Juan 1:51 - Jiñi Tsiji' bʌ Wen T'añ cha'añ Estudio

⁵¹ Jesús tsi' cha' su'be: —Isujm, isujm mic su'beñetla, mi caj la' q'uel che' jajmeñix panchan, mi caj la' q'uel i yÁngel Dios che' mi' letselob majlel yic'ot che' mi' ju'belob tilel ti' tojlel i Yalobil Wiñic. Tsi' pʌntesa ja' ti vino Tsi' c'oq'uesʌbe i yalobil juntiquil yumʌl Tsi' c'oq'uesa jiñi mach bʌ weñic i yoc Tsi' we'sa bajc'ʌl wiñicob x'ixicob Tsi' cha'le xʌmbal ti' pam ja' Tsi' cambe i wut juntiquil xpots' Tsi' teche ch'ojyel Lázaro (Q'uele ja'el 20.30-31)

Chol de Tumbalá Bible

⁵¹ Jesús tsi' sube Natanael: Isujm, isujm mic subeñetla, mi caj la' q'uel che' jajmenix panchan. Mi caj la' q'uel i yángelob Dios che' mi' letselob che' mi' jubelob ti' tojlel I Yalobil Winic.

Jiñi Tsiji' bʌ Wen T'añ cha'añ Estudio

⁵¹ Jesús tsi' cha' su'be: —Isujm, isujm mic su'beñetla, mi caj la' q'uel che' jajmeñix panchan, mi caj la' q'uel i yÁngel Dios che' mi' letselob majlel yic'ot che' mi' ju'belob tilel ti' tojlel i Yalobil Wiñic. Tsi' pʌntesa ja' ti vino 2.1-11 Tsi' c'oq'uesʌbe i yalobil juntiquil yumʌl 4.43-54 Tsi' c'oq'uesa jiñi mach bʌ weñic i yoc 5.1-18 Tsi' we'sa bajc'ʌl wiñicob x'ixicob 6.1-15 Tsi' cha'le xʌmbal ti' pam ja' 6.16-21 Tsi' cambe i wut juntiquil xpots' 9.1-41 Tsi' teche ch'ojyel Lázaro 11.1-44 (Q'uele ja'el 20.30-31)

Chol Tila

⁵¹ Jesús ti yʌlʌ je'el: Melel mic subeñet: Mi quej la' q'uele' che' bajche' jamʌl jini panchan. Mi quej la' q'uele' ajtroñel i cha'an Dios ch'oyol bʌ ti panchan mi letsel mi jubel tic tyojlel Joñon i Pi'ʌlon bʌ Quixtyañujob, che'en.

Chol: I T’an Dios

⁵¹ Jesús tsi' sube Natanael: Isujm, isujm mic subeñetla, mi caj la' q'uel che' jajmenix panchan. Mi caj la' q'uel i yángelob Dios che' mi' letselob che' mi' jubelob ti' tojlel i Yalobil Winic.

Juan 1:51 Iomraidhean Croise

Mateo 25:31

Che' mi' tilel i Yalobil Wiñic ti' ñuclel, yic'ot pejtelel ch'ujul bʌ i yángelob mi' caj ti buchtʌl ti' yumʌntel yic'ot i ñuclel.

Mateo 26:24

I Yalobil Wiñic mi caj i majlel che' bajche' ts'ijbubil, ¡o'bol i bʌ jiñi wiñic mu' bʌ i yʌc' i Yalobil Wiñic ti' c'ʌb i contra! Uts'at machic jax tsi' yila pañimil jiñi wiñic, —che'en.

Mateo 3:16

Che' bʌ tsa'ix i ch'ʌmʌ ja' Jesús tsa' loq'ui ti ja'. Ti jim bʌ ora, tsa' jajmi panchan. Tsi' q'uele i yEspíritu Dios woli' ju'bel tilel che' bajche' x'ujcuts, tsa' t'uchle ti' tojlel Jesús.

Mateo 4:11

Jiñi xi'ba tsi' cʌyʌ Jesús, che' jiñi, tsa' tili ángelob cha'añ mi' coltañob Jesús.

Mateo 8:20

Jesús tsi' su'be: —Añ i yotot wax, añ i c'u' te'lemut, pero i Yalobil Wiñic ma'añic ba' mi' mejlel i c'aj i yoj, —che'en.

Mateo 9:6

Pero cha'añ mi la' ña'tan añ i p'ʌtʌlel i Yalobil Wiñic ti pañimil cha'añ mi' ñusan mulil, —jiñi cha'añ tsi' su'be jiñi mach bʌ añix i p'ʌtʌlel i yoc i c'ʌb—: Ch'ojyen, teche a wʌyib, cucux ti a wotot, —che'en Jesús.

