'ujul bʌ Espíritu tsi' yʌq'ueyetla la' we'tel ti xcʌntaya cha'añ mi la' we'san jiñi xñopt'añob i cha'año' bʌ lac Yum tsa' bʌ i mʌñʌ ti' bajñel ch'ich'el.

Hechos 20:35

Ti' pejtelel tsa' bʌ c pʌsbeyetla, cha'añ che' mi lac cha'len e'tel che' bajche' iliyi, mi' mejlel laj coltañ jiñi mach bʌ jasʌlobic i chu'bʌañ. Yom mi la' ña'tan i t'añ lac Yum Jesús tsa' bʌ i yʌlʌ: “Ñumen tijicña jiñi mu' bʌ yʌc' majtañʌl che' bajche' jiñi mu' bʌ i ch'ʌm i majtañ”.

Hechos 28:25

Tsi' t'oxoyob i bʌ ti t'añ. Che' bʌ tsa' caji i tʌts'ob i bʌ, Pablo tsi' su'beyob: —Isujm chuqui tsi' yʌlʌ jiñi Ch'ujul bʌ Espíritu che' bʌ tsi' c'ʌmbe i yej jiñi x'alt'añ Isaías che' bʌ tsi' pejca lac ñojte'el, tsi' yʌlʌ:

Hechos 5:3

Pedro tsi' su'be: —Ananías ¿chucoch tsa' bujt'i a pusic'al ti Satanás cha'añ ma' lotin jiñi Ch'ujul bʌ Espíritu che' bʌ tsa' lamital loto i tojol a lum?

Hechos 7:51

Che' bʌ tsa' ujti ti subt'añ Esteban tsi' su'be jiñi año' bʌ i ye'tel: Tsʌtsatax la' pusic'al, mach sʌc-esʌbilic la' pusic'al, mʌcʌl la' chiquin, ma'añic mi la' jac'ben jiñi Ch'ujul bʌ Espíritu, lajaletla che' bajche' tsi' meleyob la' ñojte'el.

Hechos 7:55

Pero Esteban but'ul ti Ch'ujul bʌ Espíritu, tsi' letsa i wut ti panchan, tsi' q'uele i ñuclel Dios, tsi' q'uele Jesús ya' wa'al ti' ñoj Dios.

Romanos 14:17

come ti' yumʌntel Dios ma'añic mi' coltañonla chuqui mi lac c'ux mi chuqui mi lac jap; cojach toj bʌ lac pusic'al, yic'ot i ñʌch'tʌlel; yic'ot i tijicñʌyel lac pusic'al ch'oyol bʌ ti Ch'ujul bʌ Espíritu.

Romanos 15:13

Jiñi Dios mu' bʌ i yʌq'ueñonla lac pijtaya, la' i bujt'esan la' pusic'al ti' tijicñʌyel yic'ot i ñʌch'tʌlel che' mi la' ñop, cha'añ mi wen p'ojlel i xuc'tʌlel la' pusic'al ti pijtaya ti' p'ʌtʌlel jiñi Ch'ujul bʌ Espíritu.

Romanos 15:16

cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.

Romanos 5:5

Che' woliyonla ti pijt, mach lolomic jach, come la cujil i c'uxbiya Dios tsa'ix i but'beyonla ti lac pusic'al ti jiñi Ch'ujul bʌ Espíritu tsa' bʌ aq'uentiyonla.

1 Corintios 12:3

Jiñi cha'añ mic su'beñetla mach cʌntesʌbilic ti' yEspíritu Dios majqui jach mi' yʌl chocbil ti Dios jiñi Jesús. Cojach jiñi cʌntesʌbil bʌ ti Ch'ujul bʌ Espíritu mi mejlel i pejcan Jesús ti' Yum.

1 Corintios 6:19

¿Mach ba la' wujilic cha'añ la' bʌc'tal i templojʌch jiñi Ch'ujul bʌ Espíritu tsa' bʌ i yʌq'ueyetla Dios mu' bʌ i yajñel ti la' pusic'al? Come mach la' bajñel wentajic la' bʌ.

2 Corintios 13:14

La' ajñic ti la' tojlel ti la' pejtelel i yutslel i pusic'al lac Yum Jesucristo yic'ot i c'uxbiya Dios yic'ot jiñi Ch'ujul bʌ Espíritu, la caj Pi'leya. [Amén.]

2 Corintios 6:6

ti' sʌclel lojon c pusic'al yic'ot c ña'tʌbal lojon mij cuchben lojon i mul wiñicob x'ixicob yic'ot cutslel lojon, cha'añ ti jiñi Ch'ujul bʌ Espíritu, mij c'uxbin lojon wiñicob ti isujm,

Efesios 1:13

Jatetla ja'el tsa' la' wu'bi jiñi isujm bʌ t'añ, cha'añ la' coltʌntel che' bʌ tsa' la' ñopo Cristo, tsa' otsʌbentiyetla jiñi Ch'ujul bʌ Espíritu, jiñʌch la' sellojlel che' bajche' wʌn albil.

