Efesios 5:8 - Jiñi Tsiji' bʌ Wen T'añ cha'añ Estudio

⁸ ti yam bʌ ora añetla ti ic'ch'ipan bʌ pañimil, pero wʌle añetla ti' sʌclel pañimil yic'ot lac Yum, i sʌcleletla pañimil yic'ot lac Yum; ajñenla che' bajche' jiñi año' bʌ ti' sʌclel pañimil.

Chol de Tumbalá Bible

⁸ Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

Jiñi Tsiji' bʌ Wen T'añ cha'añ Estudio

⁸ ti yam bʌ ora añetla ti ic'ch'ipan bʌ pañimil, pero wʌle añetla ti' sʌclel pañimil yic'ot lac Yum, i sʌcleletla pañimil yic'ot lac Yum; ajñenla che' bajche' jiñi año' bʌ ti' sʌclel pañimil.

Chol Tila

⁸ Ti wajali che' bajche' añetla ti ic't'ojñal yubil che' añet tyo la ti la' mul, pero wale cha'an añetla ti lac Yum añetla ti i sʌclel mulawil yubil. Ajñenla che' bajche' yom i yajñel jini am bʌ ti i sʌclel mulawil.

Chol: I T’an Dios

⁸ Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

Efesios 5:8 Iomraidhean Croise

Mateo 3:8

Melela toj bʌ la' melbal mi woli la' cʌy la' mul.

Mateo 4:16

jiñi wiñicob x'ixicob año' bʌ ti ic'ch'ipan bʌ pañimil tsi' q'ueleyob colem bʌ i sʌclel pañimil. Tsa' caji ti tilel i sʌclel pañimil ba'añ jiñi año' bʌ ti ac'ʌlel woli bʌ i chʌmelob”, che'en.

Lucas 1:79

cha'añ mi' yʌq'ueñob i sʌclel pañimil jiñi chumulo' bʌ ti ic'ch'ipan bʌ pañimil, yic'ot jiñi año' bʌ ti yʌxñʌlel chʌmel, cha'añ mi' toj-esan majlel la coc ba' ñʌch'ʌl mi la cajñel, che' tsi' yʌlʌ Zacarías.

Lucas 16:8

I yum tsa' caji i su'b i ñuclel jiñi jontol bʌ i yaj e'tel, come mayajax bajche' tsi' mele. Come i cha'año' bʌ pañimil ñumen mayajax i melbalob ti' tojlel i pi'ʌlob bajche' i cha'año' bʌ i sʌclel pañimil.

Juan 1:9

Jiñi isujm bʌ i sʌclel pañimil, tsa' tili cha'añ mi' yʌq'ueñob i sʌclel pañimil pejtelel wiñicob x'ixicob

Juan 12:35

Jiñi cha'añ Jesús tsi' su'beyob: —Mach jalix wʌ'an i sʌclel pañimil la' wic'ot; cha'lenla xʌmbal che' añ to i sʌclel pañimil la' wic'ot ame mi' tajetla ic'ch'ipan bʌ pañimil, come jiñi mu' bʌ i cha'len xʌmbal ti ic'ch'ipan bʌ pañimil mach yujilic baqui mi' majlel.

Juan 12:36

Che' añ to i sʌclel pañimil la' wic'ot, ñopola i sʌclel pañimil, che' jiñi, i yalobiletla i sʌclel pañimil. Che' bʌ tsa' ujti ti t'añ Jesús, tsa' majli, tsi' sʌtʌ i bʌ ti' tojlelob.

Juan 12:46

Joñon i sʌclelon pañimil, tsa' tiliyon ti pañimil cha'añ ma'añic mi' cʌytʌl ti ic'ch'ipan bʌ pañimil jiñi mu' bʌ i ñopon.

Juan 8:12

Jesús tsi' cha' su'beyob, tsi' yʌlʌ: —Joñon i sʌclelon pañimil, jiñi mu' bʌ i tsajcañon ma'añic mi' cajel ti xʌmbal ti ic'ch'ipan bʌ pañimil. Añ i cha'añ i sʌclel pañimil cha'añ i cuxtʌlel, —che'en.

