Juan 1:29 - Jiñi Tsiji' bʌ Wen T'añ cha'añ Estudio

²⁹ Ti yijc'ʌlal Juan tsi' q'uele woli i tilel Jesús ba'añ. Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Chol de Tumbalá Bible

²⁹ Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Jiñi Tsiji' bʌ Wen T'añ cha'añ Estudio

²⁹ Ti yijc'ʌlal Juan tsi' q'uele woli i tilel Jesús ba'añ, Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Chol Tila

²⁹ Ti yijc'ʌlel Juan ti yilʌ Jesús che' chʌncol i lʌq'ue' tyʌlel. Juan ti' tyaja ti t'an Jesús. Ti yʌlʌ: Q'uelela jiñʌch mu' bʌ i pejcʌntyel ti i Tiñʌme' Dios como mi quejel i ñusʌben i mul quixtyañujob, che'en. [Como i tyʌlel mi tsʌnsʌntyel tiñʌme' yom bʌ yʌle' oveja ti ñoj oniyix cha'an i ñusʌbentyelob i mul.]

Chol: I T’an Dios

²⁹ Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Juan 1:29 Iomraidhean Croise

Mateo 1:21

Mi caj i yʌc' ti pañimil alʌ ch'itoñ. Yom ma' wotsʌben i c'aba' Jesús, come jiñʌch mu' bʌ cajel i coltañ wiñicob x'ixicob i cha'año' bʌ cha'añ mi' loq'uelob ti' p'ʌtʌlel i mul”.

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Juan 1:35

Ti yijc'ʌlal cha' ya'añ Juan yic'ot cha'tiquil xcʌnt'añob i cha'añ.

Juan 1:36

Juan tsi' q'uele Jesús woli ti xʌmbal ñumel ti lʌc'ʌl, tsi' yʌlʌ: Q'uelela i Tʌñʌme' Dios, che'en.

Juan 1:43

Ti yijc'ʌlal Jesús tsi' ña'ta i majlel ti Galilea, tsi' taja Felipe, tsi' su'be: —Tsajcañon, —che'en.

Juan 2:1

Ti yuxp'ejlel q'uiñ tsi' meleyob q'uiñijel cha'añ ñujpuñijel ya' ti Caná ti Galilea; ya'añ i ña' Jesús.

Juan 3:16

Come che'i tsi' wen c'uxbi Dios jiñi año' bʌ ti pañimil, tsi' yʌc'ʌ cojach bʌ i Yalobil; majqui jach mi' ñop i Yalobil, ma'añic mi' sajtel; mi' taj i cuxtʌlel mach bʌ añic mi' jilel.

Juan 4:42

Tsi' su'beyob jiñi x'ixic: Wʌle mic ñop lojon, mach cha'añic jach tsa' su'beyon lojon, pero cha'añ tsa' cu'bi lojon i t'añ ja'el. Cujil lojon ti isujm jiñʌch jiñi Cristo, jiñi Yajcʌbil bʌ, i yaj Coltaya wiñicob x'ixicob año' bʌ ti pañimil.

Juan 6:51

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Hechos 13:39

Cha'añ ti' ye'tel Jesucristo, pejtelel mu' bʌ i ñopob mi' ch'ʌjmelob ti' wenta Dios che' ñusʌbilix i mul; ma'añic tsa' mejli la' ch'ʌjmel ti' wenta cha'añ ti' jac'ol i mandar Moisés.

Hechos 8:32

Ya' ba' woli' q'uel i Ts'ijbujel Dios mi yʌl: “Tsa' pʌjyi majlel cha'añ mi' chʌmel che' bajche' tʌñʌme', che' bajche' alʌ tat tʌñʌme' ñʌch'ʌl bʌ ti' tojlel jiñi mu' bʌ i tsepben i tsutsel, ma'añic tsi' cha'le t'añ.

1 Corintios 15:3

Ñaxan tsa' j cʌntesayetla ti jiñi jach bʌ t'añ tsa' bʌ aq'uentiyon: Cha'añ tsa' chʌmi Cristo cha'añ lac mul, che' bajche' mi' yʌl ti' Ts'ijbujel Dios.

