Juan 1:12 - Jiñi Tsiji' bʌ Wen T'añ cha'añ Estudio

¹² Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Chol de Tumbalá Bible

¹² Pejtelel tsa' bʌ i ñopoyob tsa' aq'uentiyob i p'ʌtʌlel ti Cristo ti jujuntiquil cha'an mi' yochelob ti' yalobilob Dios. Jiñobʌch tsa' bʌ i ñopbeyob i c'aba' Cristo.

Jiñi Tsiji' bʌ Wen T'añ cha'añ Estudio

¹² Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Chol Tila

¹² Pero an yom bʌ i q'uelob. Ti' ch'ujbiyob cha'an jiñʌch i Yalobil Dios. Ti pejtyelel mu' bʌ i ch'ujbin ti aq'uentiyob ti jujuntiquil i yajñel ti' yalobilob Dios.

Chol: I T’an Dios

¹² Pejtelel tsa' bʌ i ñopoyob tsa' aq'uentiyob i p'ʌtʌlel ti Cristo ti jujuntiquil cha'an mi' yochelob ti' yalobilob Dios. Jiñobʌch tsa' bʌ i ñopbeyob i c'aba' Cristo.

Juan 1:12 Iomraidhean Croise

Mateo 10:40

—Jiñi mu' bʌ i pʌyetla ochel ti' yotot mi' pʌyon ochel ja'el. Jiñi mu' bʌ i pʌyon ochel mi' pʌy ochel jiñi tsa' bʌ i chocoyon tilel.

Mateo 12:21

Ti' c'aba' lac Yum, jiñi gentilob mi caj i chʌn cha'leñob pijt”, che'en.

Mateo 18:5

Majqui jach mi' ch'ʌm ti' wenta juntiquil alob tij c'aba', joñon woli i ch'ʌmon ti' wenta.

Juan 1:11

Tsa' tili ti' tojlel i pi'ʌlob pero i pi'ʌlob ma'añic tsi' ch'ʌmʌyob ti' wenta.

Juan 1:7

Tsa' tili cha'añ mi' su'b chuqui isujm, cha'añ mi' yʌc' ti cʌjñel i sʌclel pañimil, cha'añ mi' mejlel i ñopob pejtelel wiñicob x'ixicob i sʌclel pañimil.

Juan 11:52

Mach cha'añic jach jiñi año' bʌ ti' lumal, cha'añʌch ja'el mi' tempañob ti junmojt i yalobilob Dios tsa' bʌ pam pujquiyob.

Juan 2:23

Che' ya'añ Jesús ti Jerusalén ti' q'uiñilel Pascua, ca'bʌl wiñicob x'ixicob tsi' ñopbeyob i c'aba' che' bʌ tsi' q'ueleyob i yejtal i p'ʌtʌlel tsa' bʌ i pʌsʌ.

Juan 20:31

Pero iliyi tsa' ts'ijbunti cha'añ mi la' ñop Cristojʌch jiñi Jesús, i Yalobilʌch Dios, cha'añ che' mi la' ñop, mi la' wʌq'uentel la' cuxtʌlel ti' c'aba'.

Juan 3:18

Jiñi mu' bʌ i ñop ma'añic mi' yochel ti tojmulil pero jiñi mach bʌ añic mi' ñop, ochemix ti tojmulil, come ma'añic tsi' ñopbe i c'aba' jiñi cojach bʌ i Yalobil Dios.

Hechos 3:16

Cha'añ ti' c'aba' Jesús mu' bʌ c ñop lojon tsi' taja i p'ʌtʌlel jiñi wiñic mu' bʌ la' q'uel, mu' bʌ la' cʌn; cha'añ ti' caj Jesús mu' bʌ lac ñop tsa' c'oq'uesʌnti jiñi wiñic ti la' tojlel.

Romanos 8:14

Pejtelel mu' bʌ i toj-esʌntelob majlel cha'añ i yEspíritu Dios, jiñobʌch i yalobilob Dios.

Romanos 8:16

Jiñi Espíritu mi' su'beñonla ti lac pusic'al cha'añ i yalobilonla Dios.

Romanos 8:19

Come pejtelel melbil tac bʌ ti pañimil woli ti pijt jinto mi' pʌstʌlob i yalobilob Dios.

Gálatas 3:26

I yalobiletla Dios ti la' pejtelel cha'añ tsa' la' ñopo Cristo Jesús.

Gálatas 4:6

I yalobiletla, Dios tsi' choco tilel ti lac pusic'al i yEspíritu i Yalobil mu' bʌ i yʌl: ¡Abba, c Tat! Che'en.

Colosenses 2:6

Jiñi cha'añ, che' bajche' tsa' la' ñopo lac Yum Jesucristo, che'ʌch yom mi la' chʌn ajñel ti' tojlel,

2 Pedro 1:4

Jiñi cha'añ tsi' yʌq'ueyonla jiñi albil bʌ t'añ, wen ñuc bʌ, c'ax uts'at bʌ. Che' mi la' ñopben i t'añ mi' yʌq'uetla ti colel ba' chuculetla ti' colosojlel la' pusic'al ti' wenta pañimil cha'añ mi la' taj la' cuxtʌlel ch'oyol bʌ ti Dios.

1 Juan 3:1

Ca'bʌl tsi' c'uxbiyonla lac Tat, jiñi cha'añ mi lac pejcʌntel ti' yalobil Dios, melel i yalobilonla; jiñi cha'añ ma'añic mi' cʌñonla i cha'año' bʌ pañimil, come mach i cʌñʌyobic Dios.

1 Juan 3:10

Che' jiñi, tsiquil majqui i yalobilob Dios yic'ot majqui i yalobilob xi'ba. Come majqui jach ma'añic mi' mel chuqui toj yic'ot ma'añic mi' c'uxbin i yermañu mach i cha'añic Dios.

1 Juan 3:2

C'uxbibilo' bʌ, i yalobiloñixla Dios, maxto tsictiyemic bajche' mi caj la cujtel; pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' yilal.

1 Juan 3:23

Jiñʌch i mandar: Yom mi lac ñopben i c'aba' Jesucristo i Yalobil Dios yic'ot yom mi laj c'uxbin lac bʌ ti lac pejtelel, che' bajche' tsi' yʌq'ueyonla mandar.