Efesios 5:2 - Jiñi Tsiji' bʌ Wen T'añ cha'añ Estudio

² Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Chol de Tumbalá Bible

² Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Jiñi Tsiji' bʌ Wen T'añ cha'añ Estudio

² Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Chol Tila

² Ajñenla ti p'untyaya che' bajche' ti' p'untyʌyonla Cristo. Ti yʌc'ʌ i bʌ ti sajtyel che' bajche' tsʌnsʌbil bʌ i majtyan Dios cha'an i tyojol lac mul. Dios ti' q'uele ti wen jini tsa' bʌ i cha'le Cristo.

Chol: I T’an Dios

² Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Efesios 5:2 Iomraidhean Croise

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Juan 13:34

Mi cʌq'ueñetla tsiji' bʌ mandar: C'uxbin la' bʌ. Che' bajche' tsa' j c'uxbiyetla, che' yom mi' la' c'uxbin la' bʌ.

Juan 6:51

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Romanos 15:16

cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.

Romanos 4:25

come Jesús tsa' ajq'ui ti chʌmel cha'añ mi' toj lac mul, yic'ot tsa' tejchi ch'ojyel cha'añ mi laj q'uejlel ti toj.

Romanos 8:3

Jiñi mandar ma'añic tsa' mejli i coltañonla, come c'uñonla cha'añ lac tsucul pusic'al. Dios tsi' choco tilel i Yalobil lajal bʌ i bʌc'tal che' bajche' lac cha'añ am bʌ i pʌyol ti mulil; tsi' yʌc'ʌ i bʌ ti chʌmel cha'añ mi' toj lac mul, cha'añ mi' jilel i p'ʌtʌlel mulil am bʌ ti lac bʌc'tal.

Romanos 8:37

Ti pejtelel ili wocol tac bʌ, mi' wen mʌjlel majlel lac cha'añ, cha'añ ti' p'ʌtʌlel Jesús tsa' bʌ i c'uxbiyonla.

1 Corintios 16:14

Ti pejtelel chuqui tac mi la' mel, melela yic'ot c'uxbiya.

1 Corintios 5:7

Chocola loq'uel jiñi tsucul bʌ la' melbal come tsijib melbiletixla, come jiñi lac Tʌñʌme' cha'añ Pascua jiñʌch Cristo tsa' bʌ ajq'ui ti chʌmel cha'añonla.

2 Corintios 2:14

Pero wocolix i yʌlʌ Dios come ti Cristo Jesús mi' coltañonla cha'añ mi' chʌn mʌjlel lac cha'añ, yic'ot mi' c'ʌñonla ti' pucol jiñi xojocña bʌ che' mi la cʌc' ti cʌjñel i ña'tʌbal Cristo ti pejtelel lum,

2 Corintios 2:15

come xojocña mi' yu'biñonla Dios cha'añ woli' yajñel Cristo ti lac pusic'al, xojocña i yutslel Cristo ti' tojlel jiñi woli bʌ i coltʌntelob yic'ot ti' tojlel jiñi woliyo' bʌ ti sajtel.

2 Corintios 8:9

Come cʌñʌlix la' cha'añ i yutslel i pusic'al lac Yum Jesucristo, jiñi wen chumul bʌ tsa' ochi ti p'ump'un come c'ux tsi' yu'biyetla, jiñi cha'añ tsa' ochi ti p'ump'un cha'añ wen chumul mi la' wajñel.

Gálatas 1:4

Tsi' yʌc'ʌ i bʌ ti chʌmel cha'añ lac mul che' bajche' yom Dios lac Tat cha'añ mi' loc'sañonla ti' p'ʌtʌlel jontolil am bʌ ti pañimil wʌle.

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, woli c taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Efesios 1:4

Dios tsi' yajcayonla ti Cristo che' bʌ maxto melbilic pañimil cha'añ mi la cajñel ti ch'ujul yic'ot che' ma'añic lac pʌjq'uemal ti' tojlel.

Efesios 3:17

cha'añ mi' chumtʌl Cristo ti la' pusic'al che' xuc'ul woli la' ñop, cha'añ che' jiñi mi' caj i tam-añ la' wi' yic'ot tsʌts cʌyʌletla ti' c'uxbiya Cristo,

Efesios 3:19

com mi la' cʌmben i c'uxbiya Cristo, jiñi mach bʌ añic i p'isol i ña'tʌbal, cha'añ che' jiñi mi lac tajben i bujt'emal Cristo.

