Gálatas 2:2 - Jiñi Tsiji' bʌ Wen T'añ cha'añ Estudio

² Cʌntesʌbilon ti Dios tsa' majliyon cha'añ mic tsictesʌbeñob gentilob jiñi wen t'añ, tic bajñelil lojon yic'ot jiñi hermañujob año' bʌ i ye'tel tsa' c su'beyob pejtelel chuqui tsa' c cha'le yic'ot pejtelel j cʌntesa, cha'añ uts'at mi yujtel que'tel ti' tojlelob che' junlajal lac pusic'al.

Chol de Tumbalá Bible

² Cʌntesʌbilon ti Dios tsa' majliyon cha'an mic tsictesʌbeñob jini wen t'an mu' bʌ c subeñob gentilob*. Tic bajñel lojon yic'ot jini hermanojob año' bʌ i ye'tel tsac subeyob pejtel chuqui tsac cha'le yic'ot pejtel j cʌntesa, cha'an uts'at mi' yujtel que'tel ti' tojlelob che' junlajal lac pusic'al.

Jiñi Tsiji' bʌ Wen T'añ cha'añ Estudio

² Cʌntesʌbilon ti Dios tsa' majliyon cha'añ mic tsictesʌbeñob gentilob jiñi wen t'añ, tic bajñelil lojon yic'ot jiñi hermañujob año' bʌ i ye'tel tsa' c su'beyob pejtel chuqui tsa' c cha'le yic'ot pejtel j cʌntesa, cha'añ uts'at mi yujtel que'tel ti' tojlelob che' junlajal lac pusic'al.

Chol Tila

² Cha' tsajniyon ya' ba'an lojon c pi'ʌlob israelob. Como Dios ti' xiq'uiyon majlel cha'an wersa yom mic majlel. Ya' ti Jerusalén ti lojon c much'qui lojon c bʌ quic'ot jini año' bʌ ye'tyel cha'an hermañujob. Tic subeyob ti i bajñelob jini t'an cha'an laj cotyʌntyel mu' bʌ c subeñetla mach bʌ israelet bʌ la cha'an mi' ña'tyañob cha'an weñʌch tic subeyetla i t'an Dios cha'an mach lolomic jach tic cha'le toñel o cha'an mach lolomic jach mic bej cha'len troñel.

Chol: I T’an Dios

² Cʌntesʌbilon ti Dios tsa' majliyon cha'an mic tsictesʌbeñob jini wen t'an mu' bʌ c subeñob gentilob. Tic bajñel lojon yic'ot jini hermanojob año' bʌ i ye'tel tsac subeyob pejtel chuqui tsac cha'le yic'ot pejtel j cʌntesa, cha'an uts'at mi' yujtel que'tel ti' tojlelob che' junlajal lac pusic'al.

Gálatas 2:2 Iomraidhean Croise

Mateo 10:16

—Awilan, woli c choquetla majlel che' bajche' tʌñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

Hechos 15:12

Ti pejtelel jiñi tempʌbilo' bʌ tsa' ñʌjch'iyob. Tsi' yu'bibeyob i t'añ Bernabé yic'ot Pablo che' bʌ tsi' su'buyob chuqui tac ñuc tsi' mele Dios ti' tojlelob yic'ot i yejtal tac i p'ʌtʌlel yic'ot bʌbʌq'uen tac bʌ ti' tojlel gentilob.

Hechos 15:2

Pablo yic'ot Bernabé tsa' caji i cʌlʌx pejcañob i bʌ yic'ot judíojob, tsi' contrajiyob i bʌ ti t'añ. Jiñi cha'añ jiñi hermañujob tsi' wa'chocoyob Pablo yic'ot Bernabé yic'ot cha'tiquil uxtiquil hermañujob cha'añ mi' majlelob ti Jerusalén cha'añ mi' c'ajtiñob isujmlel jiñi tsep pʌchʌlel ti' tojlel apóstolob yic'ot ancianojob.

Hechos 15:4

Che' bʌ tsa' c'otiyob ti Jerusalén, uts'at tsi' ch'ʌmʌyob ti' wenta jiñi apóstolob yic'ot ancianojob yic'ot jiñi xñopt'añob, tsi' su'buyob pejtelel chuqui tac tsi' mele Dios yic'otob.

Hechos 18:9

Jiñi cha'añ lac Yum tsi' su'be Pablo ti' ñajal che' ti ac'ʌlel: “Mach a cha'len bʌq'uen, chʌn cha'len t'añ, mach yomic ma' ñʌjch'el,

Hechos 23:11

Che' bʌ tsa' ic'a tsa' wa'le lac Yum ti' t'ejl Pablo, tsi' su'be: Xuc'chocon a pusic'al Pablo, che' bajche' tsa' wʌc'ʌyon ti cʌjñel ti Jerusalén, che' ja'el mi caj a wʌc'on ti cʌjñel ti Roma, che'en.

Hechos 5:34

Pero juntiquil fariseo am bʌ i ye'tel, i c'aba' Gamaliel, jiñʌch xcʌntesa mandar, wen q'uelbil ti ñuc ti' tojlel wiñicob, tsa' wa'le tsi' yʌc'ʌ mandar cha'añ mi' poj loq'uelob jiñi apóstolob.

