Efesios 4:10 - Jiñi Tsiji' bʌ Wen T'añ cha'añ Estudio

¹⁰ Jiñi tsa' bʌ ju'bi tilel, jiñʌch tsa' bʌ letsi majlel ti' chañelal tac panchan cha'añ mi' laj but' ti pejtelel.

Chol de Tumbalá Bible

¹⁰ Jini tsa' bʌ jubi tilel, jiñʌch tsa' bʌ letsi majlel ti' chañelal tac panchan cha'an mi' laj but' pejtel panchan yic'ot pañimil.

Jiñi Tsiji' bʌ Wen T'añ cha'añ Estudio

¹⁰ Jiñi tsa' bʌ ju'bi tilel, jiñʌch tsa' bʌ letsi majlel ti' chañelal tac panchan cha'añ mi' laj but' ti pejtelel.

Chol Tila

¹⁰ Jini tsa' bʌ jubi tyʌlel c'ʌlʌ wʌ' ti mulawil jiñʌch jini tsa' bʌ cha' letsi majlel ya' ti panchan cha'an mi yumiñob pejtyelelob ba'ical jach añob.

Chol: I T’an Dios

¹⁰ Jini tsa' bʌ jubi tilel, jiñʌch tsa' bʌ letsi majlel ti' chañelal tac panchan cha'an mi' laj but' pejtel panchan yic'ot pañimil.

Efesios 4:10 Iomraidhean Croise

Mateo 24:34

Isujm mic su'beñetla, mi' caj i yujtel ti pejtelel iliyi che' cuxulob to jiñi wiñicob x'ixicob año' bʌ wʌle.

Lucas 24:44

Ti wi'il Jesús tsi' su'beyob: —Jiñʌch tsa' bʌ c su'beyetla che' añon to quic'otetla: Cha'añ wersa mi' ts'ʌctiyel pejtelel chuqui tac ts'ijbubil cha'añon ti' mandar Moisés yic'ot ti' juñ x'alt'añob yic'ot ti Salmo tac, —che'en.

Juan 1:16

Ti lac pejtelel mi' lac ch'ʌm i bujt'emal Cristo, jiñʌch i yutslel i pusic'al mu' bʌ i yʌq'ueñonla ti lac majtañ,

Juan 19:24

Che' jiñi tsi' su'beyob i bʌ: —Mach yomic mi lac tsil, la' lac cha'len yajcaya ti alas cha'añ mi lac ña'tan majqui mi caj i ch'ʌm. Che'ʌch tsa' ujti cha'añ mi' ts'ʌctiyel i Ts'ijbujel Dios mu' bʌ i yʌl: “Tsi' pucbeyob i bʌ c pislel Yic'ot tsi' cha'leyob yajcaya ti alas cha'añ mi' tsictiyel majqui mi' ch'ʌm c bujc”. Che'i tsi' meleyob soldadojob.

Juan 19:28

Yujilix Jesús ts'ʌctiyemix ti' pejtelel, tsi' yʌlʌ cha'añ mi' ts'ʌctiyel i Ts'ijbujel Dios: —Tiquiñix c ti', —che'en.

Juan 19:36

Tsa' ujti ti pejtelel iliyi cha'añ mi' ts'ʌctiyel i Ts'ijbujel Dios: “Ma'añic mi caj i c'ʌscujel mi junts'ijtic i bʌquel”.

Hechos 1:11

tsi' su'beyob: —Wiñicob, añet bʌ la ti Galilea, ¿chucoch woli la' chʌn q'uel jiñi panchan? Jiñi Jesús, tsa' bʌ pʌjyi letsel ti panchan loq'uem bʌ ti la' tojlel, mi caj i cha' tilel che' bajche' tsa' la' q'uele che' bʌ tsa' majli ti panchan.

Hechos 1:9

Che' bʌ tsa' ujti i laj su'b jiñi t'añ, che' woli to i q'uelob, tsa' pʌjyi letsel, tsa' mʌjqui ti tocal, ma'añix tsi' chʌn q'ueleyob.

Hechos 2:33

Tsa'ix aq'uenti i ñuclel Jesús ti' ñoj Dios, tsa' ts'ʌctiyi i t'añ i Tat tsa' bʌ i su'be Jesús cha'añ mi caj i yʌc' Ch'ujul bʌ Espíritu. Tsa'ix i choco tilel jiñʌch jiñi woli bʌ la' q'uel yic'ot jiñi woli bʌ la' wu'bin.

Hechos 3:18

Pero Dios tsi' ts'ʌctesa i t'añ tsa' bʌ wʌn sujbi ti' yej pejtelel x'alt'añob: cha'añ Cristo wersa mi' caj i yu'bin wocol.

2 Corintios 12:2

Cʌmbil c cha'añ juntiquil wiñic ti Cristo. Añix chʌnlujump'ejl (14) ja'b tsa' pʌjyi letsel c'ʌlʌl ti' yuxlajmlel panchan, (mi yic'ot i bʌc'tal o mi loq'uem ti' bʌc'tal, mach cujilic, cojach Dios yujil).

Efesios 3:19

com mi la' cʌmben i c'uxbiya Cristo, jiñi mach bʌ añic i p'isol i ña'tʌbal, cha'añ che' jiñi mi lac tajben i bujt'emal Cristo.

Colosenses 1:19

Come Dios yom cha'añ mi' yajñel pejtelel ti' p'ʌtʌlel i Yalobil,

Colosenses 2:9

Ti' bʌc'tal Cristo mi' yajñel pejtelel i bujt'emal Dios,

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

Hebreos 4:14

Come añ c'ax ñuc bʌ la caj Motomaj tsa' bʌ ochi ti panchan ti' tojlel Dios, jiñʌch Jesús i Yalobil Dios, jiñi cha'añ la' lac chʌn ac' ti lac pusic'al jiñi tsa' bʌ lac ñopo mu' bʌ lac su'b.

Hebreos 7:26

Jesús jiñʌch c'ax ñuc bʌ la caj Motomaj jiñi yom bʌ lac cha'añ, come ch'ujulʌch, ma'añic i jontolil, sʌc i pusic'al, mach xmulilic, tsa'ix aq'uenti i ñuclel ti panchan;

Hebreos 8:1

Añ ñuc bʌ isujmlel jiñi woli bʌ c su'b lojon tilel, jiñʌch iliyi: Añ c'ax ñuc bʌ la caj motomaj tsa' bʌ buchle ti' ñoj jiñi C'ax Ñuc bʌ woli bʌ ti yumʌntel ya' ti panchan.