Filemón 1:6 - Jiñi Tsiji' bʌ Wen T'añ cha'añ Estudio

⁶ Mij c'ajtiben Dios, cha'añ la' i coltañet ti' su'bol jiñi woli bʌ lac ñop cha'añ mi' tajob i cuxtʌlel yaño' bʌ ja'el che' mi' cʌñob pejtelel chuqui wen am bʌ ti lac pusic'al cha'añ Cristo Jesús.

Chol de Tumbalá Bible

⁶ La' i coltañet Dios ti' subol jini woli bʌ lac ñop cha'an mi' tajob i cuxtʌlel yaño' bʌ ja'el che' mi' cʌñob pejtelel chuqui wen am bʌ ti lac pusic'al cha'an Cristo Jesús.

Chol Tila

⁶ Mij c'ajtiben Dios cha'an jini yaño' bʌ tsa' bʌ i ch'ujbiyob Dios mi quej i más ch'ʌm'en isujm pejtyel wen bʌ mu' bʌ la cʌq'uentyel ti Cristo Jesús. Jiñʌch tsa' bʌ i ch'ujbiyob Dios cha'an ti caj ti a wen ch'ujbi.

Chol: I T’an Dios

⁶ La' i coltañet Dios ti' subol jini woli bʌ lac ñop cha'an mi' tajob i cuxtʌlel yaño' bʌ ja'el che' mi' cʌñob pejtelel chuqui wen am bʌ ti lac pusic'al cha'an Cristo Jesús.

Filemón 1:6 Iomraidhean Croise

Mateo 25:16

Jiñi tsa' bʌ i ch'ʌmʌ jo'p'ejl talento tsa' bʌc' majli i c'ʌn ti ganar, tsi' cha'le ti ganar yam bʌ jo'p'ejl talento.

Mateo 5:16

Che' yom mi la' pʌsbeñob wiñicob x'ixicob la' sʌclel yic'ot wen bʌ la' we'tel, che' mi' q'uelob mi caj i tsictesañob i ñuclel la' Tat am bʌ ti panchan.

1 Corintios 14:25

Mi' caj ti tsictiyel jiñi mucul tac bʌ ti' pusic'al, jiñi cha'añ mi caj i pʌcchocon i bʌ cha'añ mi' ch'ujutesan Dios, mi caj i yʌl cha'añ ti isujm ya'añ Dios la' wic'ot, che'en.

1 Corintios 16:9

Come tsa' jambentiyon colem puerta ba' mi mejlel c wen cha'len e'tel anquese ca'bʌl j contrajob.

Filipenses 4:8

Che' ja'el, hermañujob, yom mi la' ña'tan chuqui tac isujm, chuqui tac toj, chuqui tac uts'at, chuqui tac sʌc, chuqui tac i t'ojol, chuqui tac wen; mi añ chuqui c'ax wen, mi añ chuqui yom sujbel ti ñuc, ña'tanla.

Colosenses 1:9

Jiñi cha'añ joñon lojon ja'el, che' bʌ tsa' cu'bi lojon c'ʌlʌl wʌle, ma'añic mij cʌy c melbeñet lojon oración, mij c'ajtiben lojon Dios cha'añ mi' bujt'esañetla ti wen bʌ la' ña'tʌbal ch'oyol bʌ ti Espíritu cha'añ mi la' ch'ʌmben isujm ti pejtelel la' pusic'al chuqui yom Dios,

Colosenses 3:10

tsa'ix la' xojo jiñi tsiji' bʌ la' pusic'al tsa' bʌ i mele Dios cha'añ mi la' q'uextʌyel majlel ti' yejtal Dios yic'ot tsiji' bʌ la' ña'tʌbal,

Tito 3:14

La' i melob wen bʌ i melbal lac pi'ʌlob, cha'añ mi' coltañob jiñi añ to bʌ chuqui yom i cha'añob, cha'añ mach lolomic jach mi' to'ol ñusañob q'uiñ.

Hebreos 6:10

come Dios mach jontolic, mach ñajʌyic i cha'añ jiñi wen bʌ la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ, c'ʌlʌl wʌle woli to la' coltañob.

Santiago 2:14

Quermañujob, ¿chuqui i c'ʌjñibal mi añ majqui mi' lon al woli' ñop Dios che' ma'añic mi' pʌs wen bʌ i melbal? ¿Mu' ba i taj i coltʌntel ti ñopbal?

Santiago 2:17

Che' jiñi ma'añic woli la' ñop Dios ti isujm come to'ol t'añ jach mi ma'añic wen bʌ la' melbal.

1 Pedro 2:12

pʌsʌ la' bʌ ti uts'at ti' tojlel jiñi gentilob, che' jiñi anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i su'bob i ñuclel Dios.

1 Pedro 3:1

X'ixicob, yom mi la' wʌc' la' bʌ ti uts'at ti' wenta la' ñoxi'al. Che' jiñi, mi ma'añic mi' ñopob la' ñoxi'al, mi caj i ñopob cha'añ uts'at bʌ la' melbal, mach cha'añic la' t'añ.

1 Pedro 3:16

Ajñenla ti uts'at cha'añ ma'añic mi' tejchel t'añ ti la' pusic'al. Che' jiñi mi caj i yu'biñob quisin la' contrajob mu' bʌ i [pʌq'uetla ti jontolil] che' mi' q'uelob wen bʌ la' melbal ti Cristo.

2 Pedro 1:8

Mi che'ʌch mi la' mel mi caj la' p'ʌt-an majlel, mi caj i yutsi p'ojlel la' c'ʌjñibal. Che' jiñi mach lolomic jach tsa' la' cʌñʌ lac Yum Jesucristo.