Efesios 4:12 - Jiñi Tsiji' bʌ Wen T'añ cha'añ Estudio

¹² laj wa'chocobilob ti' pejtelel cha'añ mi' cʌntesañob i cha'año' bʌ Dios, cha'añ mi' cha'libeñob i ye'tel, cha'añ mi' p'ʌt-an majlel i bʌc'tal Cristo,

Chol de Tumbalá Bible

¹² Laj wa'chocobilob cha'an mi' cʌntesañob i cha'año' bʌ Dios cha'an mi' cha'libeñob i ye'tel, cha'an che' jini mi' p'ʌt'an majlel i bʌc'tal Cristo,

Jiñi Tsiji' bʌ Wen T'añ cha'añ Estudio

¹² laj wa'chocobilob ti' pejtelel cha'añ mi' cʌntesañob i cha'año' bʌ Dios, cha'añ mi' cha'libeñob i ye'tel, cha'añ mi' p'ʌt-an majlel i bʌc'tal Cristo,

Chol Tila

¹² Chʌ'ʌch ti aq'uentiyob i c'ʌjnibal tyac cha'an mi' cʌntisañob ochemo' bʌ ti' t'an Dios cha'an jini ochemo' bʌ je'el mi' cha'libeñob i toñel Dios cha'an mi más xuc'tyʌlob i pusic'al. Como pejtyelelob ochemo' bʌ ti' t'an Dios i bʌc'tyalobʌch Cristo yubi.

Chol: I T’an Dios

¹² Laj wa'chocobilob cha'an mi' cʌntesañob i cha'año' bʌ Dios cha'an mi' cha'libeñob i ye'tel, cha'an che' jini mi' p'ʌt'an majlel i bʌc'tal Cristo,

Efesios 4:12 Iomraidhean Croise

Lucas 22:32

Pero joñon tsa' c tajayet ti oración ame a cʌy a ñopon. Che' ma' cha' sutq'uin a bʌ, p'ʌt-esan a wermañujob, —che'en Jesús.

Hechos 1:17

Come jiñi Judas tsa' tsijqui quic'ot lojon, tsa' aq'uenti i ye'tel ja'el.

Hechos 1:25

cha'añ mi' ch'ʌm i ye'tel ti subt'añ tsa' bʌ i cʌyʌ Judas cha'añ i mul, cha'añ mi' majlel ti' yajñib tsa' bʌ i yajca.

Hechos 11:23

Che' bʌ tsa' c'oti Bernabé ya' ti Antioquía, tijicña i pusic'al come tsi' q'uele añob ti' yutslel i pusic'al Dios. Tsi' xic'beyob ti pejtelelob cha'añ mi' chʌn ñopob lac Yum ti' xuc'tʌlel i pusic'al.

Hechos 20:24

Ma'añic mic bajñel q'uel j cuxtʌlel ti ñuc, anquese mi cʌjq'uel ti chʌmel, com cha'añ tijicña mic ts'ʌctesan que'tel tsa' bʌ aq'uentiyon ti lac Yum Jesús cha'añ mic su'b jiñi wen t'añ cha'añ i yutslel i pusic'al Dios.

Hechos 20:28

Chʌcʌ q'uele la' bʌ che' jiñi. Cʌntanla pejtelel jiñi tʌñʌme', come jiñi Ch'ujul bʌ Espíritu tsi' yʌq'ueyetla la' we'tel ti xcʌntaya cha'añ mi la' we'san jiñi xñopt'añob i cha'año' bʌ lac Yum tsa' bʌ i mʌñʌ ti' bajñel ch'ich'el.

Hechos 9:31

Jiñi cha'añ jiñi xñopt'añob año' bʌ ti pejtelel Judea ti Galilea yic'ot ti Samaria tsa' ñʌjch'i ti tic'lʌntelob, tsa' p'ʌt-ayob, tsi' chʌn bʌc'ñayob lac Yum. Ca'bʌl tsa' p'ojliyob come añob i p'ʌt-esʌntel ti Ch'ujul bʌ Espíritu.

Romanos 12:5

che' ja'el joñonla anquese ca'bʌlonla, jump'ejl jach lac bʌc'tal ti Cristo, lac tem cha'añʌch lac bʌ.

