Efesios 4:13 - Jiñi Tsiji' bʌ Wen T'añ cha'añ Estudio

¹³ jinto mi lac ñop ti jump'ejl jach lac pusic'al cha'añ mi laj cʌn i Yalobil Dios ti lac pejtelel, jinto mi lac taj laj colel ti Cristo cha'añ mi lac tsictesan i ñuclel che' junlajalonla yic'ot.

Chol de Tumbalá Bible

¹³ jinto mi lac ñop ti jump'ejl jach lac pusic'al cha'an mi laj cʌn i Yalobil Dios ti pejtelonla, jinto mi lac taj laj colel ti Cristo cha'an mi lac tsictesan i ñuclel che' junlajalonla yic'ot.

Jiñi Tsiji' bʌ Wen T'añ cha'añ Estudio

¹³ jinto mi lac ñop ti jump'ejl jach lac pusic'al cha'añ mi laj cʌn i Yalobil Dios ti pejtelonla, jinto mi lac taj laj colel ti Cristo cha'añ mi lac tsictesan i ñuclel che' junlajalonla yic'ot.

Chol Tila

¹³ Chʌ'ʌch yom c'ʌlʌ jintyo junlajal mi lac ch'ujbin cha'an laj cotyʌntyel yic'ot junlajal mi laj cʌñe' majlel i Yalobil Dios. Chʌ'ʌch mi lac bej colel majlel c'ʌlʌ jintyo p'ʌtyʌlonixla bʌ quixtyañu ti Cristo che' bajche' an Cristo i bajñel.

Chol: I T’an Dios

¹³ jinto mi lac ñop ti jump'ejl jach lac pusic'al cha'an mi laj cʌn i Yalobil Dios ti pejtelonla, jinto mi lac taj laj colel ti Cristo cha'an mi lac tsictesan i ñuclel che' junlajalonla yic'ot.

Efesios 4:13 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Juan 1:16

Ti lac pejtelel mi' lac ch'ʌm i bujt'emal Cristo, jiñʌch i yutslel i pusic'al mu' bʌ i yʌq'ueñonla ti lac majtañ,

Juan 16:3

Che'ʌch mi caj i melob come mach i cʌñʌyobic c Tat, ma'añic tsi' cʌñʌyoñob ja'el.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Juan 6:69

Mic ñopet lojon, cujil lojon cha'añ jatetʌch jiñi Cristo, i Yalobil bʌ jiñi cuxul bʌ Dios, —che'en Pedro.

Hechos 4:32

Pejtelel jiñi tsa' bʌ i ñopoyob Jesús jump'ejlob jach i pusic'al yic'ot i ña'tʌbal. Ma'añic majqui tsi' yʌlʌ mi i bajñel cha'añ i chu'bʌañ, pero i tem cha'añob jach.

1 Corintios 1:10

Quermañujob, mic su'beñetla ti wocol t'añ ti' c'aba' lac Yum Jesucristo, yom junlajal chuqui mi la' ña'tan, mach yomic mi la' t'ox la' bʌ ti leto, tem ajñenla ti uts'at ti jump'ejl la' pusic'al yic'ot ti jump'ejl la' ña'tʌbal.

1 Corintios 14:20

Quermañujob, mach yomic lajal la' ña'tʌbal bajche' i ña'tʌbal alobob, mach yomic jontoletla, yom lajaletla bajche' alʌlob, yom lajal la' ña'tʌbal bajche' wiñicob año' bʌ ca'bʌl i pusic'al.

1 Corintios 2:6

Mic su'b lojon i ña'tʌbal Dios ti' tojlelob jiñi tsa'ix bʌ i ch'ʌmbeyob isujm i t'añ Dios, ma'añic mic su'b lojon i ña'tʌbal pañimil, mi jiñic jax i ña'tʌbal yumʌlob yujil jach bʌ jilel,

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

Gálatas 4:19

C'uxbibil bʌ calobilob, che' bajche' x'ixic woli bʌ ti bajq'uel, che'ʌch woli c cha' u'bin wocol cha'añetla jinto mi' yochel Cristo ti la' pusic'al,

Efesios 1:17

mij c'ajtiben i Dios lac Yum Jesucristo cha'añ mi' yʌq'ueñetla ca'bʌl la' ña'tʌbal yic'ot i yEspíritu cha'añ mi la' wen ch'ʌmben isujm chuqui woli la' pʌsbentel, cha'añ mi la' wen cʌn lac Tat am bʌ ti panchan,

Efesios 1:23

I bʌc'talonla Cristo, mi' yajñel ti joñonla mu' bʌ lac ñop, ti pejtelel chuqui tac añ mi' taj i c'ʌjñibal ti lac Yum.

