Juan 13:18 - Jiñi Tsiji' bʌ Wen T'añ cha'añ Estudio

¹⁸ Ma'añic woli c pejcañetla ti la' pejtelel. Cujil majqui tsa' c yajca cha'añ mi' ts'ʌctiyel i Ts'ijbujel Dios mu' bʌ i yʌl: “Jiñi tsa' bʌ i c'uxu waj quic'ot tsi' contrajiyon”.

Chol de Tumbalá Bible

¹⁸ Ma'anic mic pejcañetla ti la' pejtelel. Cujil majqui tsac yajca cha'an mi' ts'ʌctiyel i Ts'ijbujel Dios mu' bʌ i yʌl: “Jini tsa' bʌ i c'uxu waj quic'ot tsi' contrajiyon”. Che'ʌch ts'ijbubil.

Jiñi Tsiji' bʌ Wen T'añ cha'añ Estudio

¹⁸ Ma'añic wolic pejcañetla ti la' pejtelel. Cujil majqui tsa' c yajca cha'añ mi' ts'ʌctiyel i Ts'ijbujel Dios mu' bʌ i yʌl: “Jiñi tsa' bʌ i c'uxu waj quic'ot tsi' contrajiyon.”

Chol Tila

¹⁸ Mach ti la' pejtyel mic subeñetla. Cujil isujm majchqui jini tsa' bʌ c yajcʌ. Pero wersa yom c ts'ʌctisan jini Ts'ijbubil bʌ i T'an Dios ba' mi yʌle': Jini mu' bʌ ti uch'el quic'ot ti' contrajiyon, che' ts'ijbubul, che' ti yʌlʌ Jesús.

Chol: I T’an Dios

¹⁸ Ma'anic mic pejcañetla ti la' pejtelel. Cujil majqui tsac yajca cha'an mi' ts'ʌctiyel i Ts'ijbujel Dios mu' bʌ i yʌl: “Jini tsa' bʌ i c'uxu waj quic'ot tsi' contrajiyon”. Che'ʌch ts'ijbubil.

Juan 13:18 Iomraidhean Croise

Mateo 10:36

Jiñi cha'añ jiñi la' contra jiñobʌch la' pi'ʌlob año' bʌ ti la' wotot.

Mateo 26:21

Che' woliyob to ti we'el, Jesús tsi' yʌlʌ: —Isujm mic su'beñetla, juntiquil ti la' tojlel mi caj i yʌc'on ti' c'ʌb j contra, —che'en.

Mateo 26:23

Jesús tsi' su'beyob: —Jiñi mu' bʌ i yotsan i c'ʌb ti plato quic'ot, jiñʌch jiñi mu' bʌ caj i yʌc'on ti' c'ʌb j contra.

Marcos 14:17

Che' bʌ wolix i yic'an, tsa' tili Jesús yic'ot jiñi lajchʌntiquil.

Marcos 14:18

Che' ba' ora buchulobix ti' t'ejl mesa che' woliyob ti c'ux waj, Jesús tsi' su'beyob: —Isujm mic su'beñetla, juntiquil woli bʌ i c'ux waj quic'ot mi caj i yʌc'on ti' c'ʌb j contra, —che'en.

Marcos 14:20

Jesús tsi' su'beyob: —Jiñʌch i pi'ʌl jiñi junlujuntiquil woli bʌ i ts'aj i waj ti plato quic'ot.

Lucas 22:21

Awilan, wʌ'ʌch añ quic'ot ti mesa jiñi mu' bʌ i yʌc'on ti' c'ʌb j contra.

Juan 13:21

Che' bʌ tsa' ujti i su'b Jesús jiñi t'añ, wen ch'ijiyem tsa' caji i yu'bin ti' pusic'al, tsi' yʌlʌ: —Isujm, isujm mic su'beñetla, juntiquil wʌ' bʌ añ la' wic'ot mi caj i yʌc'on ti' c'ʌb j contra, —che'en.

Juan 13:22

Jiñi cha'añ xcʌnt'añob tsa' caji i q'uelob i bʌ, come ma'añic tsi' ña'tayob majqui woli' tajtʌl ti t'añ.

Juan 13:26

Jesús tsi' jac'be: —Jiñʌch mu' bʌ cʌq'uen ts'ajbil bʌ waj, —che'en. Che' bʌ tsa' ujti i ts'aj jiñi waj, tsi' yʌq'ue Judas Iscariote i yalobil bʌ Simón.

