Juan 12:32 - Jiñi Tsiji' bʌ Wen T'añ cha'añ Estudio

³² Joñon che' mic letsʌntel ti cruz, mi caj c pʌy tilel pejtelel wiñicob x'ixicob ba'añon.

Chol de Tumbalá Bible

³² Joñon che' mic letsʌntel ti pañimil, mi caj c pʌy tilel pejtelel winicob x'ixicob ba' añon.

Jiñi Tsiji' bʌ Wen T'añ cha'añ Estudio

³² Joñon che' mic letsʌntel ti cruz, mi caj c pʌy tilel pejtelel wiñicob x'ixicob ba'añon.

Chol Tila

³² Che' mic letsʌntyel ti chañelel lum mi quejel i ñijcʌbentyel i pusic'al pejtyelel quixtyañu mu' bʌ quejel i ch'ujbiñon.

Chol: I T’an Dios

³² Joñon che' mic letsʌntel ti pañimil, mi caj c pʌy tilel pejtelel winicob x'ixicob ba' añon.

Juan 12:32 Iomraidhean Croise

Juan 1:7

Tsa' tili cha'añ mi' su'b chuqui isujm, cha'añ mi' yʌc' ti cʌjñel i sʌclel pañimil, cha'añ mi' mejlel i ñopob pejtelel wiñicob x'ixicob i sʌclel pañimil.

Juan 12:34

Jiñi ya' bʌ añob tsi' jac'beyob: —Ti jiñi mandar tsa' cu'bi lojon, cha'añ jiñi Cristo mi caj i yajñel ti pejtelel ora. ¿Chucoch ma' wʌl wersa yom mi' letsʌntel i Yalobil Wiñic? ¿Majqui jiñi i Yalobil Wiñic?

Juan 18:32

Che'i tsi' yʌlʌyob judíojob cha'añ mi' ts'ʌctiyel i t'añ Jesús tsa' bʌ i yʌlʌ bajche' mi caj i chʌmel.

Juan 19:17

Jesús tsa' caji i q'uech majlel i cruz, tsa' c'oti ti bujtʌl i c'aba' Calavera, ti' t'añ hebreojob jiñʌch Gólgota.

Juan 3:14

Che' bajche' Moisés tsi' joc'choco lucum ti te' ti jochol bʌ lum, che'ʌch ja'el mi caj i wersa letsʌntel i Yalobil Wiñic,

Juan 6:44

Ma'añic majqui mi mejlel i tilel ba'añon, jiñi jach mu' bʌ i pʌjyel tilel cha'añ c Tat tsa' bʌ i chocoyon tilel, joñon mi caj c tech ch'ojyel ti jiñi cojix bʌ q'uiñ.

Juan 8:28

Jiñi cha'añ Jesús tsi' su'beyob: —Che' bʌ tsa'ix la' ch'iji ti cruz i Yalobil Wiñic, che' jiñi mi caj la' ch'ʌmben isujm majquiyon, yic'ot ma'añic chuqui mic mel tic bajñelil, chuqui tac tsi' cʌntesayon c Tat, jiñi jach mic su'b.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jiñi mandar mu' bʌ i yʌc'onla ti chojquel, come Cristo tsa' chojqui ti Dios cha'añonla, jiñi cha'añ ts'ijbubil: “Chocbil ti Dios majqui jach mi' joc'chocontel ti te'”,

1 Timoteo 2:6

tsi' yʌc'ʌ i bʌ cha'añ mi' mʌn pejtelel año' bʌ ti pañimil, jiñʌch i ye'tel tsa' bʌ ajq'ui ti cʌjñel che' ti' yorajlel.

Hebreos 2:9

Pero mi laj q'uel cha'añ Jesús, tsa' bʌ poj peq'uesʌnti ba' mach i tajayic i ñuclel ángelob, tsa'ix cha' aq'uenti i ñuclel yic'ot i c'uxbintel, cha'añ tsi' yʌc'ʌ i bʌ ti chʌmel, come ti' yutslel i pusic'al Dios tsa' chʌmi cha'añ pejtelonla.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,