Efesios 4:15

pero joñonla mi lac su'b isujmlel yic'ot c'uxbiya, mi lac taj laj colel ti Cristo ti pejtelel chuqui yom, come jiñʌch lac jol,

Efesios 4:2

jiñi cha'añ ajñenla ti pec' ti' yutslel la' pusic'al, chʌn cuchbenla i sajtemal la' pi'ʌlob ti la' c'uxbiya,

Efesios 5:15

Yom yʌxʌl la' woj, che' bajche' jiñi año' bʌ i pusic'al, tsajiletla ame muq'uic la' ñusan q'uiñ che' bajche' jiñi tontojo' bʌ.

Efesios 5:25

Wiñicob, c'uxbin la' wijñam che' bajche' Cristo tsi' c'uxbi i cha'año' bʌ, tsi' yʌc'ʌ i bʌ ti chʌmel cha'añob,

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.

Colosenses 3:14

Jiñi ñumen yom bʌ jiñʌch c'uxbiya, come mi' yʌq'uetla ti tem ajñel ti jump'ejl la' pusic'al.

1 Tesalonicenses 4:9

Mach wersajic mic ts'ijbubeñetla bajche' yom mi la' c'uxbin la' bʌ, come cʌntesʌbiletla i cha'añ Dios cha'añ mi la' c'uxbin la' bʌ;

1 Timoteo 2:6

tsi' yʌc'ʌ i bʌ cha'añ mi' mʌn pejtelel año' bʌ ti pañimil, jiñʌch i ye'tel tsa' bʌ ajq'ui ti cʌjñel che' ti' yorajlel.

1 Timoteo 4:12

Mach a wʌc' a bʌ ti ts'a'lentel ti' tojlel wiñicob cha'añ ch'itoñ wiñiquet to, pʌsbeñob ti a melbal bajche' yom mi' cha'leñob t'añ xñopt'añob, yic'ot bajche' yom mi' yajñelob ti uts'at yic'ot c'uxbiya ti jump'ejl jach i pusic'al, yic'ot i xuc'tʌlel i pusic'al ti Cristo, yic'ot i sʌclel i pusic'al.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Hebreos 8:3

Come ti' pejtelel ñuc bʌ motomajob añob i ye'tel cha'añ mi' yʌq'ueñob Dios i majtañ yic'ot tsʌnsʌbil bʌ i majtañ; jiñi cha'añ, jiñi ñuc bʌ lac Motomaj wersa añ chuqui mi' yʌq'ueñonla ja'el.

Hebreos 9:14

Pero ñumen i c'ʌjñibal i ch'ich'el Cristo, come mi' poc loq'uel ti lac pusic'al jiñi tsucul bʌ lac melbal cha'añ mi lac melben i ye'tel jiñi cuxul bʌ Dios, ti' p'ʌtʌlel jiñi Espíritu mach bʌ yujilic jilel, Cristo tsi' yʌc'ʌ i bʌ che' bajche' ch'ujul bʌ i majtañ Dios mach bʌ añic i mul.

Hebreos 9:23

Che' bajche' jiñi tsa' wersa sʌc-esʌnti jiñi tabernáculo yic'ot i bʌl, jiñʌch i yejtal chuqui tac añ ti panchan; pero tsa' sʌc-esʌnti i cha'año' bʌ Dios yic'ot yam bʌ tsʌnsʌbil bʌ i majtañ Dios, ñumen wen bʌ.

Hebreos 9:26

Che'ic bajche' jiñi, wersa yom mi' chʌmel Cristo ti jujunmuc' c'ʌlʌl ti' cajibal pañimil; pero mach che'ic, jasʌl junyajl tsa' tsictiyi Cristo che' lʌc'ʌlix jiñi cojix bʌ q'uiñ tac, tsi' yʌc'ʌ i bʌ ti tsʌnsʌntel cha'añ mi' jisʌbeñonla lac mul.

1 Pedro 4:8

Jiñi cha'añ, yom mi la' wen c'uxbin la' bʌ; come jiñi ñumen ñuc bʌ jiñʌch che' mi laj c'uxbin lac pi'ʌlob come che' añ laj c'uxbiya mi laj cuch ca'bʌl mulil.

1 Juan 3:16

Che'ʌch tsa' laj cʌmbe i c'uxbiya Dios, che' bʌ Jesús tsi' yʌc'ʌ i bʌ ti chʌmel cha'añonla, che'ʌch yom mi la cʌc' lac bʌ ti chʌmel ja'el cha'añ la quermañujob.

1 Juan 3:23

Jiñʌch i mandar: Yom mi lac ñopben i c'aba' Jesucristo i Yalobil Dios yic'ot yom mi laj c'uxbin lac bʌ ti lac pejtelel, che' bajche' tsi' yʌq'ueyonla mandar.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,