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Gálatas 1:4

Tsi' yʌc'ʌ i bʌ ti chʌmel cha'añ lac mul che' bajche' yom Dios lac Tat cha'añ mi' loc'sañonla ti' p'ʌtʌlel jontolil am bʌ ti pañimil wʌle.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jiñi mandar mu' bʌ i yʌc'onla ti chojquel, come Cristo tsa' chojqui ti Dios cha'añonla, jiñi cha'añ ts'ijbubil: “Chocbil ti Dios majqui jach mi' joc'chocontel ti te'”,

1 Timoteo 2:6

tsi' yʌc'ʌ i bʌ cha'añ mi' mʌn pejtelel año' bʌ ti pañimil, jiñʌch i ye'tel tsa' bʌ ajq'ui ti cʌjñel che' ti' yorajlel.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Hebreos 1:3

mi' wen ac' ti tsictiyel i ñuclel i Tat, mero Diosʌch ajñel, i tsictiyemlelʌch i Tat, ti' p'ʌtʌlel i t'añ mi' cʌntan pejtelel chuqui tac añ. Che' bʌ tsa' ujti i poc lac mul, tsa' buchle ti' ñoj jiñi C'ax Ñuc bʌ am bʌ ti panchan.

Hebreos 2:17

Jiñi cha'añ wersa tsi' ch'ʌmʌ i bʌc'tal Jesús lajal bajche' i bʌc'tal i yermañujob cha'añ mi' yochel ti ñuc bʌ Motomaj yujil bʌ p'untaya. Xuc'ul i pusic'al ti' ye'tel Dios cha'añ mi' tojben i mul pejtelel wiñicob x'ixicob.

Hebreos 9:28

che' ja'el, Cristo junyajl jach tsa' ajq'ui cha'añ mi' cuchbeñob i mul ca'bʌlob, mi caj i tsictiyel ti' cha'yajlel cha'añ mi' coltañ jiñi woli bʌ i pijtañob, pero ma'añix mi caj i chʌn cuch mulil.

1 Pedro 1:19

Pero mʌmbiletla ti' ch'ich'el Cristo letsem bʌ i tojol, che' bajche' juncojt alʌ tat tʌñʌme' mach bʌ añic i chʌmel mi i bi'bi'lel.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

1 Juan 3:5

La' wujil tsa' tsictiyi Cristo cha'añ mi' ch'ʌm majlel lac mul, pero Cristo ma'añic i mul.

1 Juan 4:10

Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 12:11

Jiñi hermañujob tsi' mʌlbeyob xi'ba cha'añ ti' ch'ich'el jiñi Tʌñʌme' yic'ot i t'añ tsa' bʌ i su'beyob. Ma'añic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 14:1

Ti wi'il tsa' j q'uele ya'añ jiñi Tʌñʌme' ti' pam wits i c'aba' Sión yic'ot waxʌclujumpic (144,000) wiñicob x'ixicob, ts'ijbubilob ti' pam i c'aba' jiñi Tʌñʌme' yic'ot i c'aba' i Tat.

Apocalipsis 14:10

mi caj i yʌq'uentel i jap vino i yejtal bʌ i mich'ajel Dios, mach xʌbʌlic yic'ot ja' i mich'ajel mu' bʌ caj i choc tilel; mi caj i tic'lan ti c'ajc yic'ot azufre ti' tojel jiñi ch'ujul bʌ ángelob, yic'ot ti' tojel jiñi Tʌñʌme'.

Apocalipsis 14:4

Jiñobʌch sʌco' bʌ mach bʌ añic tsi' cha'leyob ts'i'lel. Mi' tsajcañob jiñi Tʌñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jiñi ñaxan bʌ pac' ti' tojlel Dios yic'ot jiñi Tʌñʌme'.

Apocalipsis 15:3

Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtelel i cha'año' bʌ Dios.