Romanos 12:7

mi cha'añʌch mi laj coltañ lac pi'ʌlob, la' laj coltañob; mi cha'añ mi lac cha'len cʌntesa, la' lac cha'len cʌntesa;

Romanos 14:19

Jiñi cha'añ la' lac ña'tan chuqui tac yom cha'añ ñʌch'ʌl mi la cajñel yic'ot cha'añ mi laj comol colel majlel ti Cristo.

Romanos 15:14

Quermañujob cujil ti isujm, añ ca'bʌl i yutslel la' pusic'al yic'ot la' ña'tʌbal. La' wujil bajche' yom mi la' xic'ben la' bʌ ti uts'at.

Romanos 15:2

Ti jujuntiquilonla la' lac mel chuqui uts'at ti' tojlel lac pi'ʌlob cha'añ mi' tajob i colel ti Cristo,

Romanos 15:29

Cujil che' mij c'otel ba'añetla, Cristo mi caj i yʌq'ueñonla ca'bʌl lac wenlel yic'ot lac tijicñʌyel [ti jiñi wen t'añ.],

1 Corintios 12:27

Jatetla i bʌc'taletla Cristo, ti jujuntiquiletla ochemetla ti' bʌc'tal Cristo.

1 Corintios 12:7

Pero ti jujuntiquilonla aq'uebilonla laj c'ʌjñibal ti jiñi Espíritu cha'añ i wenlel pejtelelob.

1 Corintios 14:12

Che' ja'el jatetla, come la' wom la' c'ʌjñibal mu' bʌ i yʌc' jiñi Espíritu, cha'lenla wersa la' taj ca'bʌl la' c'ʌjñibal cha'añ mi' tajob i colel ti Cristo xñopt'añob mu' bʌ i tempañob i bʌ.

1 Corintios 14:14

Mi woli c pejcan Dios ti yam bʌ t'añ mach bʌ j cʌñʌyic, woli c pejcan tic ch'ujlel jach, pero mach tic ña'tʌbalic.

1 Corintios 14:26

Jiñi cha'añ, quermañujob ¿chuqui yom mi la cʌl? Che' mi la' tempan la' bʌ, ti jujuntiquil añ i salmo, yam bʌ añ i cʌntesʌbal, yam bʌ mi' cha'len t'añ ti yan tac bʌ t'añ, yam bʌ mi' yʌq'uentel chuqui mi' pʌs, yam bʌ mi' ñusan isujmlel jiñi yan tac bʌ t'añ. La' mejlic ti pejtelel cha'añ mi la' colel majlel ti' ñopol Dios.

2 Corintios 12:19

¿Mu' ba la' lon al woli c su'b lojon c bʌ ti toj cha'añ jach mi la' q'uelon ti uts'at? Mic cha'len lojon t'añ ti Cristo ti' tojlel Dios. C'uxbibilet bʌ la, tsa'ix c su'bu lojon ti pejtelel cha'añ mic xuc'chocoñetla.

2 Corintios 13:11

Wʌle quermañujob, ajñenla ti' tijicñʌyel la' pusic'al, la' ts'ʌctiyic la' wenlel, la' ñuq'uesʌntic la' pusic'al, ajñenla ti ñʌch'ʌl ti jump'ejl jach la' pusic'al. Che' jiñi, Dios mi caj i yajñel la' wic'ot, jiñi Dios mu' bʌ i c'uxbiñonla, mu' bʌ i yʌq'ueñonla i ñʌch'tʌlel lac pusic'al.

2 Corintios 13:9

Jiñi cha'añ tijicñayon lojon mi p'ʌtʌletla anquese c'uñon lojon. Mij c'ajtiben lojon Dios cha'añ mi' ts'ʌctiyel la' wenlel.

2 Corintios 3:8

¿Mach ba ñumen ñuquic i ye'tel jiñi Espíritu?

2 Corintios 4:1

Jiñi cha'añ ma'añic mic lujb-an lojon, come Dios cha'añ tsi' p'untayon lojon tsi' yʌq'ueyon lojon tic wenta ili e'tel.

2 Corintios 5:18

Ch'oyol ti Dios jiñi tsijib tac bʌ, Dios tsa'ix i yuts-esa lac pusic'al la quic'ot cha'añ tsi' mʌñʌyonla Cristo, tsa'ix i yʌq'ueyon lojon que'tel ti jiñi t'añ mu' bʌ i yuts-esʌbeñonla lac pusic'al yic'ot Dios.

2 Corintios 6:3

Mic mel lojon chuqui toj ame añic majqui mi cʌc' lojon ti yajlel, ame wajlentic que'tel lojon.

