Gálatas 1:7 - Jiñi Tsiji' bʌ Wen T'añ cha'añ Estudio

⁷ Ma'añic yam bʌ wen t'añ, pero añ wiñicob woli bʌ i su'bob yam bʌ t'añ cha'añ mi' socbeñob isujmlel i wen t'añ Cristo.

Chol de Tumbalá Bible

⁷ Ma'anic yambʌ wen t'an. An winicob woli bʌ i tic'lañetla cha'an yomob i socben i wen t'an Cristo.

Jiñi Tsiji' bʌ Wen T'añ cha'añ Estudio

⁷ Ma'añic yam bʌ wen t'añ, pero añ wiñicob woli bʌ i su'bob yam bʌ t'añ cha'añ mi' socbeñob isujmlel i wen t'añ Cristo.

Chol Tila

⁷ Ma'ix yambʌ wen bʌ t'an cha'an laj cotyʌntyel. Pero an jini chʌncol bʌ i sʌtbeñetla la' pensal. Yom i q'uexob jini wen bʌ t'an cha'an laj cotyʌntyel.

Chol: I T’an Dios

⁷ Ma'anic yambʌ wen t'an. An winicob woli bʌ i tic'lañetla cha'an yomob i socben i wen t'an Cristo.

Gálatas 1:7 Iomraidhean Croise

Mateo 24:24

Come mi caj i tejchel xlot bʌ Cristo, yic'ot xlot bʌ x'alt'añob, mi caj i pʌsob ñuc tac bʌ i yejtal i p'ʌtʌlel, yic'ot bʌbʌq'uen tac bʌ, cha'añ mi' lotiñob jiñi yajcʌbilo' bʌ, mi tsa' mejli.

Hechos 13:10

tsi' su'be: —¡I yalobilet xi'ba, but'ulet ti ca'bʌl lot yic'ot ca'bʌl jontolil, i contrajet pejtelel chuqui tac toj! ¿Chucoch ma'añic ma' cʌy a xoyben jiñi toj bʌ i bijlel lac Yum?

Hechos 15:24

Tsa'ix cu'bi lojon añ wiñicob tsa' bʌ loq'uiyob tic tojlel lojon tsa' bʌ i tic'layetla ti' t'añ, tsi' socbeyetla la' pusic'al, [come tsi' yʌlʌyob wersa mi la' ch'ʌm tsep pʌchʌlel, wersa mi la' jac' jiñi mandar,]

Hechos 20:30

Mi caj i wa'tʌlob wiñicob ti la' tojlel mu' bʌ i yʌlob sojquem bʌ t'añ cha'añ mi' pʌyob xñopt'añob cha'añ mi' tsajcañob.

2 Corintios 11:13

come xlot bʌ apóstolob, x'e'telob mu' jach bʌ i cha'leñob lotiya, mi' lon su'bob i bʌ ti apóstolob i cha'añ Cristo.

2 Corintios 2:17

Come mach lajaloñic lojon bajche' ca'bʌlob mu' bʌ i c'ʌñob i t'añ Dios cha'añ yomob ganar che' bajche' xchoñoñelob, come Dios tsi' chocoyon lojon tilel. Jiñi cha'añ mic cha'len lojon subt'añ ti isujm yic'ot i p'ʌtʌlel Cristo ti jump'ejl lojon c pusic'al ti' wut Dios.

2 Corintios 4:2

Ma'añic chuqui mic mel lojon ti mucul mi jiñic quisintic bʌ, ma'añic mic lotin lojon wiñicob, ma'añic mic socben lojon i t'añ Dios. Mic su'b lojon isujmlel jiñi wen t'añ ti' tojlel Dios. Yujilob pejtelel wiñicob x'ixicob tojon lojon.

Gálatas 1:6

Woli' toj sajtel c pusic'al come maxto añic ora tsa' la' ñopo, pero wʌle wolix la' cha' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'añ mi la' ñop yam bʌ t'añ.

Gálatas 2:4

anquese ya'añob payxo hermañujob ti mucul tsa' ochiyob i yojch'oñon lojon cha'añ libre añonla ti Cristo Jesús, mi yʌlob wersa mi lac chʌn jac' jiñi mandar cha'añ mi laj coltʌntel.

Gálatas 4:17

Jiñi yaño' bʌ, bʌx mi' melob i bʌ cha'añ mi la' c'uxbiñob, pero mach cha'añic la' wenlel, yomob jach i tʌts'etla loq'uel tic tojlel lojon cha'añ mi la' c'uxbiñob.

Gálatas 5:10

Cʌyʌlon ti lac Yum, woli j c'ajtiben cha'añ mi' cʌntañetla cha'añ ma'añic mi la' jac' yam bʌ t'añ; Dios mi caj i yʌq'ueñ i toj i mul majqui jach mi' tic'lañetla.