Apocalipsis 17:14

Mi caj i contrajiñob jiñi Tʌñʌme' ti guerra. Jiñi Tʌñʌme' mi caj i mʌl come i Yumʌch yumʌlob, i Reyʌch reyob. Pejtelel mu' bʌ i yajñelob yic'ot jiñi Tʌñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al”, che'en.

Apocalipsis 19:7

La' ñuc-ac lac pusic'al. La' la cu'bin i tijicñʌyel lac pusic'al. La' lac su'b i ñuclel lac Yum, come i yorajlelix mi' cha'len ñujpuñijel jiñi Tʌñʌme'. Tsa'ix i chajpa i bʌ jiñi xch'oc c'ajtibil bʌ i cha'añ.

Apocalipsis 19:9

Jiñi ángel tsi' su'beyon: Ts'ijban ti juñ: “Tijicñayob jiñi mu' bʌ i pʌjyelob ti c'ux waj che' mi' cha'len ñujpuñijel jiñi Tʌñʌme'”. Jiñi ángel tsi' su'beyon: Iliyi jiñʌch isujm bʌ i t'añ Dios, che'en.

Apocalipsis 21:14

Añ lajchʌmp'ejl i c'ʌclib jiñi ts'ajc ya' ti' joytʌlel tejclum, ya' ts'ijbubil i c'aba'ob jiñi lajchʌntiquil apóstolob i cha'añ jiñi Tʌñʌme'.

Apocalipsis 21:27

Ma'añic mi caj i wis ochel chuqui tac bi'bi' mi jiñi mu' bʌ i cha'len jontolil yic'ot lot, cojach mi caj i yochelob jiñi ts'ijbubilo' bʌ i c'aba' ti' juñilel Tʌñʌme' ba' ts'ijbubil i c'aba' jiñi año' bʌ i cuxtʌlel.

Apocalipsis 21:9

Che' jiñi tsa' tili juntiquil ángel ba'añon, i pi'ʌl jiñi wʌctiquil ángelob, año' bʌ i cha'añ jiñi wucp'ejl taza but'ul bʌ ti jiñi wucyajl cojix bʌ wocol tac, tsi' su'beyon: “La' ilayi, mi caj c pʌsbeñet jiñi xch'oc mu' bʌ cajel ti ñujpuñijel, jiñʌch i yijñam jiñi Tʌñʌme'”, che'en.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 5:8

Che' bʌ tsi' ch'ʌmʌ jiñi juñ, jiñi chʌntiquil querubiñob yic'ot chʌntiquil i cha'c'al ancianojob tsi' pʌc chocoyob i bʌ ti' tojel jiñi Tʌñʌme'. Ti jujuntiquil añ i cha'añ arpa yic'ot taza melbil bʌ ti oro but'ul bʌ ti pom, jiñʌch i yejtal i yoración i cha'año' bʌ Dios.

Apocalipsis 6:1

Che' jiñi tsa' j q'uele tsi' jamʌ jump'ejl sello jiñi Tʌñʌme', tsa' cu'bibe i t'añ juntiquil querubín i pi'ʌl jiñi uxtiquil, wen c'am tsi' cha'le t'añ che' bajche' i t'añ chajc, tsi' yʌlʌ: ¡La' q'uele! Che'en.

Apocalipsis 6:16

Tsi' pejcayob wits tac yic'ot xajlel tac: Yajlem ti joñon lojon, mʌctʌbeñon lojon i wut jiñi buchul bʌ ti' yumʌntel, mʌctʌbeñon lojon i mich'ajel jiñi Tʌñʌme'.

Apocalipsis 7:14

Tsa' c su'be: “C Yum, awujil jatet”. Tsi' su'beyon: “Jiñobʌch tsa' bʌ loq'uiyob ti ñuc bʌ wocol. Tsa'ix i wuts'uyob i pislel, tsi' sʌc-esayob ti' ch'ich'el jiñi Tʌñʌme'.

Apocalipsis 7:17

come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.