Efesios 3:9 - Jiñi Tsiji' bʌ Wen T'añ cha'añ Estudio

⁹ jiñi cha'añ mic tsictesʌbeñob pejtelel wiñicob x'ixicob jiñi ñuc bʌ i ye'tel Cristo, jiñʌch jiñi mach bʌ tsictiyemic c'ʌlʌl ti' cajibal pañimil, ba ora Dios tsi' mele pejtelel chuqui tac añ;

Chol de Tumbalá Bible

⁹ Mic tsictesʌbeñob pejtelel winicob x'ixicob jini mach bʌ tsictiyemic c'ʌlʌl ti' cajibal pañimil che' bʌ tsi' mele Dios pejtelel chuqui tac an.

Jiñi Tsiji' bʌ Wen T'añ cha'añ Estudio

⁹ jiñi cha'añ mic tsictesʌbeñob pejtelel wiñicob x'ixicob jiñi ñuc bʌ i ye'tel Cristo, jiñʌch jiñi mach bʌ tsictiyemic c'ʌlʌl ti' cajibal pañimil, ba ora Dios tsi' mele pejtelel chuqui tac añ;

Chol Tila

⁹ Dios tsa' bʌ i mele pejtyel chʌ bʌ an tyac ti yʌq'ueyon c tsictisʌben pejtyelel quixtyañu jini yom bʌ i cha'len Dios cha'an mi' ch'ʌm'eñob isujm jini mach'ʌ ba'an ti yʌc'ʌ ti tsictiyel Dios c'ʌlʌ ti ñoj oniyix.

Chol: I T’an Dios

⁹ Mic tsictesʌbeñob pejtelel winicob x'ixicob jini mach bʌ tsictiyemic c'ʌlʌl ti' cajibal pañimil che' bʌ tsi' mele Dios pejtelel chuqui tac an.

Efesios 3:9 Iomraidhean Croise

Mateo 10:27

Jiñi mu' bʌ c mucul su'beñetla su'bula ti jamʌl; jiñi mu' bʌ la' mucul u'bin pam su'bula ti pejtelel otot tac.

Mateo 13:35

cha'añ mi' ts'ʌctiyel i t'añ jiñi x'alt'añ tsa' bʌ i yʌlʌ: “Mi caj c cha'len t'añ ti lajiya tac, mi caj c su'b jiñi mucul tac bʌ isujmlel c'ʌlʌl ti' cajibal pañimil”, che'en.

Mateo 25:34

Jiñi cha'añ jiñi Rey mi caj i su'ben jiñi año' bʌ ti' ñoj: “La' cu la, ochemet bʌ la ti' yutslel c Tat, ch'ʌmʌ la' yumʌntel chajpʌbil bʌ cha'añetla c'ʌlʌl ti' cajibal pañimil.

Mateo 28:19

Jiñi cha'añ, cucula, sutq'uinla ti xcʌnt'añob wiñicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, yic'ot ti' c'aba' Ch'ujul bʌ Espíritu;

Lucas 24:47

yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Juan 10:30

Joñon quic'ot c Tat junlajalon lojon, che'en Jesús.

Juan 5:17

Jesús tsi' su'beyob: —C'ʌlʌl wʌle mi' cha'len e'tel c Tat, joñon ja'el mic cha'len e'tel, —che'en.

Juan 5:19

Jiñi cha'añ Jesús tsi' su'beyob: —Isujm, isujm mic su'beñetla: Ma'añic chuqui mi mejlel i bajñel mel i Yalobil Dios; mi' q'uel chuqui tac woli' mel i Tat, come pejtelel chuqui tac mi' mel i Tat, mi' mel i Yalobil ja'el.

Hechos 15:18

che' woli' yʌl lac Yum tsa' bʌ i yʌc'ʌ ti cʌjñel c'ʌlʌl ti wajali”.

Romanos 11:25

Hermañujob, yom mi la' ña'tan jiñi t'añ mach bʌ tsictiyemic ti yam bʌ ora, ame ñuquic mi la' lon q'uel la' bʌ ti la' bajñel pusic'al, tsa' tsʌts-ayob i pusic'al lamital israelob jinto ts'ʌcʌl mi' yochelob jiñi gentilob ti' ñopol Dios.

1 Corintios 2:7

pero mic su'b lojon i ña'tʌbal Dios mach bʌ tsictiyemic ti yam bʌ ora, jiñi mucul bʌ i ña'tʌbal Dios tsa' bʌ i wʌn wa'choco che' bʌ maxto añic pañimil, cha'añ mi' yʌq'ueñonla lac ñuclel.

Efesios 1:4

Dios tsi' yajcayonla ti Cristo che' bʌ maxto melbilic pañimil cha'añ mi la cajñel ti ch'ujul yic'ot che' ma'añic lac pʌjq'uemal ti' tojlel.

