Juan 11:52 - Jiñi Tsiji' bʌ Wen T'añ cha'añ Estudio

⁵² Mach cha'añic jach jiñi año' bʌ ti' lumal, cha'añʌch ja'el mi' tempañob ti junmojt i yalobilob Dios tsa' bʌ pam pujquiyob.

Chol de Tumbalá Bible

⁵² Come wersa mi' chʌmel Jesús, mach cha'anic jach jini año' bʌ ti' lumal, pero cha'an mi' tempañob ti junmojt i yalobilob Dios tsa' bʌ pam pujquiyob.

Jiñi Tsiji' bʌ Wen T'añ cha'añ Estudio

⁵² Mach cha'añic jach jiñi año' bʌ ti' lumal, cha'añʌch ja'el mi' tempañob ti junmojt i yalobilob Dios tsa' bʌ pam pujquiyob.

Chol Tila

⁵² Mach cha'anic jach jini israelob mi sajtyel Jesús pero cha'an mi quejel i yajñel ti junmujch' jach ti pejtyelel i yalobilob Dios ba'ic jach pujquemob.

Chol: I T’an Dios

⁵² Come wersa mi' chʌmel Jesús, mach cha'anic jach jini año' bʌ ti' lumal, pero cha'an mi' tempañob ti junmojt i yalobilob Dios tsa' bʌ pam pujquiyob.

Juan 11:52 Iomraidhean Croise

Lucas 15:8

Mi añ x'ixic am bʌ i cha'añ lujump'ejl dracma mi tsi' sʌtʌ jump'ejl, ¿Mach ba añic mi' tsuc' c'ajc, mi' misun yotot, cha'añ mi' wen sʌclan jinto mi' taj?

Lucas 2:32

Jiñʌch i sʌclel pañimil mu' bʌ caj i tsictiyel ti' tojlel gentilob yic'ot i ñuclelʌch a cha'año' bʌ ti Israel, che'en Simeón.

Juan 1:12

Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Juan 1:29

Ti yijc'ʌlal Juan tsi' q'uele woli i tilel Jesús ba'añ. Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Juan 10:16

Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Juan 12:32

Joñon che' mic letsʌntel ti cruz, mi caj c pʌy tilel pejtelel wiñicob x'ixicob ba'añon.

Hechos 18:10

come añon quic'otet, anquese añ majqui mi' mʌctañet, ma'añic majqui mi' mejlel i tic'lañet, come añ ca'bʌl c cha'año' bʌ ti ili tejclum”, che'en.

Romanos 3:29

Jiñi Dios ¿i cha'añ jach ba judíojob? ¿Mach ba i cha'añic gentilob ja'el? Isujm i cha'añob gentilob ja'el,

Romanos 4:17

Che' bajche' ts'ijbubil: “Tsa' c wa'chocoyet ti' tat wiñicob x'ixicob ti ca'bʌl lum tac”. Jiñi Dios tsa' bʌ i ñopo Abraham jiñʌch mu' bʌ i yʌq'ueñob i cuxtʌlel jiñi chʌmeño' bʌ, mu' bʌ i mel ti' p'ʌtʌlel jach i t'añ jiñi maxto bʌ añic ti yam bʌ ora.

Efesios 1:5

Ti' c'uxbiya Dios tsi' wʌn ña'ta i yotsañonla ti yalobil ti' tojlel Jesucristo, cha'añ ti' caj che'ʌch yom i bajñel pusic'al,

Efesios 3:11

che'ʌch tsi' wʌn ña'ta i mel Dios che' maxto añic pañimil, tsa'ix i yʌc'ʌ ti ts'ʌctiyel ti' tojlel Cristo Jesús jiñi lac Yum,

Santiago 1:1

Santiagojon, x'e'telon i cha'añ Dios yic'ot lac Yum Jesucristo, mic ts'ijbubeñetla ili juñ i p'olbalet bʌ la jiñi lajchʌntiquil i yalobil Israel, pujquemet bʌ la ti pejtelel pañimil; mi cʌq'ueñetla cortesía.

1 Pedro 1:1

Pedrojon, apóstolon i cha'añ Jesucristo. Mic ts'ijbubeñetla ili juñ, xñumelet jach bʌ la, pujquemet bʌ la ti Ponto, ti Galacia, ti Capadocia, ti Asia yic'ot ti Bitinia.

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

1 Juan 3:1

Ca'bʌl tsi' c'uxbiyonla lac Tat, jiñi cha'añ mi lac pejcʌntel ti' yalobil Dios, melel i yalobilonla; jiñi cha'añ ma'añic mi' cʌñonla i cha'año' bʌ pañimil, come mach i cʌñʌyobic Dios.

1 Juan 3:10

Che' jiñi, tsiquil majqui i yalobilob Dios yic'ot majqui i yalobilob xi'ba. Come majqui jach ma'añic mi' mel chuqui toj yic'ot ma'añic mi' c'uxbin i yermañu mach i cha'añic Dios.

1 Juan 3:2

C'uxbibilo' bʌ, i yalobiloñixla Dios, maxto tsictiyemic bajche' mi caj la cujtel; pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' yilal.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,