Marcos 1:10

Che' bʌ tsa' loq'ui ti ja', tsi' q'uele tsa' cajli panchan yic'ot tsi' q'uele Espíritu tsa' ju'bi tilel che' bajche' x'ujcuts ti' tojlel Jesús.

Marcos 14:62

Jesús tsi' su'be: —Joñon cu, mi caj la' q'uel i Yalobil Wiñic buchul ti' ñoj jiñi p'ʌtʌl bʌ Dios, mi caj la' q'uel che' mi' tilel ti tocal ti panchan, —che'en.

Lucas 2:13

Ti jiñi jach bʌ ora tsa' tsictiyi bajc'ʌl ángelob ch'oyolo' bʌ ti panchan, woli i su'bob i ñuclel Dios. Tsi' yʌlʌyob:

Lucas 2:9

Awilan, tsa' tsictiyi juntiquil i yÁngel lac Yum ba'añob. I ñuclel Dios tsi' yʌc'ʌ i c'ʌc'al ti' joytʌlelob. Tsa' cajiyob ti ca'bʌl bʌq'uen.

Lucas 22:43

Ti jim bʌ ora tsa' tili ángel ch'oyol bʌ ti panchan cha'añ mi' p'ʌt-esan Jesús.

Lucas 22:69

Wʌle yic'ot ti pejtelel ora mi' caj ti buchtʌl i Yalobil Wiñic ti' ñoj jiñi P'ʌtʌl bʌ Dios, —che'en Jesús.

Lucas 24:4

Che' woli melob i pusic'al cha'añ ma'añic tsiquil, awilan tsa' wa'leyob ya' ti' t'ejl jiñi x'ixicob cha'tiquil wiñicob ts'ʌylaw bʌ i pislel.

Lucas 3:21

Che' bʌ tsi' ch'ʌmʌyob ja' pejtelel wiñicob x'ixicob, tsi' ch'ʌmʌ ja' Jesús ja'el. Che' woli' pejcan Dios ti oración, tsa' cajli panchan,

Juan 1:50

Jesús tsi' jac'be: —¿Woli a ñop come tsa' c su'beyet tsa' q'ueleyet ti' ye'bal higuera te'? Mu' to caj a q'uel ñumen ñuc tac bʌ bajche' jiñi, —che'en.

Juan 10:1

Isujm, isujm mic su'beñetla: Jiñi mach bʌ añic mi' yochel ti ti' corral ba'añ tʌñʌme', jiñi mu' bʌ i letsel ochel ti' pam corral jiñʌch xujch', jiñʌch xchiloñel.

Juan 10:7

Jiñi cha'añ Jesús tsi' cha' su'beyob: —Isujm, isujm mic su'beñetla: Joñon i ti'on ba' mi' yochel tʌñʌme'.

Juan 13:16

Isujm, isujm mic su'beñetla: Jiñi x'e'tel mach ñuquic che' bajche' i yum; mi jiñic jiñi chocbil bʌ majlel ñumen ñuc che' bajche' jiñi tsa' bʌ i choco majlel.

Juan 13:38

Jesús tsi' su'be: —¿Mu' ba a wʌc' a bʌ ti chʌmel cha'añon? Isujm, isujm mic su'beñet, che' maxto añic tsi' cha'le uq'uel xtat mut, uxyajl mi caj a wʌl cha'añ mach a cʌñʌyoñic, —che'en.

Juan 14:12

Isujm, isujm mic su'beñetla, jiñi mu' bʌ i ñopon, mi caj i mel jiñi e'tel mu' bʌ c mel ja'el, ñumen ñuc mi caj i mel che' bajche' tsa' c mele, come joñon mic majlel ba'añ c Tat.

Juan 16:20

Isujm, isujm mic su'beñetla: Jatetla mi caj la' cha'len uq'uel, mi caj la' mel la' pusic'al, jiñi año' bʌ ti pañimil tijicña mi caj i yu'biñob, pero jatetla ch'ijiyem jax mi caj la' wu'bin, ti wi'il mi caj i q'uextʌyel i ch'ijiyemlel la' pusic'al ti' tijicñʌyel.

Juan 16:23

Ti jiñi q'uiñ ma'añic chuqui mi caj la' c'ajtibeñon. Isujm, isujm mic su'beñetla, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Juan 21:18

Isujm, isujm mic su'beñet: Che' bʌ ch'itoñet to, tsa' lʌpʌ a bujc, tsa' majliyet baqui jach awom, pero che' ñoxetix mi caj a sʌts' a c'ʌb, yam bʌ mi caj i lʌpbeñet a bujc, mi caj i pʌyet majlel ba' mach awomic majlel, che'en.