Romanos 9:16

Tsiquil che' jiñi mach cha'añic che' yom i pusic'al wiñic, mi cha'añic woli' wersa sajcan i p'untʌntel, mi' p'untʌntel cha'añ che'ʌch yom Dios,

1 Corintios 1:23

Pero joñonla mi lac su'b Cristo tsa' bʌ ch'ijle ti cruz, jiñi t'añ mi' yʌc' ti yajlel judíojob, tonto jax jiñi t'añ mi' yʌlob gentilob.

1 Corintios 2:2

come tsa' cʌlʌ tic pusic'al ma'añic chuqui mi caj c ña'tan ti la' tojlel, cojach Jesucristo tsa' bʌ ch'ijle ti cruz.

1 Corintios 9:24

¿Mach ba la' wujilic jiñi mu' bʌ i cha'leñob ajñel ti' tojlel xq'uelojelob mi' cha'leñob ajñel ti pejtelelob, pero cojach juntiquil mi' taj i majtañ? Cha'lenla ajñel jatetla che' bajche' jiñi mu' bʌ i taj i majtañ.

1 Corintios 9:26

Jiñi cha'añ mic cha'len ajñel che' bajche' juntiquil yujil bʌ baqui mi' majlel, ma'añic mic cha'len cujoñel che' bajche' wiñic tuch'law bexlaw bʌ i c'ʌb.

2 Corintios 12:1

Isujm mach uts'atic che' mic su'b c bʌ ti ñuc, pero mi caj c su'b chuqui tac tsa' j q'uele ti espíritu yic'ot chuqui tsa' pʌsbentiyon ti lac Yum.

Gálatas 1:12

Ma'añic tsa' aq'uentiyon yic'ot ma'añic tsa' j ñopo ti' tojlel wiñicob, pero Jesucristo tsi' pʌsbeyon isujmlel i wen t'añ.

Gálatas 1:16

Che'ʌch yom i pusic'al tsi' pʌsbeyon i Yalobil, cha'añ mic su'b ti' tojlel gentilob jiñi maxto bʌ i cʌñʌyobic Dios, ma'añic majqui tsa' c'ajtibe isujmlel jiñi wen t'añ.

Gálatas 1:6

Woli' toj sajtel c pusic'al come maxto añic ora tsa' la' ñopo, pero wʌle wolix la' cha' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'añ mi la' ñop yam bʌ t'añ.

Gálatas 2:6

Ixcu jiñi wen cʌmbilo' bʌ año' bʌ i ye'tel ti' tojlel xñopt'añob, ma'añic chuqui tsijib tsi' cʌntesayob che' bajche' jiñi tsa' bʌ c su'bu lojon; ma'añic tic wenta cha'añ mic ña'tan mi añob i ye'tel o mi ma'añic, come junlajalonla ti' wut Dios.

Gálatas 2:9

Jacobo, Pedro yic'ot Juan, jiñi mu' bʌ i q'uejlelob che' bajche' i yoyel otot, tsi' ña'tayob aq'uebilon i yutslel i pusic'al Dios, che' jiñi tsi' yʌq'ueyon lojon cortesía quic'ot Bernabé ti ñoj bʌ i c'ʌb i yejtal cha'añ lac pi'ʌlʌch lac bʌ, che' jiñi tsa' majliyon lojon ba'añ gentilob, jiñi uxtiquilob tsa' majliyob ba'añ judíojob.

Gálatas 5:7

Ti yam bʌ ora tsa' la' jac'ʌ ti uts'at jiñi wen t'añ. ¿Majqui tsi' mʌctayetla cha'añ mi la' cʌy la' jac'ben isujmlel?

Filipenses 2:16

che' woli la' wʌc' ti cʌjñel jiñi cuxul bʌ T'añ, che' jiñi, tijicña mi caj cu'bin ti' q'uiñilel Cristo come mach lolomic jach que'tel.

Filipenses 2:29

Pʌyʌla ochel ti lac Yum ti' tijicñʌyel la' pusic'al, q'uelela ti ñuc pejtelel mu' bʌ i melob che' bajche' Epafrodito,

1 Tesalonicenses 3:5

Jiñi cha'añ ma'añic tsa' mejli c chʌn pijtan la' t'añ, tsa' c choco majlel juntiquil cha'añ mi cu'bin mi xuc'ul woli la' ñop, ame tsa'ic i xiq'uiyetla ti mulil jiñi xi'ba, ame lolomic jach que'tel lojon ti la' tojlel.

2 Timoteo 4:7

Tsa' c cha'le wen bʌ guerra, wʌle, c'otemoñix ba' jaxʌl c bijlel, tsa' c wen cʌnta jiñi mu' bʌ lac ñop.

Hebreos 12:1

Joyolonla ti ca'bʌl testigojob che' bajche' colem tocal, jiñi cha'añ la' lac junyajlel cʌy pejtelel jiñi mu' bʌ i mʌctañonla yic'ot pejtelel mulil mu' bʌ i yʌc'onla ti cʌytʌl, la' lac chʌn cha'len wersa che' bajche' jiñi wen yujil bʌ ajñel cha'añ mi lac taj jiñi woli bʌ lac pijtan.