Juan 14:12 - Jiñi Tsiji' bʌ Wen T'añ cha'añ Estudio

¹² Isujm, isujm mic su'beñetla, jiñi mu' bʌ i ñopon, mi caj i mel jiñi e'tel mu' bʌ c mel ja'el, ñumen ñuc mi caj i mel che' bajche' tsa' c mele, come joñon mic majlel ba'añ c Tat.

Chol de Tumbalá Bible

¹² Isujm, isujm mic subeñetla, jini mu' bʌ i ñopon, mi caj i cha'len jini e'tel mu' bʌ c cha'len ja'el. Ñumen ñuc bajche' tsac cha'le mi caj i cha'len, come mic majlel ba'an c Tat.

Jiñi Tsiji' bʌ Wen T'añ cha'añ Estudio

¹² Isujm, isujm mic su'beñetla, jiñi mu' bʌ i ñopon, mi caj i mel jiñi e'tel mu' bʌ c mel ja'el, ñumen ñuc mi caj i mel che' bajche' tsa' c mele, come joñon mic majlel ba'añ c Tat.

Chol Tila

¹² Melel mic subeñetla jini mu' bʌ i yochel tic cha'an, mi quejel i pʌs ñuc tyac bʌ p'ʌtyʌlel je'el mu' bʌ c pʌs. Más ñuc bajche' tic pʌsʌ mi quejel i pʌs como mux quejel c cha' majlel ba'an c Tyat c bajñel.

Chol: I T’an Dios

¹² Isujm, isujm mic subeñetla, jini mu' bʌ i ñopon, mi caj i cha'len jini e'tel mu' bʌ c cha'len ja'el. Ñumen ñuc bajche' tsac cha'le mi caj i cha'len, come mic majlel ba'an c Tat.

Juan 14:12 Iomraidhean Croise

Mateo 21:21

Jesús tsi' jac'beyob: —Isujm mic su'beñetla, mi mux la' ñop, mi ma'añic tilebixel bʌ la' pusic'al, mach cojic jach mi caj la' mel che' bajche' tsa' c melbe jiñi higuera te'. Mi tsa' caji la' su'ben jiñi wits: Loq'uen, ochen ti mar, che'ʌch mi' caj i yujtel.

Marcos 11:13

Ñajt tsi' q'uele higuera te' am bʌ i yopol; tsa' majli i q'uel mi añ chuqui mi' taj; pero che' bʌ tsa' c'oti ya' ba'añ te', i yopol jach tsi' taja come maxto i yorajlelic i wut.

Marcos 16:17

Mi' caj i tsictiyel ti' tojlel jiñi mu' bʌ i ñopob: Come tij c'aba' mi caj i chocob loq'uel xi'bajob, mi' cajelob ti tsiji' bʌ t'añ tac.

Juan 14:28

Tsa'ix la' wu'bi chuqui tsa' c su'beyetla: “Mic majlel, pero mic cha' tilel ba'añetla”. Che' muq'uic la' c'uxbiñon, tijicña la' pusic'al cha'añ tsa' c su'beyetla mic majlel ba'añ c Tat, come ñumen ñuc c Tat bajche' joñon.

Juan 16:7

Pero Joñon mic su'beñetla ti' isujm: Ñumen uts'at cha'añetla mi tsa' majliyon; come mi ma'añic mic majlel, mach talic la' waj Pi'leya ba'añetla; pero mi tsa' majliyon mi caj c chocbeñetla tilel.

Juan 4:37

Isujm bajche' mi' yʌlob wiñicob: “Juntiquil mi' cha'len pac', yam bʌ mu' bʌ i c'ajben i wut”.

Juan 5:20

Come c Tat mi' c'uxbin i Yalobil, mi' pʌsbeñon pejtelel chuqui tac mi' mel, mu' toj caj i pʌsbeñon ñumen ñuc bʌ i ye'tel, cha'añ mi' toj sajtel la' pusic'al.

Juan 7:33

Jiñi cha'añ, Jesús tsi' yʌlʌ: —Jumuc' jax wʌ'añon la' wic'ot, mic cha' majlel ya' ba'añ jiñi tsa' bʌ i chocoyon tilel.

Juan 7:39

Jiñi ja' jiñʌch jiñi Espíritu mu' bʌ caj i yʌq'ueñtelob jiñi mu' bʌ i ñopob, come maxto añic tsa' aq'uentiyob Ch'ujul bʌ Espíritu, che' ja'el maxto añic tsa' aq'uenti i ñuclel Jesús.

Hechos 10:46

come tsi' yu'biyob woliyob ti t'añ ti yan tac bʌ t'añ yic'ot woli i su'bob i ñuclel Dios.