Juan 3:3

Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios, —che'en.

Juan 3:5

Jesús tsi' jac'ʌ: —Isujm, isujm mic su'beñet, jiñi mach bʌ añic mi' yilan pañimil yic'ot ja' yic'ot jiñi Espíritu mach mejlic ti ochel ti' yumʌntel Dios.

Juan 5:19

Jiñi cha'añ Jesús tsi' su'beyob: —Isujm, isujm mic su'beñetla: Ma'añic chuqui mi mejlel i bajñel mel i Yalobil Dios; mi' q'uel chuqui tac woli' mel i Tat, come pejtelel chuqui tac mi' mel i Tat, mi' mel i Yalobil ja'el.

Juan 5:27

yic'ot ja'el tsi' yʌq'ue i p'ʌtʌlel cha'añ mi' cha'len meloñel come i Yalobilʌch Wiñic.

Juan 6:26

Jesús tsi' jac'beyob: —Isujm, isujm mic su'beñetla, mi la' sajcañon mach cha'añic tsa' la' q'uele i yejtal c p'ʌtʌlel, cha'añ jach tsa' ñaj-ayetla ti waj.

Juan 6:32

Jesús tsi' su'beyob: —Isujm, isujm mic su'beñetla: Mach jiñic Moisés jiñi tsa' bʌ i yʌq'ueyetla jiñi waj ch'oyol bʌ ti panchan. Pero c Tat mi' yʌq'ueñetla jiñi isujm bʌ waj ch'oyol bʌ ti panchan.

Juan 6:47

Isujm, isujm mic su'beñetla, jiñi mu' bʌ i ñopon, añix i cuxtʌlel mach bʌ añic mi' jilel.

Juan 6:53

Jesús tsi' su'beyob: —Isujm, isujm mic su'beñetla, mi ma'añic mi la' c'uxben i bʌc'tal i Yalobil Wiñic, mi ma'añic mi la' japben i ch'ich'el, ma'añic la' cuxtʌlel.

Juan 8:34

Jesús tsi' jac'beyob: —Isujm, isujm mic su'beñetla, pejtelel mu' bʌ i cha'leñob mulil, mi yochelob ti mozo cha'añ mulil.

Juan 8:51

Isujm, isujm mic su'beñetla, jiñi mu' bʌ i jac'beñon c t'añ, ma'añic mi' caj i chʌmel ti pejtelel ora, che'en.

Juan 8:58

Jesús tsi' su'beyob: —Isujm, isujm mic su'beñetla, che' maxto añic Abraham añoñix, —che'en.

Hechos 10:11

Tsi' q'uele calal jiñi panchan, woli' ju'bel tilel che' bajche' colem pisil cʌchbil ti' chʌmp'ejlel i xujc, tsa' ju'sʌnti c'ʌlʌl ti lum.

Hechos 7:56

Tsi' yʌlʌ: “Awilan, woli j q'uel calal jiñi panchan. Woli j q'uel Jesús i Yalobil Wiñic, ya' wa'al ti' ñoj Dios”, che'en.

2 Tesalonicenses 1:7

Dios mi caj i yʌq'ueñetla la' c'aj la' woj jatetla woli bʌ la' wu'bin wocol temel quic'ot lojon che' ba' ora mi' tsictiyel lac Yum Jesús ti panchan yic'ot jiñi ángelobti' p'ʌtʌlel,

2 Tesalonicenses 1:9

Mi caj i tojob i mul ti c'ajc ti pejtelel ora, mi caj i chojquelob loq'uel ti' tojlel lac Yum yic'ot ti' p'ʌtʌlel i ñuclel.

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

Hebreos 1:14

Pejtelel jiñi ángelob, ¿mach ba espíritujobic mu' bʌ i cha'leñob e'tel? ¿Mach ba chocbilobic tilel cha'añ mi' cʌntañob jiñi mu' bʌ caj i coltʌntelob?

Judas 1:14

Enoc i wʌclajmlel i p'olbal Adán, tsi' wʌn alʌ cha'añ jiñi wiñicob: Tsa' tili lac Yum yic'ot bajc'ʌl ch'ujulo' bʌ i cha'añ,

Apocalipsis 19:11

Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj bʌ mi' cha'len meloñel yic'ot guerra.

Apocalipsis 4:1

Ti wi'il tsa' j q'uele: Awilan, jambil jump'ejl i ti' panchan. Jiñi ñaxan bʌ t'añ tsa' bʌ cu'bi lajalʌch bajche' i t'añ trompeta, tsi' su'beyon: “La' ti letsel ilayi, mi caj c pʌsbeñet chuqui tac wersa mi' caj ti ujtel”, che'en.