Juan 10:5 - Jiñi Tsiji' bʌ Wen T'añ cha'añ Estudio

⁵ Ma'añic mi' tsajcan yam bʌ wiñic, mi' puts'tan, come ma'añic mi' cʌmben i t'añ.

Chol de Tumbalá Bible

⁵ Ma'anic mi' tsajcan yambʌ winic. Mi' puts'tan, come ma'anic mi' cʌmben i t'an.

Jiñi Tsiji' bʌ Wen T'añ cha'añ Estudio

⁵ Ma'añic mi' tsajcan yam bʌ wiñic, mi' puts'tan, come ma'añic mi' cʌmben i t'añ.

Chol Tila

⁵ Pero mach'an mi' tsʌclen majlel yambʌ winic mach'ʌ ba'an mi' cʌmben i t'an. Mi' puts'ejel majlel como mach i cʌñʌ.

Chol: I T’an Dios

⁵ Ma'anic mi' tsajcan yambʌ winic. Mi' puts'tan, come ma'anic mi' cʌmben i t'an.

Juan 10:5 Iomraidhean Croise

Marcos 4:24

Jesús tsi' su'beyob ja'el: —Wen ñʌch'tanla chuqui mu' bʌ la' wu'bin, come che' bajche' mi la' p'isben wiñicob che'ʌch mi caj la' p'isbentel. Ñumen ca'bʌl mi caj la' p'isbentel jatetla mu' bʌ la' wu'bin.

Lucas 8:18

Chʌcʌ q'uele la' bʌ cha'añ mi la' wen u'bin jiñi t'añ, come majqui jach añ i cha'añ mi caj i yʌq'uentel yam bʌ. Majqui jach ma'añic i cha'añ mi caj i laj chilbentel chuqui tac añ i cha'añ, che'en Jesús.

Juan 10:16

Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Juan 10:4

Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ.

2 Timoteo 4:3

Come tal i yorajlel che' ma'añic mi caj i mulañob toj bʌ cʌntesa, mi caj i mulañob i yu'bin yam bʌ t'añ, mi caj i pʌyob ca'bʌl i maestrojob mu' bʌ i su'bob chuqui mi' mulañob,

1 Juan 2:19

Tsa' loq'uiyob majlel ti lac tojlel come mach lac cha'añobic, come lac cha'añobic wʌ' to añob la quic'ot c'ʌlʌl wʌle; pero tsa' loq'uiyob cha'añ mi' tsictiyel mach ti' pejtelelobic lac cha'añob.

1 Juan 2:21

Tsa' c ts'ijbubeyetla, mach cha'añic mach la' cʌñʌyic isujmlel, pero cʌntesʌbiletixla, la' wujil chuqui isujm yic'ot chuqui mach isujmic, mach tilemic lot ti jiñi isujm bʌ.

Apocalipsis 2:2

Cʌmbil c cha'añ la' melbal yic'ot wocol bʌ la' we'tel yic'ot i p'ʌtʌlel la' pusic'al ti' cuchol wocol, cujil mi la' ts'a'len jontol bʌ wiñicob, tsa'ix la' wen q'uelbe i ye'tel jiñi mu' bʌ i lon cuyob i bʌ ti apóstolob, tsa'ix la' ña'ta xlotiyajobʌch.