Hechos 16:18

Che'ʌch tsi' cha'le t'añ ca'bʌl q'uiñ, Pablo mach chʌn yomix i yu'biben i t'añ, tsi' sutq'ui i bʌ i pejcan, tsi' su'be i xi'bʌjlel: —Mic su'beñet ti' c'aba' Jesucristo, loq'uen ti' pusic'al ili xch'oc. Ti jiñi jach bʌ ora tsa' loq'ui.

Hechos 19:12

jiñi cha'añ tsi' ch'ʌmʌyob majlel ba'añ xc'am-ʌjelob jiñi pañuelo tac yic'ot welñʌc'ʌl tac tsa' bʌ i tʌlʌ Pablo, che' jiñi tsa' lajmi i chʌmel pejtelel xc'am-ʌjelob, yic'ot tsa' loq'uiyob i xi'bʌjlel.

Hechos 2:33

Tsa'ix aq'uenti i ñuclel Jesús ti' ñoj Dios, tsa' ts'ʌctiyi i t'añ i Tat tsa' bʌ i su'be Jesús cha'añ mi caj i yʌc' Ch'ujul bʌ Espíritu. Tsa'ix i choco tilel jiñʌch jiñi woli bʌ la' q'uel yic'ot jiñi woli bʌ la' wu'bin.

Hechos 2:41

Jiñi tsa' bʌ i jac'beyob i t'añ tsi' ch'ʌmʌyob ja'. Ti jiñi jach bʌ q'uiñ tsa' ochiyob che' bajche' uxp'ejl mil wiñicob x'ixicob.

Hechos 4:16

tsi' yʌlʌyob: —¿Chuqui mi caj lac mel ti' tojlel ili wiñicob? Mach mejlic la cʌl mi xlotob, come isujmʌch tsa'ʌch i pʌsʌyob ñuc tac bʌ i yejtal i p'ʌtʌlel; come ti' pejtelel jiñi chumulo' bʌ ti Jerusalén laj yujilob, mach mejlic la cʌl mach isujmic.

Hechos 4:33

Jiñi xcʌnt'añob but'ulob ti' p'ʌtʌlel Dios, tsi' chʌn su'buyob cha'añ tsa' ch'ojyi lac Yum Jesús. Pejtelel jiñi xñopt'añob, tsa' aq'uentiyob i yutslel i pusic'al Dios.

Hechos 4:4

Pero ca'bʌl jiñi tsa' bʌ i yu'biyob jiñi wen t'añ tsi' ñopoyob, añob che' bajche' jo'p'ejl mil wiñicob.

Hechos 5:15

Tsi' pʌyʌyob majlel pejtelel xc'am-ʌjelob ti bij tac, tsi' ñolchocoyob ti' wʌyib yic'ot ti pojp tac, cha'añ che' woli' ñumel majlel Pedro anquese jiñi jach i yʌxñʌlel mi' c'otel ti' tojlel jiñi xc'am-ʌjelob.

Hechos 6:7

Tsa' pujqui i t'añ lac Yum, wen ca'bʌl tsa' p'ojli xñopt'añob ti Jerusalén, ca'bʌl motomajob ja'el tsi' jac'beyob i t'añ Dios.

Hechos 8:7

ca'bʌl wiñicob x'ixicob tsa' loq'uiyob i xi'bʌjlel. Jiñi xi'bajob c'am tsi' cha'leyob t'añ che' bʌ tsa' loq'uiyob, yic'ot ca'bʌl tsa' lajmesʌntiyob jiñi mach bʌ weñobic i yoc i c'ʌb;

Hechos 9:34

Pedro tsi' su'be: —Eneas, Jesucristo woli' lajmesañet. Ch'ojyen, teche a wʌyib. Ti orajach tsa' ch'ojyi.

Hechos 9:40

Jiñi cha'añ Pedro tsi' su'beyob loq'uel ti pejtelelob, tsa' ñocle, tsi' pejca Dios, ti wi'il tsi' sutq'ui i bʌ cha'añ mi' q'uelben i bʌc'tal Tabita, tsi' su'be: Tabita, ch'ojyen. Tsa' cajñi i wut Tabita. Che' bʌ tsi' q'uele Pedro, tsa' buchle.

Romanos 15:19

Tsi' pʌsʌ ñuc bʌ i yejtal i p'ʌtʌlel yic'ot bʌbʌq'uen tac bʌ ti' p'ʌtʌlel i yEspíritu Dios, jiñi cha'añ tsa' c laj but'u ti' wen t'añ Cristo jiñi Jerusalén yic'ot ti' joytʌlel, c'ʌlʌl ti Ilírico.