Efesios 2:15

che' bʌ tsi' yʌc'ʌ i bʌ ti chʌmel, tsi' jisa jiñi mandar yic'ot tic'oñel tsa' bʌ i t'oxoyonla, i bajñel jach tsi' mele jump'ejl tsiji' bʌ tejclum pʌybil bʌ loq'uel ti cha'mojt, cha'añ ñʌch'ʌl mi la cajñel la quic'ot,

Efesios 4:12

laj wa'chocobilob ti' pejtelel cha'añ mi' cʌntesañob i cha'año' bʌ Dios, cha'añ mi' cha'libeñob i ye'tel, cha'añ mi' p'ʌt-an majlel i bʌc'tal Cristo,

Efesios 4:3

cha'lenla wersa cha'añ ñʌch'ʌl mi la' wajñel ti jump'ejl jach la' pusic'al ti jiñi Espíritu;

Efesios 4:5

juntiquil lac Yum, junsujm jach woli bʌ lac ñop, junsujm jach ch'ʌmja',

Filipenses 3:10

Com jach j cʌn Cristo, yic'ot i p'ʌtʌlel Dios tsa' bʌ i teche ch'ojyel, com cu'bin i wocol jinto mic chʌmel lajal bajche' tsa' chʌmi,

Filipenses 3:8

Isujm, ma'añic i c'ʌjñibal jiñi tsa' bʌ c ñaxan q'uele ti ñuc come ñumen ñuc i cʌñol Cristo Jesús, c Yum, cha'añ i c'uxbintel Cristo wʌle woli j q'uel che' bajche' misujelʌl pejtelel tsa' bʌ j q'uele ti ñuc ti yam bʌ ora cha'añ mic taj c wenlel ti Cristo,

Colosenses 1:28

Joñon lojon mic su'b lojon majlel Cristo, mic xic'ben lojon pejtelel wiñicob, mic cha'len lojon cʌntesa ti pejtelel c ña'tʌbal lojon cha'añ pejtelel wiñicob mi' sojlel majlel ti Cristo Jesús.

Colosenses 2:2

mic cha'len wersa cha'añ mi' cha' ñuq'uesʌntel la' pusic'al yic'ot cha'añ mi la' c'uxbin la' bʌ ti jump'ejl la' pusic'al, com mi la' laj ch'ʌmben isujm pejtelel jiñi c'ax ñuc tac bʌ isujmlel maxto bʌ tsictiyemic ti yam bʌ ora, cha'añ mi la' cʌn isujmlel Dios lac Tat yic'ot Cristo,

Hebreos 5:14

Come jiñi waj jiñʌch i cha'añ jiñi tsa'ix bʌ i tajayob i colel, che' jiñi muq'uix i cʌn jiñi wen bʌ yic'ot jiñi mach bʌ weñic.

2 Pedro 1:4

Jiñi cha'añ tsi' yʌq'ueyonla jiñi albil bʌ t'añ, wen ñuc bʌ, c'ax uts'at bʌ. Che' mi la' ñopben i t'añ mi' yʌq'uetla ti colel ba' chuculetla ti' colosojlel la' pusic'al ti' wenta pañimil cha'añ mi la' taj la' cuxtʌlel ch'oyol bʌ ti Dios.

2 Pedro 3:18

Yom mi la' taj la' colel ti Cristo, jiñʌch che' mi la' cʌmben i yutslel i pusic'al yic'ot i ña'tʌbal lac Yum Jesucristo la caj Coltaya. La' sujbic i ñuclel wʌle yic'ot ti pejtelel ora. Amén.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.