Juan 13:34 - Jiñi Tsiji' bʌ Wen T'añ cha'añ Estudio

³⁴ Mi cʌq'ueñetla tsiji' bʌ mandar: C'uxbin la' bʌ. Che' bajche' tsa' j c'uxbiyetla, che' yom mi' la' c'uxbin la' bʌ.

Chol de Tumbalá Bible

³⁴ Mi cʌq'ueñetla tsijib mandar: C'uxbin la' bʌ. Che' bajche' tsaj c'uxbiyetla, che' yom mi' la' c'uxbin la' bʌ.

Jiñi Tsiji' bʌ Wen T'añ cha'añ Estudio

³⁴ Mi cʌq'ueñetla tsiji' bʌ mandar: C'uxbin la' bʌ. Che' bajche' tsa' j c'uxbiyetla, che' yom mi' la' c'uxbin la' bʌ.

Chol Tila

³⁴ Mi cʌq'ueñetla tsiji' bʌ mandar cha'an la' p'untyan la' bʌ. Chʌ'ʌch bajche' tic p'untyʌyetla chʌ'ʌch yom la' p'untyan la' bʌ je'el.

Chol: I T’an Dios

³⁴ Mi cʌq'ueñetla tsijib mandar: C'uxbin la' bʌ. Che' bajche' tsaj c'uxbiyetla, che' yom mi' la' c'uxbin la' bʌ.

Juan 13:34 Iomraidhean Croise

Mateo 5:44

Pero joñon mic su'beñetla: C'uxbin la' contrajob. [Aq'uenla i yutslel la' t'añ jiñi mu' bʌ i p'ajetla, melbenla chuqui uts'at jiñi mu' bʌ i ts'a'leñetla.] Tajala ti oración jiñi mu' bʌ i contrajiñetla yic'ot jiñi mu' bʌ i tic'lañetla.

Juan 15:17

Jiñʌch c mandar cha'añ mi la' chʌn c'uxbin la' bʌ.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Romanos 12:10

C'uxbin la' bʌ, come la' pi'ʌl la' bʌ; yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ.

Romanos 13:10

Jiñi c'uxbiya ma'añic mi' p'ol wocol ti' tojlel yaño' bʌ; jiñi cha'añ i ts'ʌctesʌntel jiñi mandar jiñʌch che' mi lac cha'len c'uxbiya.

Romanos 13:8

Mach yomic añ la' bet ti' tojlel la' pi'ʌlob, chʌn c'uxbin la' bʌ, come jiñi mu' bʌ i c'uxbin i pi'ʌlob ts'ʌcʌl mi' jac' jiñi mandar,

Gálatas 5:22

Pero i yʌc'bal jiñi Espíritu jiñʌch laj c'uxbiya, i tijicñʌyel lac pusic'al, i ñʌch'tʌlel lac pusic'al, lac p'ʌtʌlel ti' cuchol wocol, yic'ot p'untaya, coltaya, i xuc'tʌlel lac pusic'al,

Gálatas 5:6

come ti Cristo Jesús ma'añic chuqui mi' cha'len mi tsepbil lac pʌchʌlel, o mi mach tsepbilic lac pʌchʌlel, pero ca'bʌl i c'ʌjñibal che' ñopolix lac cha'añ jiñi wen t'añ mu' bʌ i yʌq'ueñonla laj c'uxbin lac bʌ.

Gálatas 6:10

Jiñi cha'añ la' laj coltañ pejtelel wiñicob che' i yorajlel to, pero ñumen yom mi laj coltañ jiñi mu' bʌ i ñopob Cristo.

Gálatas 6:2

Coltañ la' bʌ ti' cuchol wocol, come jiñʌch bajche' mi la' jac'ben i mandar Cristo.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Colosenses 1:4

come tsa' cu'bi lojon ñopol la' cha'añ Cristo Jesús, mi la' c'uxbin pejtelel i cha'año' bʌ Dios,

1 Tesalonicenses 3:12

La' i yʌq'uetla ti colel lac Yum ti la' c'uxbiya yic'ot la' i p'ojlesʌbeñetla la' c'uxbiya cha'añ mi la' wen c'uxbin la' bʌ yic'ot cha'añ mi la' c'uxbin yaño' bʌ ja'el che' bajche' woli j c'uxbiñet lojon.

2 Tesalonicenses 1:3

Yom mic chʌn su'ben lojon Dios wocolix i yʌlʌ cha'añetla, hermañujob, che' bajche' yom, come woli la' colel ti ñopol lac Yum yic'ot woli ti p'ojlel la' c'uxbiya yic'ot yaño' bʌ lac pi'ʌlob.

Hebreos 13:1

Chʌn c'uxbin la' bʌ, come hermañujetla ti Cristo.

Santiago 2:8

Mi' isujm woli la' ts'ʌctesan ili c'ax ñuc bʌ mandar ti' Ts'ijbujel Dios: “C'uxbin a pi'ʌlob che' bajche' ma' bajñel c'uxbin a bʌ”. Mi woli la' jac' ili mandar toj woli la' mel.

1 Pedro 1:22

Tsa'ix la' sʌc-esa la' pusic'al ti' jac'ol isujmlel, jiñi cha'añ mi la' c'uxbin la' wermañujob ti isujm. Wen c'uxbin la' bʌ ti jump'ejl la' pusic'al.

2 Pedro 1:7

che' mi la' wʌc' ti cʌjñel Dios yom mi la' p'untan la' pi'ʌlob; che' mi la' p'untañob yom mi la' c'uxbiñob ja'el.

1 Juan 3:11

Jiñi t'añ tsa' bʌ la' wu'bi c'ʌlʌl ti' cajibal, jiñʌch iliyi: Yom mi laj c'uxbin lac bʌ ti lac pejtelel.

1 Juan 3:23

Jiñʌch i mandar: Yom mi lac ñopben i c'aba' Jesucristo i Yalobil Dios yic'ot yom mi laj c'uxbin lac bʌ ti lac pejtelel, che' bajche' tsi' yʌq'ueyonla mandar.

1 Juan 4:21

Dios tsi' yʌq'ueyonla ili mandar: Jiñi mu' bʌ i c'uxbin Dios, la' i c'uxbin i yermañu ja'el.

2 Juan 1:5

Wʌle, x'ixic, mic su'beñet ti wocol t'añ, ma'añic woli c ts'ijbubeñet tsiji' bʌ mandar, pero jiñʌch mandar tsa' bʌ aq'uentiyonla c'ʌlʌl ti' cajibal, cha'añ yom mi laj c'uxbin lac bʌ ti lac pejtelel.