2 Corintios 7:1

C'uxbibil bʌ quermañujob, lac cha'añʌch jiñi albil bʌ i t'añ Dios, jiñi cha'añ la' lac poc loq'uel pejtelel bi'bi' tac bʌ am bʌ ti lac bʌc'tal yic'ot ti lac pusic'al, la' lac bʌc'ñan Dios cha'añ ch'ujul mi la cajñel ti' tojlel.

Efesios 1:23

I bʌc'talonla Cristo, mi' yajñel ti joñonla mu' bʌ lac ñop, ti pejtelel chuqui tac añ mi' taj i c'ʌjñibal ti lac Yum.

Efesios 4:16

pejtelel i bʌc'tal Cristo mi' taj i p'ʌtʌlel ti' jol, che' mi' jac'ben i jol yic'ot pejtelel chucbil tac bʌ ti' bʌc'tal, tsuyulʌch mi' yajñel yic'ot i p'aquel, che' uts'atʌch mi' mel i ye'tel, mi' wen colel yic'ot ca'bʌl i p'ʌtʌlel yic'ot ca'bʌl c'uxbiya che' bajche' yom.

Efesios 4:29

Mach yomic mi la' c'ʌn la' wej ti leco t'añ, yom jach mi la' wʌl chuqui uts'at cha'añ mi la' p'ʌt-esan jiñi mu' bʌ i yu'biñob, cha'añ mi la' wʌq'ueñob i yutslel i pusic'al.

Efesios 4:4

jump'ejlʌch i bʌc'tal Cristo ba' ochemonla, juntiquil Espíritu, pʌybiletla cha'añ mi la' wajñel ti junsujm jach la' pijtaya come jiñi cha'añ tsi' pʌyʌyetla Dios;

Colosenses 1:24

Tijicñayoñix wʌle cha'añ woli c ñusan wocol cha'añetla, woli c ts'ʌctesan i wocol Cristo añ to bʌ yom ti' tojlel jiñi xñopt'añob mu' bʌ i tempañob i bʌ, jiñobʌch i bʌc'tal Cristo.

Colosenses 1:28

Joñon lojon mic su'b lojon majlel Cristo, mic xic'ben lojon pejtelel wiñicob, mic cha'len lojon cʌntesa ti pejtelel c ña'tʌbal lojon cha'añ pejtelel wiñicob mi' sojlel majlel ti Cristo Jesús.

Colosenses 4:17

Su'benla Arquipo che' bajche' iliyi: “Chʌcʌ q'uele a bʌ cha'añ ts'ʌcʌl ma' mel a we'tel tsa' bʌ i yʌq'ueyet lac Yum”.

1 Timoteo 1:12

Mic su'ben wocolix i yʌlʌ Cristo Jesús, lac Yum, jiñi tsa' bʌ i p'ʌt-esayon, come tsi' ña'ta xuc'ulon jiñi cha'añ tsi' wa'chocoyon ti ye'tel,

2 Timoteo 4:11

Jiñi jach Lucas wʌ'an quic'ot. Pʌyʌ tilel Marcos a wic'ot, come añ i c'ʌjñibal cha'añ mi' coltañon.

2 Timoteo 4:5

Ti pejtelel chuqui tac mi' yujtel chʌcʌ q'uele a bʌ, cuchu wocol, cha'len e'tel ti subt'añ, ts'ʌcʌl yom ma' mel a we'tel.

Hebreos 13:17

Jac'benla i t'añ xcʌntayajob la' cha'añ, yic'ot otsan la' bʌ ti' wenta, come añob i ye'tel cha'añ mi' wen pʌsbeñetla i bijlel la' coltʌntel, come yujilob cha'añ wersa mi caj i su'bob ti' tojlel Dios, mi uts'at mi la' jac', che' jiñi tijicña mi caj i cʌntañetla, pero mi woli la' wʌq'ueñob i ch'ijiyemlel i pusic'al che' jiñi mach la' tajayic la' wenlel.

Hebreos 6:1

Jiñi cha'añ mach yomix mi lac chʌn jal-añ ti' ñopol i cajibal isujmlel Cristo, la'ix wen sojlic ti lac pusic'al pejtelel isujmlel, mach jiñic jach i tejchibal cʌntesa. Yom mi lac junyajlel cʌy jiñi lolom jach bʌ lac melbal cha'añ mi lac ñop Dios,