Gálatas 2:4 - Jiñi Tsiji' bʌ Wen T'añ cha'añ Estudio

⁴ anquese ya'añob payxo hermañujob ti mucul tsa' ochiyob i yojch'oñon lojon cha'añ libre añonla ti Cristo Jesús, mi yʌlob wersa mi lac chʌn jac' jiñi mandar cha'añ mi laj coltʌntel.

Chol de Tumbalá Bible

⁴ anquese ya' añob payxo hermanojob ti mucul tsa' bʌ ochiyob i yojch'oñon lojon cha'an libre añonla ti Cristo Jesús. Mi' yʌlob wersa mi lac chʌn jac' jini mandar cha'an mi laj coltʌntel.

Jiñi Tsiji' bʌ Wen T'añ cha'añ Estudio

⁴ anquese ya'añob payxo hermañujob ti mucul tsa' ochiyob i yojch'oñon lojon cha'añ libre añonla ti Cristo Jesús, mi yʌlob wersa mi lac chʌn jac' jiñi mandar cha'añ mi laj coltʌntel.

Chol Tila

⁴ Melelʌch, an jini tsa' bʌ i lolon subu i bʌ ti ochemo' bʌ ti' t'an Dios tsa' bʌ mucul otsʌyob i bʌ lojon quic'ot. Ti' xiq'uiyob Tito cha'an mi tsepbentyel i pʌchʌlel. Ti ochiyob cha'an yom jach i q'uelob bajche' añonla che' añonla ti Cristo Jesús. Yom i cha' chuconla yubil cha'an mi lac jac'ben jini oniyix bʌ mandar.

Chol: I T’an Dios

⁴ anquese ya' añob payxo hermanojob ti mucul tsa' bʌ ochiyob i yojch'oñon lojon cha'an libre añonla ti Cristo Jesús. Mi' yʌlob wersa mi lac chʌn jac' jini mandar cha'an mi laj coltʌntel.

Gálatas 2:4 Iomraidhean Croise

Lucas 5:38

Pero mi' yotsañob tsiji' bʌ vino ti tsiji' bʌ i yajñib. Che' jiñi mi' jalijel jiñi pʌchi yic'ot jiñi vino ja'el.

Hechos 15:1

Jiñi cha'añ lamital wiñicob ch'oyolo' bʌ ti Judea tsa' caji i cʌntesañob jiñi hermañujob: “Mi ma'añic mi la' ch'ʌm tsep pʌchʌlel che' bajche' tsi' yʌlʌ Moisés, mach mejlic la' taj la' coltʌntel”.

Hechos 15:24

Tsa'ix cu'bi lojon añ wiñicob tsa' bʌ loq'uiyob tic tojlel lojon tsa' bʌ i tic'layetla ti' t'añ, tsi' socbeyetla la' pusic'al, [come tsi' yʌlʌyob wersa mi la' ch'ʌm tsep pʌchʌlel, wersa mi la' jac' jiñi mandar,]

Hechos 20:30

Mi caj i wa'tʌlob wiñicob ti la' tojlel mu' bʌ i yʌlob sojquem bʌ t'añ cha'añ mi' pʌyob xñopt'añob cha'añ mi' tsajcañob.

Romanos 8:15

Ma'añic tsa' aq'uentiyetla espíritu mu' bʌ i yotsañetla ti mozo cha'añ mi la' cha' ajñel ti' bʌq'uen; Dios tsi' yʌq'ueyetla i yEspíritu, cha'añ mi la' wochel ti yalobil, jiñi cha'añ mi la cʌl: ¡Abba, c Tat!

2 Corintios 11:13

come xlot bʌ apóstolob, x'e'telob mu' jach bʌ i cha'leñob lotiya, mi' lon su'bob i bʌ ti apóstolob i cha'añ Cristo.

2 Corintios 11:17

Mach tilemic ti lac Yum chuqui woli c su'b, pero woli c su'b che' bajche' juntiquil tonto bʌ mu' bʌ i su'b i bajñel ñuclel.

2 Corintios 11:20

mi la' cuchben che' añ majqui mi' yotsañetla ti majtañ e'tel, che' añ majqui mi' jisʌbeñetla, che' añ mu' bʌ i ch'ʌm la' chu'bʌañ, che' añ majqui mi' chañ-esan i bʌ, che' añ majqui mi' jats'etla ti la' choj.