Efesios 1:17

mij c'ajtiben i Dios lac Yum Jesucristo cha'añ mi' yʌq'ueñetla ca'bʌl la' ña'tʌbal yic'ot i yEspíritu cha'añ mi la' wen ch'ʌmben isujm chuqui woli la' pʌsbentel, cha'añ mi la' wen cʌn lac Tat am bʌ ti panchan,

Efesios 4:30

Mach la' wʌq'uen i ch'ijiyemlel i pusic'al jiñi Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jiñi tal to bʌ q'uiñ che' mi caj la' coltʌntel.

1 Tesalonicenses 4:8

Jiñi cha'añ, majqui jach mi' ñusan ili mandar, mach wiñiquic woli' ts'a'len, pero woli' ts'a'len Dios mu' bʌ i yʌq'ueñonla Ch'ujul bʌ Espíritu.

2 Timoteo 1:14

Cʌntan jiñi uts'at tac bʌ tsa' bʌ i yʌc'ʌ ti a wenta jiñi Ch'ujul bʌ Espíritu chumul bʌ ti lac pusic'al.

Tito 3:5

tsi' coltayonla, mach cha'añic toj lac melbal pero cha'añ ti' p'untaya tsi' coltayonla, tsi' pocoyonla cha'añ mi la cʌq'uentel tsiji' bʌ laj cuxtʌlel, tsi' cha' meleyonla ti' p'ʌtʌlel Ch'ujul bʌ Espíritu,

Hebreos 10:15

Che'ʌch mi' su'beñonla jiñi Ch'ujul bʌ Espíritu; ñaxan tsi' yʌlʌ:

Hebreos 2:4

che' ja'el Dios tsi' yʌc'ʌ ti cʌjñel i t'añ yic'ot ca'bʌl ñuc tac bʌ i yejtal i p'ʌtʌlel, ñuc tac bʌ i melbal yic'ot bʌbʌq'uen tac bʌ, tsi' yʌq'ueyob i c'ʌjñibal ti' chajp ti' chajp ti jiñi Ch'ujul bʌ Espíritu che' bajche' yom i pusic'al.

Hebreos 3:7

Jiñi cha'añ, che' bajche' mi' yʌl jiñi Ch'ujul bʌ Espíritu: “Mi woli la' wu'biben i t'añ Dios,

Hebreos 9:8

Che' bajche' jiñi, jiñi Ch'ujul bʌ Espíritu mi' yʌq'ueñonla lac ña'tan maxto tsictiyemic bajche' mi caj la cochel ti jiñi C'ax Ch'ujul bʌ Ajñibʌl che' wa'al to jiñi ñaxan bʌ otot.

1 Pedro 1:12

Dios tsi' pʌsbeyob chuqui mi' caj i su'bob mach cha'añic i bajñel c'ʌjñibal tsi' cha'leyob t'añ, pero jiñʌch cha'añ mi' cʌntesʌntel yaño' bʌ. Wʌle tsa'ix la' wu'bi jiñi jach bʌ t'añ tic tojlel lojon. Tsa' c su'beyetla jiñi wen t'añ yic'ot jiñi Ch'ujul bʌ Espíritu chocbil bʌ tilel ti panchan. Jiñi ángelob wersa yom i ch'ʌmbeñob isujm.

2 Pedro 1:21

come c'ʌlʌl ti' cajibal ma'añic tsi' bajñel cha'leyob t'añ wiñicob ti' bajñel pusic'al, pero jiñi [ch'ujul bʌ] wiñicob ñijcʌbilo' bʌ i cha'añ Ch'ujul bʌ Espíritu tsi' cha' su'buyob chuqui tsi' yu'biyob ti Dios.

1 Juan 2:20

Pero jatetla aq'uebiletixla jiñi Ch'ujul bʌ Espíritu, jiñi cha'añ mi la' cʌmben isujmlel ti la' pejtelel.

1 Juan 2:27

Tsa'ix aq'uentiyetla jiñi Ch'ujul bʌ Espíritu woli bʌ i chʌn ajñel ti jatetla, jiñi cha'añ mach wersajic mi' cʌntesañetla yam bʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

1 Juan 5:7

Añ uxtiquilob año' bʌ ti panchan mu' bʌ i su'beñob isujmlel: Lac Tat, Yalobil yic'ot jiñi Ch'ujul bʌ i Ch'ujlel, ili uxtiquilob juntiquilob jach.

Judas 1:20

Pero jatetla c'uxbibilet bʌ la, xuc'chocon la' bʌ ti jiñi ch'ujul bʌ t'añ woli bʌ la' ñop, pejcanla Dios ti jiñi Ch'ujul bʌ Espíritu.

Apocalipsis 2:11

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ ma'añic mi caj i chʌmel ti' cha'yajlel”.