Efesios 2:2 - Jiñi Tsiji' bʌ Wen T'añ cha'añ Estudio

² come ti yam bʌ ora tsa' ajñiyetla ti jontolil che' bajche' mi' melob jiñi i cha'año' bʌ pañimil, tsa' la' jac'be Satanás i yum pañimil mu' bʌ i yuman xi'bajob, jiñʌch jiñi espíritu woli bʌ ti e'tel ti' pusic'al xñusa mandarob,

Chol de Tumbalá Bible

² Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Jiñi Tsiji' bʌ Wen T'añ cha'añ Estudio

² come ti yam bʌ ora tsa' ajñiyetla ti jontolil che' bajche' mi' melob jiñi i cha'año' bʌ pañimil, tsa' la' jac'be Satanás i yum pañimil mu' bʌ i yuman xi'bajob, jiñʌch jiñi espíritu woli bʌ ti e'tel ti' pusic'al xñusa mandarob,

Chol Tila

² Ti yambʌ ora ti la' cha'le simaronlel che' bajche' jini mach'ʌ ba'an mi' ña'tyañob. Ti la' tsʌcle bajche' ti' pʌs'eyetla xiba mach'ʌ tsiquil ti lac wut mu' bʌ ti xic'ojel wʌ' ti mulawil. Como jini mi' ch'ejlisan jini mu' bʌ i ñusʌbeñob i xic'ojel Dios.

Chol: I T’an Dios

² Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Efesios 2:2 Iomraidhean Croise

Mateo 11:19

Tsa' tili i Yalobil Wiñic, añ chuqui tsi' c'uxu añ chuqui tsi' japʌ; tsi' yʌlʌyob: “Q'uele jiñi xwo'lel, jiñi xjap vino, mi' cha'len xʌmbal yic'ot xch'ʌm tojoñelob yic'ot xmulilob”. Pero i ña'tʌbal Dios mi' tsictiyel ti' wen bʌ i melbal i yalobilob, che'en Jesús.

Mateo 13:22

Jiñi wejch'ubil bʌ ti ch'ixol, jiñʌch mu' bʌ i yu'bin jiñi wen t'añ, pero ca'bʌl jax i c'oj-ol cha'añ pañimil yic'ot i lotintel cha'añ chu'bʌañʌl, mi' c'unte' jisan jiñi wen t'añ ti' pusic'al yic'ot ma'añic mi' yʌc' ti wut.

Mateo 13:38

Jiñi jamil jiñʌch pañimil; jiñi wen bʌ pac' jiñʌch i yalobilob i yumʌntel Dios; jiñi jam mach bʌ weñic jiñʌch i yalobilob jiñi xjontolil;

Marcos 4:19

pero i ye'tel ti pañimil, yic'ot i mulʌntel chu'bʌañʌl, yic'ot i mulʌntel chuqui tac yomob, mi' yochel ti' pusic'al, mi' jisan jiñi t'añ cha'añ ma'añic mi' yʌc' i wut.

Lucas 16:8

I yum tsa' caji i su'b i ñuclel jiñi jontol bʌ i yaj e'tel, come mayajax bajche' tsi' mele. Come i cha'año' bʌ pañimil ñumen mayajax i melbalob ti' tojlel i pi'ʌlob bajche' i cha'año' bʌ i sʌclel pañimil.

Lucas 22:31

Lac Yum tsi' yʌlʌ ja'el: —Simón, Simón, awilan, Satanás tsi' c'ajtiyetla cha'añ mi' chijcañetla che' bajche' mi' chijcañob loq'uel i sujl trigo.

Juan 12:31

Wʌle i yorajlelix mi caj i mejlelob jiñi año' bʌ ti pañimil; wʌle mi caj i chojquel loq'uel i yum pañimil.

Juan 13:2

Che' woli i c'uxob waj ti' ac'ʌlel, jiñi xi'ba tsi' ñijcʌbe i pusic'al Judas Iscariote, i yalobil bʌ Simón, cha'añ mi' yʌc' Jesús ti' c'ʌb i contra.

Juan 13:27

Che' bʌ tsi' ch'ʌmʌ Judas jiñi ts'ajbil bʌ waj, tsa' ochi Satanás ti' pusic'al, jiñi cha'añ Jesús tsi' su'be: —Jiñi mu' bʌ caj a mel, mele ti ora, —che'en.

Juan 14:30

Mach ca'bʌlix mic caj chʌn c pejcañetla, come tal i yum pañimil, pero ma'añic i p'ʌtʌlel tic tojlel.

Juan 15:19

Che' i cha'añeticla pañimil, jiñi pañimil mi' c'uxbiñetla che' bajche' mi c'uxbiñob i bʌ, pero come mach i cha'añeticla pañimil, joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil.

Juan 16:11

Mi caj i ña'tañob añ tojmulil, come otsʌbilix ti tojmulil i yum pañimil.

Juan 7:7

Wiñicob x'ixicob i cha'año' bʌ pañimil mach mejlic i ts'a'leñetla; pero joñon mi' ts'a'leñoñob come mic tsictesʌbeñob jontol bʌ i melbal.