Gálatas 5:12

Uts'at muq'uic i junyajlel tsepob i bʌ cha'añ mi' loq'uelob ti la' tojlel jiñi woli bʌ i tic'lañetla.

Gálatas 6:17

Mach i chʌn tic'lañon majqui jach añ tij contra; come tsiquil i yejtal tac c lojwel cha'añ i wiñicon Jesús.

2 Timoteo 2:18

come tsi' tʌts'ʌyob i bʌ ti jiñi isujm bʌ t'añ, woli' socbeñob i pusic'al xñopt'añob, come mi' lon alob tsa'ix ñumi i yorajlel mi caj lac tejchel ch'ojyel, mi' yʌlob ma'añix lac pijtaya.

1 Juan 2:26

Tsa' c ts'ijbubeyetla ili t'añ cha'añ ma'añic mi la' jac'ben jiñi yomo' bʌ i lotiñetla.

1 Juan 4:1

C'uxbibilet bʌ la, mach yomic mi la' ñop pejtelel espíritujob, ña'tanla mi ch'oyolob ti Dios, come ca'bʌl lot bʌ x'alt'añob tsa'ix i pucuyob i bʌ ti pañimil.

2 Juan 1:10

Mi añ majqui mi' c'otel i su'beñetla yam bʌ cʌntesa, mach mi la' wotsan ti la' wotot, yic'ot mach mi la' wʌq'uen cortesía,

2 Juan 1:7

Come añ ca'bʌl xlotiya ti pañimil mu' bʌ i yʌlob ma'añic tsi' ch'ʌmʌ i bʌc'tal Jesucristo. Majqui mi' su'b bajche' jiñi, xlotiyajʌch, xcontra Cristojʌch.

Judas 1:4

Come lamital wiñicob tsa' mucul ochiyob cha'añ mi' xʌbob i bʌ yic'ot hermañujob. Wʌn ña'tʌbil bʌ i cha'añ Dios cha'añ mi caj i yochelob ti tojmulil jiñi wiñicob jontolo' bʌ, mu' bʌ i socob jiñi wen t'añ yic'ot i yutslel i pusic'al Dios cha'añ mi' melob mulil. Ma'añic mi' ñopob Dios jiñi ñuc bʌ yumʌl ti pejtelel pañimil yic'ot ma'añic mi' ñopob lac Yum Jesucristo.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Apocalipsis 13:14

Tsi' loti pejtelel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jiñi jontol bʌ bʌte'el, tsi' yʌq'ueyob mandar jiñi chumulo' bʌ ti pañimil cha'añ mi' melob i yejtal jiñi jontol bʌ bʌte'el tsa' bʌ lojwi ti espada, tsa' bʌ cha' lajmi i lojwel.

Apocalipsis 19:20

Pero jiñi jontol bʌ bʌte'el tsa' chujqui temel yic'ot jiñi lot bʌ x'alt'añ, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'añ mi' lotin wiñicob tsa' bʌ i ch'ʌmbeyob i marcajlel jiñi bʌte'el, che' bʌ tsi' ch'ujutesʌbeyob i yejtal. Ili cha'tiquil tsa' chojquiyob ochel ti' yajñib colem c'ajc che' cuxulob to ba' woli ti lejmel yic'ot azufre.

Apocalipsis 2:2

Cʌmbil c cha'añ la' melbal yic'ot wocol bʌ la' we'tel yic'ot i p'ʌtʌlel la' pusic'al ti' cuchol wocol, cujil mi la' ts'a'len jontol bʌ wiñicob, tsa'ix la' wen q'uelbe i ye'tel jiñi mu' bʌ i lon cuyob i bʌ ti apóstolob, tsa'ix la' ña'ta xlotiyajobʌch.

Apocalipsis 2:20

Mic su'beñetla ja'el chuqui mach weñic ti la' tojlel, mi la' cuchben i jontolil jiñi x'ixic Jezabel, mu' bʌ i cuy i bʌ ti x'alt'añ, mi' cʌntesan c wiñicob, mi' socbeñob i pusic'al cha'añ mi' cha'leñob ts'i'lel, cha'añ mi' c'uxob we'elʌl aq'uebil bʌ dios tac.

Apocalipsis 2:6

Pero añ chuqui uts'at mi la' mel, mi la' ts'a'liben i melbal nicolaítajob, mic ts'a'len ja'el.

Apocalipsis 20:3

Tsi' choco ochel ti ch'eñ mach bʌ añic i ye'bal, tsi' ñup'u, tsi' yʌq'ue i sellojlel cha'añ ma'añic mi' chʌn lotin tejclumob ti pañimil c'ʌlʌl jinto mi' ts'ʌctiyel lujunc'al i yuxbajc' ja'b. Che' ñumeñix, wersa mi' colel jumuc'.