Efesios 3:2

mi cʌl, tsa'ix la' wu'bi bajche' tsa' aq'uentiyon que'tel cha'añ mi cʌq'ueñetla la' cʌn i yutslel i pusic'al Dios;

Efesios 6:19

yic'ot cha'lenla oración cha'añon ja'el, cha'añ mi cʌq'uentel t'añ ba' ora mic cha'len t'añ, cha'añ ch'ejl mi cʌc' ti cʌjñel jiñi wen t'añ mach bʌ tsictiyemic ti yam bʌ ora,

Colosenses 1:23

pero yom chʌn xuc'uletla ti isujm, mi p'ʌtʌletla ti jiñi mu' bʌ la' ñop, mach mi la' cʌy la' pijtaya tsa' bʌ la' wu'bi ti jiñi t'añ woli bʌ i sujbel ti pejtelel pañimil ti' ye'bal panchan; joñon, Pablo, aq'uebilon que'tel cha'añ jiñi wen t'añ.

Colosenses 1:26

jiñi e'tel mach bʌ tsictiyemic ti yam bʌ ora, pero wʌle tsa'ix tsictesʌbentiyob i cha'año' bʌ Dios,

Colosenses 3:3

Come tsa' chʌmiyetla yic'ot Cristo. Cʌntʌbil la' cuxtʌlel yic'ot Cristo ti Dios.

Colosenses 4:3

tajayon lojon ti oración ja'el come ñup'ulon cha'añ jiñi wen t'añ, c'ajtibenla Dios cha'añ mi' chajpʌbeñon ba' mic su'b majlel jiñi wen t'añ yic'ot isujmlel Cristo mach bʌ tsictiyemic ti yam bʌ ora,

2 Tesalonicenses 2:13

Pero yom mic chʌn su'ben lojon wocolix i yʌlʌ Dios cha'añetla hermañujob, c'uxbibilet bʌ la i cha'añ lac Yum, come ti' cajibal pañimil Dios tsi' yajcayetla cha'añ mi la' coltʌntel, ti' p'ʌtʌlel jiñi Espíritu woli' yotsañetla ti ch'ujul, come woli la' ñopben isujmlel Dios.

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

2 Timoteo 1:9

Dios tsi' coltayonla; tsi' pʌyʌyonla cha'añ ch'ujul mi la cajñel ti' tojlel; mach cha'añic wen bʌ lac melbal, pero cha'añ che' yom i pusic'al tsi' pʌyʌyonla ti' yonlel i yutslel tsa' bʌ i yʌq'ueyonla ti oñiyi yic'ot Cristo Jesús,

2 Timoteo 4:17

Pero lac Yum tsa' wa'le tic t'ejl, tsi' yʌq'ueyon c p'ʌtʌlel cha'añ ts'ʌcʌl mic su'b jiñi wen t'añ, cha'añ mi' yu'biñob pejtelel gentilob. Che'i tsi' coltayon loq'uel ti' yej colem bajlum yilal.

Tito 1:2

yic'ot cha'añ mi' tajob i cuxtʌlel mach bʌ añic mi' jilel, woli bʌ lac pijtan. Come Dios mach yujilic lot, tsi' wʌn ac'ʌ i t'añ che' maxto añic pañimil,

1 Pedro 1:20

Tsa' wa'choconti Jesús che' maxto añic tsa' mejli pañimil, pero tsa' tsictiyi ti jiñi cojix bʌ q'uiñ tac am bʌ wʌle cha'añ mi' coltañetla.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 14:6

Tsa' j q'uele yam bʌ ángel woli bʌ ti wejlel ti ojlil panchan, chucul i cha'añ jiñi wen t'añ am bʌ ti pejtelel ora cha'añ mi' su'beñob jiñi chumulo' bʌ ti pañimil yic'ot jiñi año' bʌ ti pejtelel tejclum tac yic'ot pejtelel wiñicob x'ixicob yujilo' bʌ t'añ ti' chajp ti' chajp.

Apocalipsis 17:8

Jiñi jontol bʌ bʌte'el tsa' bʌ a q'uele jiñʌch am bʌ ti wajali, pero ma'añix tsiquil wʌle, mi caj i letsel loq'uel ti ch'eñ mach bʌ añix mi' tajben i ye'bal cha'añ mi' majlel ba' mi' jisʌntel. Mi caj i toj sajtel i pusic'al jiñi chumulo' bʌ ti lum, mach bʌ otsʌbilic i c'aba' ti juñ ba' ts'ijbubil i c'aba' tac jiñi año' bʌ i cuxtʌlel c'ʌlʌl ti' tejchibal pañimil, mi caj i toj sajtelob i pusic'al che' mi' q'uelob jiñi jontol bʌ bʌte'el am bʌ ti wajali, ma'añix tsiquil wʌle, mu' bʌ caj i tilel.

Apocalipsis 4:11

Uts'atet c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac añ. Ti pejtelel tsa' mejli cha'añ che'ʌch awom, tsa' laj aq'ue i cuxtʌlel.