Juan 10:27 - Jiñi Tsiji' bʌ Wen T'añ cha'añ Estudio

²⁷ C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob.

Chol de Tumbalá Bible

²⁷ C tiñʌme'ob mi' yubibeñon c t'an. Joñon mij cʌñob. Mi' tsajcañoñob.

Jiñi Tsiji' bʌ Wen T'añ cha'añ Estudio

²⁷ C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob.

Chol Tila

²⁷ C tiñʌme'ob mi' cʌmbeñon c t'an. Mij cʌñob. Mi' tsʌcleñoñob majlel.

Chol: I T’an Dios

²⁷ C tiñʌme'ob mi' yubibeñon c t'an. Joñon mij cʌñob. Mi' tsajcañoñob.

Juan 10:27 Iomraidhean Croise

Mateo 16:24

Jiñi cha'añ Jesús tsi' su'be jiñi xcʌnt'añob i cha'añ: —Mi añ majqui yom i tsajcañon, la' i len cʌy pejtelel chuqui yom i bajñel pusic'al, la' i ch'ʌm i cruz, la' i tsajcañon.

Mateo 17:5

Che' woli to ti t'añ, tsi' mosoyob wen sʌsʌc bʌ tocal; tsa' loq'ui t'añ ti tocal, tsi' yʌlʌ: Jiñʌch Calobil mu' bʌ j c'uxbin, tijicña c pusic'al mij q'uel; u'bibenla i t'añ, che'en.

Mateo 25:12

Tsi' jac'beyob: Ti isujm, mic su'beñetla, mach j cʌñʌyeticla, che'en.

Mateo 7:23

Che' jiñi mi caj c su'beñob: “Mach j cʌñʌyeticla. Tʌts'ʌ la' bʌ tic tojlel mu' bʌ la' cha'len jontolil”.

Marcos 10:21

Jesús tsi' q'uele, tsi' c'uxbi, tsi' su'be: —Añ to yom ma' mel yam bʌ junchajp, cucu, choño pejtelel a chu'bʌañ, aq'uen jiñi mach bʌ añic i chu'bʌañ. Che' jiñi, mi caj a taj ca'bʌl a chu'bʌañ ti panchan. La', [ch'ʌmʌ a cruz,] tsajcañon, —che'en.

Marcos 8:34

Jesús tsi' pʌyʌ tilel wiñicob x'ixicob yic'ot xcʌnt'añob i cha'añ, tsi' su'beyob: —Mi añ majqui yom i tsajcañon, la' i len cʌy chuqui yom i bajñel pusic'al. La' i ch'ʌm i cruz, la' i tsajcañon.

Lucas 13:27

Pero i yum otot mi caj i su'beñetla: “Mic su'beñetla, mach cujilic baqui ch'oyoletla; loq'uenla tic tojlel pejteletla mu' bʌ la' cha'len jontolil”, che'en.

Lucas 9:23

Jesús tsi' su'beyob ti pejtelelob: —Mi añ majqui yom i tsajcañon, la' i len cʌy chuqui yom ti' bajñel pusic'al, la' i ch'ʌm i cruz ti jujump'ejl q'uiñ, la' i tsajcañon.

Juan 10:14

Joñon jiñi wen bʌ Xcʌnta tʌñʌme', mij cʌn c tʌñʌme', c tʌñʌme' mi' cʌñon ja'el.

Juan 10:16

Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Juan 10:8

Pejtelel tsa' bʌ tiliyob ti ñaxan xujch'ob, xchiloñelob, pero jiñi tʌñʌme' ma'añic tsi' jac'beyob.

Juan 12:26

Majqui jach yom i melbeñon que'tel, la' i tsajcañon; ya' ba'añon ya'i mi caj i yajñel c wiñic ja'el. Mi añ majqui mi' melbeñon que'tel, c Tat mi caj i q'uel ti ñuc.

Juan 21:22

Jesús tsi' su'be: —Mi com mi' cʌytʌl ili wiñic c'ʌlʌl mic cha' tilel, mach a wentajic, jatet tsajcañon, —che'en.

Juan 5:25

Isujm, isujm mic su'beñetla: Tal i yorajlel, i yorajlelix wʌle, che' mi caj i yu'bibeñob i t'añ i Yalobil Dios jiñi chʌmeño' bʌ. Pejtelel mu' bʌ i yu'biñob mi caj i yʌq'ueñtelob i cuxtʌlel.

Juan 8:12

Jesús tsi' cha' su'beyob, tsi' yʌlʌ: —Joñon i sʌclelon pañimil, jiñi mu' bʌ i tsajcañon ma'añic mi' cajel ti xʌmbal ti ic'ch'ipan bʌ pañimil. Añ i cha'añ i sʌclel pañimil cha'añ i cuxtʌlel, —che'en.

Juan 8:43

¿Chucoch ma'añic mi la' ch'ʌmben isujm c t'añ? Come mach la' womic la' wu'bin c t'añ.

Hechos 3:23

Pejtelel majqui jach mi' ñusʌben i t'añ jiñi x'alt'añ, mi caj i chojquel loq'uel ti' tojlel i pi'ʌlob cha'añ mi' jilel”, che'en.

1 Corintios 8:3

Pero mi añ majqui mi' c'uxbin Dios, cʌmbilʌch jiñi wiñic ti Dios.

Gálatas 4:9

pero wʌle, che' bʌ tsa'ix la' cʌñʌ Dios, ñumen mi' cʌñetla ja'el, ¿Chucoch woli la' cha' mulan i cʌntesʌbal lac ñojte'el mach bʌ añic i p'ʌtʌlel cha'añ mi' coltañetla? ¿La' wom ba la' cha' ochel ti xmajtan e'tel?

2 Timoteo 2:19

Pero tsʌts wa'chocobilonla ti Dios. Tsi' yʌq'ueyonla lac sellojlel ba' ts'ijbubil: “Lac Yum mi' cʌn i cha'año' bʌ”. Jiñi cha'añ la' i cʌy i jontolil jujuntiquil mu' bʌ i pejcʌben i c'aba' Cristo.

Hebreos 3:7

Jiñi cha'añ, che' bajche' mi' yʌl jiñi Ch'ujul bʌ Espíritu: “Mi woli la' wu'biben i t'añ Dios,

Apocalipsis 14:4

Jiñobʌch sʌco' bʌ mach bʌ añic tsi' cha'leyob ts'i'lel. Mi' tsajcañob jiñi Tʌñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jiñi ñaxan bʌ pac' ti' tojlel Dios yic'ot jiñi Tʌñʌme'.

Apocalipsis 3:20

Awilan, wa'alon, woli c jats'ben i ti' otot. Mi añ majqui mi yu'bibeñon c t'añ mu' bʌ i jambeñon i ti' otot, mi caj cochel ba'añ, mi caj c cha'len we'el yic'ot. Mux caj i cha'len we'el quic'ot ja'el.