2 Corintios 11:26

Ca'bʌl tsa' c cha'le ñajt bʌ xʌmbal. Tsa' cu'bi bʌbʌq'uen tac bʌ ti ja' yic'ot ti' tojlel xujch' yic'ot ti' tojlel c pi'ʌlob yic'ot ti' tojlel jiñi gentilob yic'ot ti tejclum yic'ot ti jochol bʌ lum, yic'ot ti mar, yic'ot ti' tojlel jiñi mu' bʌ i to'ol cuyob i bʌ ti la quermañujob,

2 Corintios 3:17

Come lac Yum jiñʌch jiñi Espíritu. Jiñi am bʌ i cha'añ i yEspíritu lac Yum librejix añ, mach chʌn cʌchʌlix ti mandar.

Gálatas 1:7

Ma'añic yam bʌ wen t'añ, pero añ wiñicob woli bʌ i su'bob yam bʌ t'añ cha'añ mi' socbeñob isujmlel i wen t'añ Cristo.

Gálatas 4:25

jiñi Agar i yejtalʌch wits ya' ti Arabia i c'aba' Sinaí yic'ot jiñi tejclum Jerusalén ba chuculob ti to'ol e'tel jiñi ya' bʌ chumulob jiñi mu' bʌ i ñopob i taj i coltʌntel ti' jac'ol mandar.

Gálatas 4:3

Che' ja'el joñonla che' alobon to la, i mozojonla yilal jiñi pañimil, tsa' lac jac'be i cʌntesʌbal lac ñojte'el che' bajche' i tilel mi' ñojpel ti pañimil.

Gálatas 5:1

Librejoñixla, come Cristo tsi' yʌc'ʌyonla ti colel ya' ba' chuculonla, jiñi cha'añ yom libre mi la' chʌn ajñel, mach yomic mi la' cha' ac' la' bʌ ti chujquel ti to'ol e'tel.

Gálatas 5:10

Cʌyʌlon ti lac Yum, woli j c'ajtiben cha'añ mi' cʌntañetla cha'añ ma'añic mi la' jac' yam bʌ t'añ; Dios mi caj i yʌq'ueñ i toj i mul majqui jach mi' tic'lañetla.

2 Timoteo 3:6

Come ti mayajax yic'ot leco bʌ i cʌntesa mi' socbeñob i pusic'al tonto bʌ x'ixicob teñelo' bʌ ti mulil, woli jach i jac'beñob i colosojlel i pusic'al.

Santiago 1:25

Mach che'ic jiñi mu' bʌ i wen q'uel jiñi wen bʌ mandar, come jiñi mandar mi' yʌc' ti colel jiñi ñup'ulo' bʌ; majqui jach mi' wen q'uel, ma'añic mi' ñajʌyel ti' pusic'al chuqui tsi' yu'bi, pero mi' jac' che' bajche' yom. Jiñi wiñic mi' taj i wenlel ti Dios ti pejtelel chuqui mi' mel.

1 Pedro 2:16

Libre añetla cha'añ mi la' mel chuqui uts'at, mach cha'añic mi la' cha'len mulil, come x'e'teletla i cha'añ Dios.

2 Pedro 2:19

Mi' su'beñob i mul mu' bʌ caj i jisañob, pero ñumen chucbilob ti majtañ e'tel cha'añ tsucul bʌ i melbal. Come majqui jach mi' cha'len mulil chucbilʌch ti' p'ʌtʌlel mulil ti' wenta xi'ba.

1 Juan 4:1

C'uxbibilet bʌ la, mach yomic mi la' ñop pejtelel espíritujob, ña'tanla mi ch'oyolob ti Dios, come ca'bʌl lot bʌ x'alt'añob tsa'ix i pucuyob i bʌ ti pañimil.

Judas 1:4

Come lamital wiñicob tsa' mucul ochiyob cha'añ mi' xʌbob i bʌ yic'ot hermañujob. Wʌn ña'tʌbil bʌ i cha'añ Dios cha'añ mi caj i yochelob ti tojmulil jiñi wiñicob jontolo' bʌ, mu' bʌ i socob jiñi wen t'añ yic'ot i yutslel i pusic'al Dios cha'añ mi' melob mulil. Ma'añic mi' ñopob Dios jiñi ñuc bʌ yumʌl ti pejtelel pañimil yic'ot ma'añic mi' ñopob lac Yum Jesucristo.