Gálatas 1:6 - Jiñi Tsiji' bʌ Wen T'añ cha'añ Estudio

⁶ Woli' toj sajtel c pusic'al come maxto añic ora tsa' la' ñopo, pero wʌle wolix la' cha' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'añ mi la' ñop yam bʌ t'añ.

Chol de Tumbalá Bible

⁶ Woli' toj sajtel c pusic'al come maxto anic ora tsa' la' ñopo, pero wʌle wolix la' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'an mi la' ñop yambʌ t'an.

Jiñi Tsiji' bʌ Wen T'añ cha'añ Estudio

⁶ Woli' toj sajtel c pusic'al come maxto añic ora tsa' la' ñopo, pero wʌle wolix la' cha' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'añ mi la' ñop yam bʌ t'añ.

Chol Tila

⁶ Tyoj bʌc'ñʌjelon mi cubin che' ti saj ora jach la' wom la' cha' cʌye' Dios. Jiñʌch Dios tsa' bʌ i pʌyʌyetla la' ch'ujbin cha'an ajcotyayajʌch la' cha'an Cristo, cha'an ti' p'untyʌyonla. Chʌncolix la' lolon q'uel ti ñuc yambʌ t'an cha'an mi la' ña'tyan mi quejel la' tyaj la' cotyʌntyel mi la' lolon al.

Chol: I T’an Dios

⁶ Woli' toj sajtel c pusic'al come maxto anic ora tsa' la' ñopo, pero wʌle wolix la' cʌy Dios tsa' bʌ i pʌyʌyetla ti' yutslel i pusic'al Cristo. Woli la' cha' sutq'uin la' bʌ cha'an mi la' ñop yambʌ t'an.

Gálatas 1:6 Iomraidhean Croise

Marcos 6:6

Ch'ijiyem i pusic'al Jesús come ma'añic tsi' ñopoyob. Tsa' ñumi majlel ti tejclum tac ti cʌntesa.

Juan 9:30

Jiñi wiñic tsi' jac'beyob: —Bajche' isujm che' jiñi, che' mach la' wujilic baqui ch'oyol Jesús, pero joñon tsi' cambeyon c wut.

Hechos 15:11

Pero mi lac ñop mi caj laj coltʌntel cha'añ ti' yutslel i pusic'al lac Yum Jesús, che'ʌch mi caj i coltʌntelob jiñi gentilob ja'el.

Romanos 10:3

Come mach yujilobic bajche' mi lac taj toj bʌ lac pusic'al ti Dios, woli jach i ñopob i bajñel wa'chocoñob i bʌ ti toj, ma'añic mi' ch'ʌmob ti' wenta i tojel i coltʌntel chajpʌbil bʌ i cha'añ Dios,

Romanos 5:2

Cha'añ ti' caj Jesucristo mu' bʌ lac ñop, ochemoñixla ja'el ti' yutslel i pusic'al Dios; jiñi cha'añ xuc'ulonla; tijicñayonla cha'añ mi caj lac taj i ñuclel Dios.

Romanos 8:28

La cujil mi' c'ʌn Dios pejtelel chuqui tac mi yujtel cha'añ i wenlel jiñi mu' bʌ i c'uxbiñob Dios, jiñobʌch jiñi pʌybilo' bʌ i cha'añ che' bajche' tsi' wʌn ña'ta.

Romanos 8:30

Jiñi tsa' bʌ i wʌn yajcayob, tsi' pʌyʌyob ja'el; jiñi tsa' bʌ i pʌyʌyob, Dios tsi' q'ueleyob ti toj ja'el; jiñi tsa' bʌ i q'ueleyob ti toj, tsi' yʌq'ueyob i ñuclel ja'el.

1 Corintios 4:15

Añic la' cha'añ lujump'ejl mil xcʌntesajob ti Cristo, juntiquil jach la' tat, come ti Cristo Jesús joñon tsa' c teche j cʌntesañetla ti jiñi wen t'añ.

2 Corintios 11:4

come mi tsa' tili juntiquil cha'tiquil i su'beñetla yam bʌ Jesús mach bʌ añic tsa' c su'bu lojon, o mi tsa' aq'uentiyetla yam bʌ espíritu mach bʌ jiñic tsa' bʌ aq'uentiyetla, o mi yam bʌ wen t'añ mach bʌ jiñic tsa' la' ñopo, tsiquil woli la' jac'beñob ti ora.

2 Corintios 2:17

Come mach lajaloñic lojon bajche' ca'bʌlob mu' bʌ i c'ʌñob i t'añ Dios cha'añ yomob ganar che' bajche' xchoñoñelob, come Dios tsi' chocoyon lojon tilel. Jiñi cha'añ mic cha'len lojon subt'añ ti isujm yic'ot i p'ʌtʌlel Cristo ti jump'ejl lojon c pusic'al ti' wut Dios.