Juan 8:23

Jesús tsi' su'beyob: —Jatetla añetla ti' ye'bal, joñon añon ti chañ, i cha'añetla jiñi pañimil, joñon mach i cha'añoñic jiñi pañimil.

Juan 8:44

Jatetla, la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Hechos 19:35

Jiñi cha'añ, jiñi xts'ijbaya che' bʌ tsa'ix i ñʌch'choco jiñi bajc'ʌl wiñicob x'ixicob, tsi' su'beyob: “Wiñicob, añet bʌ la wʌ' ti Éfeso, ¿baqui añ juntiquil wiñic mach bʌ yujilic mi ti pejtelel lac tejclum Éfeso mi' cʌntʌbentel i yotlel jiñi x'ixic dios Diana yic'ot i yejtal tsa' bʌ i choco ju'bel Júpiter?

Hechos 5:3

Pedro tsi' su'be: —Ananías ¿chucoch tsa' bujt'i a pusic'al ti Satanás cha'añ ma' lotin jiñi Ch'ujul bʌ Espíritu che' bʌ tsa' lamital loto i tojol a lum?

Romanos 12:2

Mach mi la' mel bajche' mi' melob jiñi año' bʌ ti pañimil, la' q'uextʌyic la' pusic'al ti tsijib, cha'añ mi la' cʌn chuqui yom Dios, jiñʌch wen tac bʌ yic'ot ts'ʌcʌl tac bʌ mu' bʌ i mulan.

1 Corintios 5:10

Isujm, mach mejlic la' junyajlel loq'uel ti' tojlel i cha'año' bʌ pañimil mu' bʌ i cha'leñob ts'i'lel, mu' bʌ i chʌcleñob i chu'bʌañ, mu' bʌ i cha'leñob xujch', mu' bʌ i c'uxbiñob i diosob tac, muq'uic la' junyajlel loq'uel ti' tojlelob, che' jiñi, ma'añoñixla ti pañimil.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo, che' ja'el wolix la' q'uejlel ti toj cha'añ ti' c'aba' lac Yum Jesucristo yic'ot cha'añ ti yEspíritu lac Dios.

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

Gálatas 1:4

Tsi' yʌc'ʌ i bʌ ti chʌmel cha'añ lac mul che' bajche' yom Dios lac Tat cha'añ mi' loc'sañonla ti' p'ʌtʌlel jontolil am bʌ ti pañimil wʌle.

Efesios 1:21

Ñumen ñuc Cristo bajche' pejtelel i yumʌntel tac pañimil yic'ot jiñi ñuco' bʌ i ye'tel año' bʌ i p'ʌtʌlel yic'ot i yumʌntel, ñumen ñuc i ye'tel bajche' pejtelel wa'chocobilo' bʌ, mach cojic jach ti ili ora pero che'ʌch ja'el ti jiñi tal to bʌ ora.

Efesios 2:11

Ña'tanla bajche' añetla ti yam bʌ ora gentilet bʌ la, ts'a'lebiletla cha'añ mach tsepbilic la' pʌchʌlel, jiñi tsepbilo' bʌ i pʌchʌlel tsi' bajñel su'buyob i bʌ ti ñuc cha'añ tsepbil i pʌchʌlel ti' c'ʌb wiñicob.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yam bʌ ora, tsa'ix pʌjyiyetla ti lʌc'ʌl cha'añ ti' ch'ich'el Cristo.

Efesios 2:3

ti yam bʌ ora lajalʌch tsa' ajñiyonla che' bajche' yaño' bʌ, tsa' lac mele che' bajche' yom lac tsucul pusic'al yic'ot lac bʌc'tal yic'ot lac tsucul ña'tʌbal, jiñi cha'añ ochemonla ti' mich'ajel Dios lajal che' bajche' yaño' bʌ.

Efesios 4:17

Jiñi cha'añ mic su'beñetla ti lac Yum, mach yomic mi la' chʌn ajñel che' bajche' yaño' bʌ gentilob, sojquem jax bʌ i ña'tʌbal,

Efesios 4:22

jiñi cha'añ yom mi la' cʌy i tsuculel la' pusic'al tsa' bʌ i lotiyetla che' bʌ tsa' la' jac'ʌ ti yam bʌ ora, come tuwix yu'bil cha'añ i colosojlel,

Efesios 5:6

Ma'añic majqui yom mi' lotiñetla yic'ot lolom jach bʌ t'añ, come jiñi cha'añ tal i mich'ajel Dios ti' contra xñusa mandarob.

Efesios 5:8

ti yam bʌ ora añetla ti ic'ch'ipan bʌ pañimil, pero wʌle añetla ti' sʌclel pañimil yic'ot lac Yum, i sʌcleletla pañimil yic'ot lac Yum; ajñenla che' bajche' jiñi año' bʌ ti' sʌclel pañimil.

Efesios 6:12

Come ma'añic woli laj contrajin wiñicob año' bʌ i bʌc'tal yic'ot i ch'ich'el, pero woli laj contrajin xi'bajob año' bʌ i ye'tel yic'ot i p'ʌtʌlel, woli bʌ i melob i yumʌntel ti ic'ch'ipan bʌ pañimil, yic'ot jontol bʌ espíritujob ti pañimil.

Colosenses 1:21

Ti yam bʌ ora ñajt añetla ti Dios, tsa' la' contraji Dios ti la' pusic'al yic'ot ti jontol bʌ la' melbal,

2 Timoteo 4:10

come Demas tsi' cʌyʌyon cha'añ tsi' mula pañimil, tsa' majli ti Tesalónica, Crescente tsa' majli ti Galacia, Tito tsa' majli ti Dalmacia.

Santiago 1:27

Jiñi mu' bʌ i ch'ujutesan Dios ti isujm, mach bʌ añic i bi'bi'lel ti' tojlel Dios lac Tat, jiñʌch iliyi: Mu' bʌ i coltañ me'ba' alobob yic'ot me'ba' x'ixicob che' ti yorajlel wocol, mi' chʌcʌ q'uel i bʌ cha'añ ma'añic mi mel che' bajche' jiñi año' bʌ ti pañimil.

Santiago 1:7

Mi che' bajche' jiñi, ña'tanla che' jiñi ma'añic chuqui mi caj la' wʌq'uentel ti lac Yum.

Santiago 4:4

Lajaletla bajche' x'ixic mu' bʌ i cʌy i ñoxi'al cha'añ mi' c'uxbin i contra. ¿Mach ba la' wujilic jiñi mu' bʌ i c'uxbin i cha'añ bʌ pañimil, mi' contrajin Dios? Jiñi yom bʌ i c'uxbintel ti pañimil, woli' yotsan i bʌ ti' contra Dios.

1 Pedro 1:14

Yom lajaletla bajche' alobob mu' bʌ i wen jac'ob t'añ, mach mi la' chʌn mel che' bajche' ti yam bʌ ora che' maxto añic la' ña'tʌbal, che' bʌ tsa' la' jac'ʌ i colosojlel la' pusic'al.

1 Pedro 4:3

Jasʌlix jiñi q'uiñ tac tsa' bʌ la' ñusa ti' melol mulil che' bajche' jiñi sajtemo' bʌ mu' bʌ i jac'ob i colosojlel i pusic'al yic'ot i ts'i'lel, mi' cha'leñob chuqui jisil yic'ot yʌc'ʌjel yic'ot leco bʌ q'uiñijel, yic'ot lemoñel. Mi' melob leco bʌ i q'uiñilel i dios te' tac.

2 Pedro 2:14

But'ulob i pusic'al ti' ts'i'lel, mach mejlic i cʌyob i mul, mi' pʌyob ti mulil jiñi mach bʌ xuc'ulobic i pusic'al, ñʌmʌlobix ti' ts'i'lel i wut; chocbilobix ti Dios.

1 Juan 3:10

Che' jiñi, tsiquil majqui i yalobilob Dios yic'ot majqui i yalobilob xi'ba. Come majqui jach ma'añic mi' mel chuqui toj yic'ot ma'añic mi' c'uxbin i yermañu mach i cha'añic Dios.

1 Juan 3:8

Jiñi mu' bʌ i cha'len mulil i cha'añʌch xi'ba, come jiñi xi'ba woli' chʌn cha'len mulil c'ʌlʌl ti' cajibal. Jiñi cha'añ tsa' tsictiyi i Yalobil Dios cha'añ mi' jisʌben i ye'tel xi'ba.

1 Juan 4:4

Calobilob, i cha'añetla Dios, tsa'ix la' t'uchta jiñi xlotob come ñumen ñuc jiñi am bʌ ti la' pusic'al bajche' jiñi am bʌ ti pañimil.

1 Juan 5:19

La cujil i cha'añonla Dios, pejtelel i cha'año' bʌ pañimil añob ti' c'ʌb jiñi xi'ba.

1 Juan 5:4

Come jiñi tsa' bʌ i yila pañimil ti Dios, mi' t'uchtan i cha'añ bʌ pañimil. Jiñʌch i t'uchtʌntel pañimil che' mi lac ñop Dios.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Apocalipsis 13:14

Tsi' loti pejtelel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jiñi jontol bʌ bʌte'el, tsi' yʌq'ueyob mandar jiñi chumulo' bʌ ti pañimil cha'añ mi' melob i yejtal jiñi jontol bʌ bʌte'el tsa' bʌ lojwi ti espada, tsa' bʌ cha' lajmi i lojwel.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'añ ti' buchlib Dios ya' ti templo am bʌ ti panchan, tsi' yʌlʌ: ¡Tsa'ix ujti! Che'en.

Apocalipsis 20:2

Tsi' chucu jiñi colem ajin, jiñi oñiyi bʌ lucum, jiñi xi'ba, Satanás, tsi' cʌchʌ cʌytʌl lujunc'al i yuxbajc' (1,000) ja'b.