Juan 1:1 - Jiñi Tsiji' bʌ Wen T'añ cha'añ Estudio

¹ Ti' cajibal pañimil añʌch jiñi T'añ, jiñi T'añ añʌch yic'ot Dios, jiñi t'añ Diosʌch.

Chol de Tumbalá Bible

¹ Ti' cajibal pañimil an jini T'an. Añʌch jini T'an yic'ot Dios. Jini T'an Diosʌch.

Jiñi Tsiji' bʌ Wen T'añ cha'añ Estudio

¹ Ti' cajibal pañimil añʌch jiñi T'añ, jiñi T'añ añʌch yic'ot Dios, jiñi t'añ Diosʌch.

Chol Tila

¹ C'ʌlʌ ti tyejchibal an juntiquil mu' bʌ i tsictisan bajche' an Dios. An yic'ot Dios. Diosʌch.

Chol: I T’an Dios

¹ Ti' cajibal pañimil an jini T'an. Añʌch jini T'an yic'ot Dios. Jini T'an Diosʌch.

Juan 1:1 Iomraidhean Croise

Mateo 1:23

“Juntiquil tsiji' bʌ xch'oc mi caj i cʌntan alʌl, mi caj i yʌc' ti pañimil ch'itoñ bʌ i yalobil. Mi caj i yotsʌbentel i c'aba' Emanuel”. (Añ isujmlel Emanuel ti lac t'añ: “Jiñʌch Dios la quic'ot”).

Lucas 24:53

Tsa' chʌn majliyob ti Templo, tsi' su'buyob i ñuclel Dios, tsi' yʌlʌyob, uts'at Dios. [Amén.]

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 1:2

Añʌch yic'ot Dios ti' cajibal pañimil.

Juan 16:28

Tsa' loq'uiyon tilel ba'añ c Tat, tsa' tiliyon ti pañimil; wʌle mic cha' cʌy pañimil, come mi caj c cha' majlel ba'añ c Tat, che'en.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 20:28

Jiñi cha'añ, Tomás tsi' jac'be: —¡C Yum! ¡c Dios! —Che'en.

Juan 8:58

Jesús tsi' su'beyob: —Isujm, isujm mic su'beñetla, che' maxto añic Abraham añoñix, —che'en.

Romanos 9:5

Abraham, Isaac yic'ot Jacob jiñobʌch i ñojte'elob, come ya'i tsa' tili Cristo ti' tojlelob. Cristo jiñʌch lac Dios am bʌ ti' wenta pejtelel chuqui tac añ, la' sujbic i ñuclel ti pejtelel ora. Amén.

Efesios 3:9

jiñi cha'añ mic tsictesʌbeñob pejtelel wiñicob x'ixicob jiñi ñuc bʌ i ye'tel Cristo, jiñʌch jiñi mach bʌ tsictiyemic c'ʌlʌl ti' cajibal pañimil, ba ora Dios tsi' mele pejtelel chuqui tac añ;

Filipenses 2:6

Anquese junlajal Jesús yic'ot Dios, pero ma'añic tsi' wersa ña'ta i yajñel che' bajche' Dios,

Colosenses 1:15

Cristo i yejtalʌch Dios mach bʌ mejlic laj q'uel, jiñʌch jiñi am bʌ ti ñaxan ti pejtelel i melbal Dios.

Colosenses 1:17

Añʌch Jesús che' maxto añic chuqui añ, ti' p'ʌtʌlel Jesús xuc'ul mi' yajñel ti pejtelel;

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

Tito 2:13

che'ʌch yom mi la cajñel che' woli to lac pijtan jiñi c'ax uts'at bʌ mu' bʌ caj laj q'uel che' mi' pʌs i ñuclel jiñi ñuc bʌ Dios yic'ot Jesucristo xColtaya lac cha'añ.

Hebreos 13:8

Jesucristo ma'añic mi' q'uextʌyel, junlajalʌch ac'bi yic'ot wʌle yic'ot ti pejtelel ora.

Hebreos 7:3

Ma'añic majqui yujil majqui i tat i ña', ma'añic tsa' tajle i c'aba' i ñojte'elob; ma'añic majqui yujil baqui ora tsi' yila pañimil, mi jiñic jax baqui ora tsa' chʌmi; jiñi cha'añ lajalʌch bajche' i Yalobil Dios, motomaj bʌ ti pejtelel ora.

2 Pedro 1:1

Simón Pedrojon, i wiñicon Jesucristo, apóstolon i cha'añ. Mic ts'ijbubeñetla ili juñ come junlajal tsa' aq'uentiyetla la' ñop Cristo quic'ot lojon. Come toj la caj Coltaya Dios, i c'aba' Jesucristo. Yom mi lac wen c'uxbin jiñi wen t'añ woli bʌ lac ñop.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

1 Juan 5:7

Añ uxtiquilob año' bʌ ti panchan mu' bʌ i su'beñob isujmlel: Lac Tat, Yalobil yic'ot jiñi Ch'ujul bʌ i Ch'ujlel, ili uxtiquilob juntiquilob jach.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:17

Che' bʌ tsa' j q'uele, tsa' yajliyon ti yoc che' bajche' chʌmeñ bʌ, tsi' yʌc'ʌ ñoj bʌ i c'ʌb tic jol, tsi' su'beyon: Mach a cha'len bʌq'uen, añon ti ñaxan, añon ti' yujtibal.

Apocalipsis 1:2

Juan tsi' su'bu isujmlel i t'añ Dios yic'ot isujmlel Jesucristo yic'ot pejtelel chuqui tac tsi' q'uele.

Apocalipsis 1:8

Joñon tsa' c teche pejtelel chuqui tac añ, mi cʌq'uen i jilibal, añon ti' tejchibal, añon ti' jilibal, che'en lac Yum. Joñoñʌch jiñi am bʌ wʌle, jiñi am bʌ ti wajali, jiñi tal to bʌ, jiñi Mach bʌ Añic i P'isol i P'ʌtʌlel.

Apocalipsis 19:13

Lʌpbil i cha'añ i pislel ts'ajbil bʌ ti ch'ich'. I c'aba' jiñi c'ʌchʌl bʌ jiñʌch: I t'añ Dios.

Apocalipsis 2:8

Ts'ijbuben juñ jiñi xcʌntaya i cha'añ xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal, tsa' chʌmiyon, tsa' cha' cuxtʌyiyon, woliyon ti t'añ.

Apocalipsis 21:6

Tsi' su'beyon: “Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac añ, mi cʌq'uen i jilibal. Añon ti' tejchibal, añon ti' jilibal. Jiñi am bʌ i tiquinti', ti' majtañ jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:13

Joñon tsa' cʌq'ue i tejchibal pejtelel chuqui tac añ, mi cʌq'uen i jilibal, añon ti ñaxan, añon ti' yujtibal, añon ti' tejchibal, añon ti' jilibal, che'en.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ: