Efesios 3:5 - Jiñi Tsiji' bʌ Wen T'añ cha'añ Estudio

⁵ mach bʌ añic tsa' aq'uentiyob i cʌn jiñi wiñicob ti yam bʌ ora, pero wʌle jiñi Espíritu tsa'ix i tsictesʌbeyob jiñi ch'ujul bʌ apóstolob yic'ot x'alt'añob i cha'añ:

Chol de Tumbalá Bible

⁵ Mach cʌmbilic i cha'an winicob ti yambʌ ora, pero wʌle jini Espíritu tsa'ix i tsictesʌbeyob jini ch'ujul bʌ apóstolob yic'ot x'alt'añob i cha'an.

Jiñi Tsiji' bʌ Wen T'añ cha'añ Estudio

⁵ mach bʌ añic tsa' aq'uentiyob i cʌn jiñi wiñicob ti yam bʌ ora, pero wʌle jiñi Espíritu tsa'ix i tsictesʌbeyob jiñi ch'ujul bʌ apóstolob yic'ot x'alt'añob i cha'añ:

Chol Tila

⁵ Ti ñoj oniyix Dios ma'an ti yʌq'ue quixtyañu i ch'ʌm'en isujm jini max tyo bʌ ba'an tsictiyem ti yambʌ ora. Pero wale cha'an ti' Ch'ujul bʌ i Ch'ujlel Dios ti yʌq'ueyob i ch'ʌm'en isujm jini yajcʌbilo' bʌ ajsubt'añob ñumel yic'ot jini tsa' bʌ i xiq'ui yʌle' Dios tsa' bʌ wen aq'ueyob i bʌ Dios.

Chol: I T’an Dios

⁵ Mach cʌmbilic i cha'an winicob ti yambʌ ora, pero wʌle jini Espíritu tsa'ix i tsictesʌbeyob jini ch'ujul bʌ apóstolob yic'ot x'alt'añob i cha'an.

Efesios 3:5 Iomraidhean Croise

Mateo 13:17

Isujm mic su'beñetla, ca'bʌl x'alt'añob yic'ot wiñicob tojo' bʌ i pusic'al, tsi' ña'ta i q'uelob jiñi woli bʌ la' q'uel, pero ma'añic tsi' q'ueleyob; tsi' ña'ta i yu'biñob jiñi woli bʌ la' wu'bin, pero ma'añic tsi' yu'biyob.

Mateo 20:7

Tsi' jac'beyob: “Come ma'añic majqui tsi' su'beyon lojon e'tel”. Tsi' su'beyob: “Cucula ja'el tic ts'usubil, [mi caj c tojetla ti uts'at”,] che'en.

Mateo 23:34

Jiñi cha'añ, mi caj c chocbeñetla tilel x'alt'añob yic'ot wiñicob año' bʌ ca'bʌl i ña'tʌbal, yic'ot xts'ijbayajob; lamital mi caj la' tsʌnsan, mi caj la' ch'ij ti cruz, yaño' bʌ mi caj la' jats'ob ti asiyal ya' ti la' sinagoga, mi caj la' tic'lañob ya' ba' mi' majlelob ti jujump'ejl tejclum;

Lucas 10:24

Come mic su'beñetla, ca'bʌl x'alt'añob yic'ot reyob tsi' ña'tayob i q'uel jiñi woli bʌ la' q'uel pero ma'añic tsi' q'ueleyob, yomob i yu'biñob jiñi woli bʌ la' wu'bin pero ma'añic tsi' yu'biyob, che'en.

Lucas 11:49

Jiñi cha'añ, Dios ja'el tsa'ix i yʌlʌ ti' ña'tʌbal: “Mi caj c chocbeñetla majlel x'alt'añob yic'ot apóstolob, lamital mi caj la' tsʌnsañob, yaño' bʌ mi caj la' tic'lañob”, che'en.

Juan 14:26

Jiñi la' waj Pi'leya, jiñʌch Ch'ujul bʌ Espíritu, mu' bʌ caj i chocbeñetla tilel c Tat ti j c'aba', jiñi mi caj i cʌntesañetla pejtelel chuqui tac añ, mi caj i yʌq'ueñetla la' cha' ña'tan pejtelel chuqui tsa' c su'beyetla.

Juan 16:13

Che' julemix jiñi Espíritu mu' bʌ i tsictesan isujmlel, jiñi mi caj i yʌq'ueñetla la' cʌn pejtelel isujmlel tac, come ma'añic mi' c'ʌn i bajñel pusic'al i tsictesan chuqui tac mi' su'b, cojach mi' su'b pejtelel chuqui tac mi yu'bin yic'ot ja'el mi caj i su'beñetla chuqui tac tal.

Hechos 10:28

Pedro tsi' su'beyob: —La' wujil tic'bil ti mandar mi' yajñel judío yic'ot wiñic ch'oyol bʌ ti yam bʌ lum, pero Dios tsi' cʌntesayon cha'añ mach weñic mic ts'a'len wiñicob mi juntiquilic, mach mejlic c bi'leñob.

Romanos 16:25

Jiñi Dios mu' bʌ i p'ʌt-esañetla che' bajche' mi yʌl jiñi wen t'añ mu' bʌ c su'b, mu' bʌ i yʌc' ti cʌjñel Jesucristo, come tsi' tsictesa jiñi mucul tac bʌ mach bʌ tsiquilic ti yam bʌ ora c'ʌlʌl ti' cajibal pañimil,

1 Corintios 2:10

Pero Dios tsi' laj tsictesʌbeyonla ti' p'ʌtʌlel jiñi Espíritu, come jiñi Espíritu mi' laj ch'ʌmben isujmlel jiñi wocol tac bʌ ti' ch'ʌmbentel isujm.

Efesios 2:20

Pejtelel xñopt'añob wa'chocobilob che' bajche' jump'ejl jach bʌ otot, woli bʌ i jac'beñob i cʌntesa jiñi apóstolob yic'ot x'alt'añob, Jesucristo jiñʌch jiñi Ñuc bʌ Xajlel ti' xujc ili otot,

Efesios 3:9

jiñi cha'añ mic tsictesʌbeñob pejtelel wiñicob x'ixicob jiñi ñuc bʌ i ye'tel Cristo, jiñʌch jiñi mach bʌ tsictiyemic c'ʌlʌl ti' cajibal pañimil, ba ora Dios tsi' mele pejtelel chuqui tac añ;

2 Pedro 3:2

Yom c'ajal la' cha'añ i t'añ jiñi ch'ujul bʌ x'alt'añob ti oñiyi yic'ot i mandar lac Yum la caj Coltaya che' bajche' tsi' su'beyetla jiñi apóstolob.

Judas 1:17

Pero jatetla c'uxbibilet bʌ la, ña'tanla chuqui tsi' wʌn su'buyob jiñi apóstolob i cha'añ lac Yum Jesucristo.