Efesios 4:9 - Jiñi Tsiji' bʌ Wen T'añ cha'añ Estudio

⁹ Jiñi tsa' bʌ letsi majlel ti panchan, ¿mach ba' ñaxañic tsajñi ti' ye'bal lum?

Chol de Tumbalá Bible

⁹ Jini tsa' bʌ letsi majlel ti panchan, ¿mach ba' ñaxanic tsajni ti yebal lum?

Jiñi Tsiji' bʌ Wen T'añ cha'añ Estudio

⁹ Jiñi tsa' bʌ letsi majlel ti panchan, ¿mach ba' ñaxañic tsajñi ti ye'bal lum?

Chol Tila

⁹ Che' mi yʌle' cha'an ti cha' letsi majlel Cristo ti panchan. Che' jini tsiquilʌch i tyʌlelʌch ya' an ti panchan che' ñac ti jubi tyʌlel c'ʌlʌ wʌ' ti mulawil.

Chol: I T’an Dios

⁹ Jini tsa' bʌ letsi majlel ti panchan, ¿mach ba' ñaxanic tsajni ti yebal lum?

Efesios 4:9 Iomraidhean Croise

Mateo 12:40

Che' bajche' tsa' ajñi Jonás uxp'ejl q'uiñ, uxp'ejl ac'ʌlel ti' ñʌc' colem chʌy, che'ʌch ja'el mi caj i yajñel i Yalobil Wiñic ti' mal lum uxp'ejl q'uiñ, uxp'ejl ac'ʌlel.

Juan 20:17

Jesús tsi' su'be: —Mach a chucon, come maxto añic tsa' letsiyon majlel ba'añ c Tat; pero cucu ba'añ quermañujob, su'beñob: “Mic letsel majlel ba'añ c Tat, jiñʌch la' Tat ja'el; jiñi c Dios, jiñʌch la' Dios ja'el”, —che'en.

Juan 3:13

Ma'añic majqui tsa' letsi ti panchan, cojach jiñi tsa' bʌ ju'bi tilel ti panchan, jiñʌch i Yalobil Wiñic [am bʌ ti panchan.]

Juan 6:33

Come jiñi waj ch'oyol bʌ ti Dios, jiñʌch tsa' bʌ ju'bi tilel ti panchan mu' bʌ i yʌq'ueñob i cuxtʌlel jiñi año' bʌ ti pañimil, —che'en Jesús.

Juan 6:38

Come tsa' ju'biyon tilel ti panchan, mach cha'añic mic mel chuqui yom c bajñel pusic'al, cha'añʌch mic mel chuqui yom c Tat tsa' bʌ i chocoyon tilel

Juan 6:41

Jiñi judíojob tsa' cajiyob ti wulwul a'leya come tsi' yʌlʌ Jesús: “Joñon jiñi Waj tsa' bʌ ju'bi tilel ti panchan”.

Juan 6:51

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Juan 6:58

Jiñʌch jiñi Waj tsa' bʌ ju'bi tilel ti panchan, mach che'ic bajche' jiñi maná tsa' bʌ i c'uxuyob la' ñojte'elob anquese tsi' c'uxuyob tsa' chʌmiyob, jiñi mu' bʌ i c'uxob jiñi Waj mu' bʌ cʌq'ueñob, chʌn cuxul mi' yajñelob ti pejtelel ora, che'en.

Juan 6:62

¿Chuqui mi caj la' wʌl, che' jiñi, mi tsa' la' q'uele i Yalobil Wiñic che' mi' letsel majlel ya' ba' tsa' chumle ti ñaxan?

Juan 8:14

Jesús tsi' jac'beyob: —Anquese mic bajñel su'b c bʌ, isujmʌch c t'añ, come cujil baqui ch'oyolon, che' ja'el cujil baqui mic majlel; pero jatetla mach la' wujilic baqui ch'oyolon, mi baqui mic majlel.

Hebreos 2:7

Tsa' mele yoma lajal che' bajche' ángelob, [tsa' wʌq'ue i ñuclel yic'ot i c'uxbintel ti' tojlel pejtelel chuqui tac añ.]

Hebreos 2:9

Pero mi laj q'uel cha'añ Jesús, tsa' bʌ poj peq'uesʌnti ba' mach i tajayic i ñuclel ángelob, tsa'ix cha' aq'uenti i ñuclel yic'ot i c'uxbintel, cha'añ tsi' yʌc'ʌ i bʌ ti chʌmel, come ti' yutslel i pusic'al Dios tsa' chʌmi cha'añ pejtelonla.