Juan 15:16

Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Juan 15:19

Che' i cha'añeticla pañimil, jiñi pañimil mi' c'uxbiñetla che' bajche' mi c'uxbiñob i bʌ, pero come mach i cha'añeticla pañimil, joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil.

Juan 15:25

Pero cha'añʌch mi' ts'ʌctiyel jiñi t'añ ts'ijbubil bʌ ti mandar: “Tsi' ts'a'leyoñob che' ma'añic c mul”.

Juan 17:12

Che' wʌ' to añon quic'otob ti pañimil, tsa' j cʌntayob ti a c'aba'; jiñi tsa' bʌ a wʌq'ueyon, tsa' cʌntayob, ma'añic tsa' sajti mi juntiquilic, cojach jiñi mu' bʌ i majlel ti tojmulil cha'añ mi' ts'ʌctiyel i Ts'ijbujel Dios.

Juan 18:32

Che'i tsi' yʌlʌyob judíojob cha'añ mi' ts'ʌctiyel i t'añ Jesús tsa' bʌ i yʌlʌ bajche' mi caj i chʌmel.

Juan 19:24

Che' jiñi tsi' su'beyob i bʌ: —Mach yomic mi lac tsil, la' lac cha'len yajcaya ti alas cha'añ mi lac ña'tan majqui mi caj i ch'ʌm. Che'ʌch tsa' ujti cha'añ mi' ts'ʌctiyel i Ts'ijbujel Dios mu' bʌ i yʌl: “Tsi' pucbeyob i bʌ c pislel Yic'ot tsi' cha'leyob yajcaya ti alas cha'añ mi' tsictiyel majqui mi' ch'ʌm c bujc”. Che'i tsi' meleyob soldadojob.

Juan 19:36

Tsa' ujti ti pejtelel iliyi cha'añ mi' ts'ʌctiyel i Ts'ijbujel Dios: “Ma'añic mi caj i c'ʌscujel mi junts'ijtic i bʌquel”.

Juan 21:17

Jesús tsi' cha' c'ajtibe ti' yuxyajlel: —Simón, i yalobilet bʌ Jonás, ¿mu' ba a c'uxbiñon? Pedro tsa' caji i mel i pusic'al come tsi' c'ajtibe ti yuxyajlel: “¿Mu' ba a c'uxbiñon?” Tsi' jac'be: —C Yum, jatet laj awujil; awujil mij c'uxbiñet. Jesús tsi' su'be: —Aq'uen i buc'bal c tʌñʌme'.

Juan 6:70

Jesús tsi' jac'be: —¿Mach ba tsa'ic j yajcayetla jatetla jiñi lajchʌntiquil, pero juntiquil i cha'añʌch xi'ba? —Che'en.

Hechos 1:16

—Quermañujob, wersa mi' ts'ʌctiyel i Ts'ijbujel Dios che' bajche' tsi' yʌlʌ jiñi Ch'ujul bʌ Espíritu ti wajali ti yej David cha'añ Judas, jiñʌch Judas tsa' bʌ i toj-esa majlel wiñicob cha'añ mi chucob Jesús.

Hechos 1:2

c'ʌlʌl ti jiñi q'uiñ che' bʌ tsa' pʌjyi letsel Jesús ti panchan, che' bʌ tsa' ujti i yʌq'ueñob mandar ti p'ʌtʌlel ch'ujul bʌ Espíritu jiñi apóstolob yajcʌbilo' bʌ i cha'añ.

2 Corintios 4:5

Ma'añic mic bajñel su'b lojon c bʌ che' mic cha'len lojon subt'añ, mic su'b lojon cha'añ Jesucristo jiñʌch lac Yum. Joñon lojon la' waj e'telon lojon cha'añ woli j c'uxbin lojon Jesús.

Hebreos 4:13

Ma'añic chuqui melbil i cha'añ Dios mucul bʌ ti' wut, laj tsiquil ti' wut pejtelel chuqui tac añ; wersa mi caj lac mel lac bʌ ti' tojlel jiñi mu' bʌ i laj q'uel lac melbal.

Apocalipsis 2:23

Mi caj c tsʌnsan i yalobilob Jezabel, pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal, ti jujuntiquiletla mi caj cʌq'ueñetla la' tojol che' bajche' añ la' melbal.