Gálatas 1:11

Com c su'beñetla hermañujob, jiñi wen t'añ tsa' bʌ c su'bu, mach tilemic ti' ña'tʌbal wiñicob.

Gálatas 1:15

Dios tsi' yajcayon che' maxto añic tsa' quila pañimil, tsi' pʌyʌyon ti' yutslel jach i pusic'al.

Gálatas 1:7

Ma'añic yam bʌ wen t'añ, pero añ wiñicob woli bʌ i su'bob yam bʌ t'añ cha'añ mi' socbeñob isujmlel i wen t'añ Cristo.

Gálatas 2:14

Che' bʌ tsa' j q'uele mach tojic woli' yajñelob ti' isujmlel jiñi wen t'añ, tsʌts tsa' c su'be Pedro ti' wut ca'bʌlob: Jatet judíojet, pero woli' a mel a bʌ che' bajche' gentilob, mi ma'añix woli a wajñel che' bajche' judíojob, ¿chucoch che' jiñi, ma' lon xic'beñob gentilob cha'añ mi' melob i bʌ lajal bajche' judíojob?

Gálatas 2:2

Cʌntesʌbilon ti Dios tsa' majliyon cha'añ mic tsictesʌbeñob gentilob jiñi wen t'añ, tic bajñelil lojon yic'ot jiñi hermañujob año' bʌ i ye'tel tsa' c su'beyob pejtelel chuqui tsa' c cha'le yic'ot pejtelel j cʌntesa, cha'añ uts'at mi yujtel que'tel ti' tojlelob che' junlajal lac pusic'al.

Gálatas 2:5

Ma'añic tsa' c wis jac'ʌ lojon come com lojon mi chʌn ajñel isujmlel jiñi wen t'añ ti la' tojlel.

Gálatas 2:7

Pero tsi' ña'tayob aq'uebilon tic wenta cha'añ mic su'b jiñi wen t'añ ti' tojlel gentilob che' bajche' Pedro aq'uebil ti' wenta cha'añ mi' su'b jiñi wen t'añ ti' tojlel judíojob,

Gálatas 5:14

come uts'atax che' wolic la' jac' ti' pejtelel ili mandar che' mi la' jac' ili t'añ: “C'uxbin a pi'ʌlob che' bajche' ma' bajñel c'uxbin a bʌ”, che'en.

Gálatas 5:4

Ti pejteletla mu' bʌ la' lon ña'tan woli la' ch'ʌjmel ti' wenta Dios cha'añ i jac'ol mandar, chocbiletixla ti Cristo; loq'uemetixla ti' yutslel i pusic'al Dios.

2 Tesalonicenses 2:14

Jiñi cha'añ tsi' pʌyʌyetla yic'ot jiñi wen t'añ mu' bʌ c su'b lojon, cha'añ mi la' taj i ñuclel lac Yum Jesucristo.

1 Timoteo 1:14

C'ax ca'bʌl tsa' ajñi i yutslel i pusic'al lac Yum tic tojlel come che' bʌ tsi' yʌq'ueyon c ñop, tsi' yʌq'ueyon j c'uxbiya ti Cristo Jesús.

1 Timoteo 1:3

Che' bʌ tsa' majliyon ti Macedonia, tsa' c su'beyet ti wocol t'añ cha'añ ma' cʌytʌl ya' ti Éfeso, tsa' c su'beyet cha'añ ma' tic' jiñi woli bʌ i techob leco bʌ cʌntesa,

2 Timoteo 1:9

Dios tsi' coltayonla; tsi' pʌyʌyonla cha'añ ch'ujul mi la cajñel ti' tojlel; mach cha'añic wen bʌ lac melbal, pero cha'añ che' yom i pusic'al tsi' pʌyʌyonla ti' yonlel i yutslel tsa' bʌ i yʌq'ueyonla ti oñiyi yic'ot Cristo Jesús,

2 Timoteo 2:1

Jiñi cha'añ, calobil, la' chʌn p'ʌt-aquet ti' yutslel i pusic'al Cristo Jesús.

1 Pedro 1:15

Ch'ujul jiñi tsa' bʌ i pʌyʌyetla, jiñi cha'añ yom ch'ujuletla ja'el ti pejtelel la' melbal.

2 Pedro 1:3

Ti ñuc bʌ i p'ʌtʌlel Dios tsi' yʌq'ueyonla pejtelel chuqui añ to yom lac cha'añ che' bʌ tsi' yʌq'ueyonla laj cʌn lac Yum Jesús cha'añ mi la cajñel ti ch'ujul. Tsi' pʌyʌyonla cha'añ mi laj cʌmben i ñuclel yic'ot i yutslel.

Apocalipsis 22:21

La' ajñic la' wic'ot ti la' pejtelel i yutslel lac Yum Jesucristo. [Amén.]