Hechos 17:30

Ca'bʌl ora Dios tsi' ñusʌbeyob i sajtemal wiñicob tsa' bʌ i meleyob ti yam bʌ ora che' ma'añobic i ña'tʌbal, pero wʌle mi' su'beñob pejtelel wiñicob x'ixicob baqui jach añob, cha'añ mi' cʌyob i mul,

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

Romanos 1:21

Anquese tsi' cʌñʌyob Dios, ma'añic tsi' ch'ujutesayob, ma'añic tsi' su'beyob wocolix i yʌlʌ. Tsa' utsi asiyiyob ti' bajñel ña'tʌbal yic'ot tsa' p'ojliyob i tontojlel i pusic'al.

Romanos 13:12

Yomix ñumel jiñi ac'ʌlel, talix jiñi q'uiñ; la' laj cʌy i ye'tel ic'yoch'an bʌ pañimil, la' lac lʌpben i sʌclel pañimil i wenta lac mʌctijib.

Romanos 2:19

ma' lon ña'tan xtoj-esayajet cha'añ xpots'ob, ma' lon ña'tan i sʌclelet pañimil cha'añ jiñi año' bʌ ti ac'ʌlel;

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

2 Corintios 3:18

Che' jiñi quermañujob, mach chʌn mosolix lac wut yilal. Che' mi laj q'uelben i ñuclel lac Yum che' bajche' ti espejo, mi lac utsi tsictesan i ñuclel, mi laj q'uextʌyel majlel ti' yejtal Cristo che' mi' mel i ye'tel i yEspíritu lac Yum ti lac pusic'al.

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

2 Corintios 6:14

Mach mi la' cha'len ñujpuñel yic'ot jiñi mach bʌ añic mi' ñop Dios, come ¿bajche' mi mejlel i tem ajñel chuqui toj yic'ot chuqui mach tojic? ¿Bajche' mi mejlel i tem ajñel i sʌclel pañimil yic'ot ac'ʌlel?

Gálatas 5:25

Mi cuxulonla cha'añ jiñi Espíritu, la' lac mel chuqui yom Dios ti' p'ʌtʌlel jiñi Espíritu.

Efesios 2:2

come ti yam bʌ ora tsa' ajñiyetla ti jontolil che' bajche' mi' melob jiñi i cha'año' bʌ pañimil, tsa' la' jac'be Satanás i yum pañimil mu' bʌ i yuman xi'bajob, jiñʌch jiñi espíritu woli bʌ ti e'tel ti' pusic'al xñusa mandarob,

Efesios 4:18

añob ti ac'ʌlel yilal, ma'añic mi' ch'ʌmbeñob isujm, come ma'añobic i cuxtʌlel ch'oyol bʌ ti Dios, mach i cʌñʌyobic come tsʌtsob jax i pusic'al;

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Efesios 6:12

Come ma'añic woli laj contrajin wiñicob año' bʌ i bʌc'tal yic'ot i ch'ich'el, pero woli laj contrajin xi'bajob año' bʌ i ye'tel yic'ot i p'ʌtʌlel, woli bʌ i melob i yumʌntel ti ic'ch'ipan bʌ pañimil, yic'ot jontol bʌ espíritujob ti pañimil.

Colosenses 1:12

ti' tijicñʌyel la' pusic'al su'benla wocolix i yʌlʌ lac Tat, come tsi' cha' meleyonla ti uts'at cha'añ mi lac taj lac wenlel yic'ot i cha'año' bʌ Dios woli bʌ i yajñelob ti' sʌclel pañimil;

Colosenses 1:13

Dios tsi' loc'sayonla ti' yumʌntel ic'ch'ipan bʌ pañimil, tsi' yotsayonla ti' yumʌntel jiñi c'uxbibil bʌ i Yalobil,

Tito 3:3

Come joñonla ja'el ti yam bʌ ora ma'añic lac pusic'al, xñusa t'añonla, tsa' laj cʌyʌ jiñi toj bʌ bij, tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al, tsa' lac lon ñusa q'uiñ ti ts'a'leya yic'ot ti' tsʌytsʌyñʌyel lac pusic'al, tsa' ts'a'lentiyonla, tsa' lac ts'a'le lac bʌ.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.