Juan 10:16 - Jiñi Tsiji' bʌ Wen T'añ cha'añ Estudio

¹⁶ Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Chol de Tumbalá Bible

¹⁶ Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Jiñi Tsiji' bʌ Wen T'añ cha'añ Estudio

¹⁶ Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Chol Tila

¹⁶ Añʌch yambʌ tiñʌme' je'el max tyo bʌ ochem ti jini corral. Wersa mic pʌyob tyʌlel je'el. Mi quejel i jac'beñon c t'an. Mi quejel i yajñel ti junmujch' ba'an juntiquil jach ajcʌñʌtya tiñʌme'.

Chol: I T’an Dios

¹⁶ Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Juan 10:16 Iomraidhean Croise

Mateo 17:5

Che' woli to ti t'añ, tsi' mosoyob wen sʌsʌc bʌ tocal; tsa' loq'ui t'añ ti tocal, tsi' yʌlʌ: Jiñʌch Calobil mu' bʌ j c'uxbin, tijicña c pusic'al mij q'uel; u'bibenla i t'añ, che'en.

Lucas 15:8

Mi añ x'ixic am bʌ i cha'añ lujump'ejl dracma mi tsi' sʌtʌ jump'ejl, ¿Mach ba añic mi' tsuc' c'ajc, mi' misun yotot, cha'añ mi' wen sʌclan jinto mi' taj?

Juan 10:11

Joñon jiñi wen bʌ Xcʌnta tʌñʌme'; jiñi wen bʌ Xcʌnta tʌñʌme' mi' yʌc' i cuxtʌlel cha'añ i tʌñʌme'.

Juan 10:2

Pero jiñi mu' bʌ i yochel ti ti' corral jiñʌch xcʌnta tʌñʌme'.

Juan 10:27

C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob.

Juan 10:3

Jiñi xcʌnta corral mi' jamben jiñi xcʌnta tʌñʌme', jiñi tʌñʌme' mi yu'biben i t'añ i yaj cʌntaya, mi' pejcan i tʌñʌme' ti' c'aba', mi' pʌy loq'uel.

Juan 10:4

Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ.

Juan 10:5

Ma'añic mi' tsajcan yam bʌ wiñic, mi' puts'tan, come ma'añic mi' cʌmben i t'añ.

Juan 11:52

Mach cha'añic jach jiñi año' bʌ ti' lumal, cha'añʌch ja'el mi' tempañob ti junmojt i yalobilob Dios tsa' bʌ pam pujquiyob.

Juan 17:20

Mach cojic jach mi' c'ajtibeñet i wenlel ili wiñicob x'ixicob, pero ti pejtelelob jiñi mu' bʌ caj i ñopoñob cha'añ ti' t'añ ili wʌ' bʌ añob,

Juan 6:37

Pejtelel wiñicob x'ixicob mu' bʌ i yʌq'ueñon c Tat mi caj i tilelob ba'añon, majqui jach mi' tilel ba'añon ma'añic mi caj c choc loq'uel.

Hechos 15:14

Simón tsa' ujti i su'beñetla bajche' Dios tsa' caji i pʌsbeñob gentilob i yutslel i pusic'al che' bʌ tsi' yajca wiñicob x'ixicob cha'añ mi' tsictesʌbeñob i ñuclel i c'aba'.

Hechos 18:10

come añon quic'otet, anquese añ majqui mi' mʌctañet, ma'añic majqui mi' mejlel i tic'lañet, come añ ca'bʌl c cha'año' bʌ ti ili tejclum”, che'en.

Hechos 22:14

Tsi' su'beyon: “I Dios lac ñojte'elob tsi' yajcayet cha'añ ma' cʌn chuqui yom i pusic'al Dios, tsi' yajcayet cha'añ ma' q'uel jiñi Toj bʌ, yic'ot cha'añ ma' wu'biben i t'añ che' mi' pejcañet.

Romanos 11:25

Hermañujob, yom mi la' ña'tan jiñi t'añ mach bʌ tsictiyemic ti yam bʌ ora, ame ñuquic mi la' lon q'uel la' bʌ ti la' bajñel pusic'al, tsa' tsʌts-ayob i pusic'al lamital israelob jinto ts'ʌcʌl mi' yochelob jiñi gentilob ti' ñopol Dios.

2 Tesalonicenses 2:13

Pero yom mic chʌn su'ben lojon wocolix i yʌlʌ Dios cha'añetla hermañujob, c'uxbibilet bʌ la i cha'añ lac Yum, come ti' cajibal pañimil Dios tsi' yajcayetla cha'añ mi la' coltʌntel, ti' p'ʌtʌlel jiñi Espíritu woli' yotsañetla ti ch'ujul, come woli la' ñopben isujmlel Dios.

Hebreos 13:20

Jiñi Dios mu' bʌ i ñʌch'chocoñonla, tsa' bʌ i teche loq'uel lac Yum Jesucristo ba'añ chʌmeño' bʌ, jiñi ñuc bʌ Xcʌnta tʌñʌme', ti' ch'ich'el tsi' yʌq'ue i sellojlel jiñi xuc'ul bʌ t'añ mach bʌ añic mi' jilel,

1 Pedro 2:10

Ti yam bʌ ora mach i cha'añeticla Dios, pero wʌle i cha'añetla. Ti yam bʌ ora ma'añic majqui tsi' p'untayetla, pero wʌle tsa'ix i p'untayetla.

1 Pedro 2:25

Ti yam bʌ ora tsa' sajtiyetla che' bajche' sajtem bʌ tʌñʌme', pero tsa' la' sutq'ui la' bʌ cha'añ mi la' tsajcan majlel jiñi Xcʌnta tʌñʌme', jiñi Xcʌntaya mu' bʌ i coltañ la' ch'ujlel.

1 Pedro 5:4

Che' mi' tsictiyel jiñi ñuc bʌ Xcʌnta tʌñʌme', mi caj la' wʌq'uentel corona i yejtal bʌ la' ñuclel mach bʌ añic mi' jilel.

Apocalipsis 3:20

Awilan, wa'alon, woli c jats'ben i ti' otot. Mi añ majqui mi yu'bibeñon c t'añ mu' bʌ i jambeñon i ti' otot, mi caj cochel ba'añ, mi caj c cha'len we'el yic'ot. Mux caj i cha'len we'el quic'ot ja'el.