Efesios 2:11 - Jiñi Tsiji' bʌ Wen T'añ cha'añ Estudio

¹¹ Ña'tanla bajche' añetla ti yam bʌ ora gentilet bʌ la, ts'a'lebiletla cha'añ mach tsepbilic la' pʌchʌlel, jiñi tsepbilo' bʌ i pʌchʌlel tsi' bajñel su'buyob i bʌ ti ñuc cha'añ tsepbil i pʌchʌlel ti' c'ʌb wiñicob.

Chol de Tumbalá Bible

¹¹ Ña'tanla bajche' añetla ti yambʌ ora gentilet* bʌ la. Jini tsepbilo'* bʌ i pʌchʌlel tsi' bajñel subuyob i bʌ ti ñuc cha'an tsepbil i pʌchʌlel ti c'ʌb winicob. Tsi' ts'a'leyetla cha'an mach tsepbilic la' pʌchʌlel.

Jiñi Tsiji' bʌ Wen T'añ cha'añ Estudio

¹¹ Ña'tanla bajche' añetla ti yam bʌ ora gentilet bʌ la, ts'a'lebiletla cha'añ mach tsepbilic la' pʌchʌlel, jiñi tsepbilo' bʌ i pʌchʌlel tsi' bajñel su'buyob i bʌ ti ñuc cha'añ tsepbil i pʌchʌlel ti' c'ʌb wiñicob.

Chol Tila

¹¹ Jatyetla, mach bʌ israeleticla, c'ajal la' cha'an bajche' añetla ti yambʌ ora. Cha'an mach israeleticla, jini israelo' bʌ i tyʌlelʌch mi' tsepob i pʌchʌlel ti' pejcʌyetla ti mach'ʌ ba'an tsepel i pʌchʌlel bʌ quixtyañujob.

Chol: I T’an Dios

¹¹ Ña'tanla bajche' añetla ti yambʌ ora gentilet bʌ la. Jini tsepbilo' bʌ i pʌchʌlel tsi' bajñel subuyob i bʌ ti ñuc cha'an tsepbil i pʌchʌlel ti c'ʌb winicob. Tsi' ts'a'leyetla cha'an mach tsepbilic la' pʌchʌlel.

Efesios 2:11 Iomraidhean Croise

Mateo 20:7

Tsi' jac'beyob: “Come ma'añic majqui tsi' su'beyon lojon e'tel”. Tsi' su'beyob: “Cucula ja'el tic ts'usubil, [mi caj c tojetla ti uts'at”,] che'en.

Romanos 11:17

Mi añ lamital i c'ʌb jiñi te', tsa' bʌ jajqui loq'uel, ixcu jatet, i c'ʌbet olivo te' tsa' jach bʌ yʌlo coli ti mate'el; tsa' jach ñʌjp'iyet ochel ba' tsa' jajqui loq'uel i c'ʌb, tsa' taja a p'ʌtʌlel ti' wi' yic'ot ti' yetsel jiñi wen bʌ olivo te'.

Romanos 2:26

Jiñi mach bʌ tsepbilic i pʌchʌlel mi tsi' mele chuqui tac toj mu' bʌ i yʌl jiñi mandar, ¿mach ba tsepbilic i pʌchʌlel yilal ti' tojlel Dios?

Romanos 2:27

Jiñi mach bʌ tsepbilic i pʌchʌlel, pero mi ts'ʌcʌl tsi' jac'ʌ mandar, mi caj i tsictesan a mul, come woli a ñusan mandar che' añ a cha'añ jiñi ts'ijbubil bʌ mandar yic'ot tsep pʌchʌlel.

1 Corintios 12:2

La' wujil che' sajtemetla tsa' pʌjyiyetla majlel ba'añ x'uma' dios tac, bajche' jach tsa' ñijcʌntiyetla.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo, che' ja'el wolix la' q'uejlel ti toj cha'añ ti' c'aba' lac Yum Jesucristo yic'ot cha'añ ti yEspíritu lac Dios.

Gálatas 2:15

Joñonla judíojonla tsa' la quila pañimil ti Israel, mach i pi'ʌloñicla jiñi xmulilob ti' tojlel gentilob.

Gálatas 6:12

Pejtelel jiñi yomo' bʌ q'uejlel ti ñuc, mi' wersa xic'beñetla cha'añ mi la' ch'ʌm tsep pʌchʌlel, come mach yomobic i yu'bin wocol cha'añ i cruz Cristo,

Efesios 2:2

come ti yam bʌ ora tsa' ajñiyetla ti jontolil che' bajche' mi' melob jiñi i cha'año' bʌ pañimil, tsa' la' jac'be Satanás i yum pañimil mu' bʌ i yuman xi'bajob, jiñʌch jiñi espíritu woli bʌ ti e'tel ti' pusic'al xñusa mandarob,

Efesios 5:8

ti yam bʌ ora añetla ti ic'ch'ipan bʌ pañimil, pero wʌle añetla ti' sʌclel pañimil yic'ot lac Yum, i sʌcleletla pañimil yic'ot lac Yum; ajñenla che' bajche' jiñi año' bʌ ti' sʌclel pañimil.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu, mi' ñuc añ lac pusic'al ti Cristo Jesús, la cujil mach mejlic lac bajñel coltañ lac bʌ,

Colosenses 1:21

Ti yam bʌ ora ñajt añetla ti Dios, tsa' la' contraji Dios ti la' pusic'al yic'ot ti jontol bʌ la' melbal,

Colosenses 2:11

Ti Cristo ja'el tsa' tsejpi la' pʌchʌlel yilal che' bʌ tsa' la' choco i tsuculel la' pusic'al am bʌ ti la' bʌc'tal, jiñʌch mero tsep pʌchʌlel, mach bʌ melbilic ti c'ʌbʌl, i ye'telʌch Cristo.

Colosenses 2:13

Ti yam bʌ ora che' chʌmeñetla ti mulil, che' mach tsepbilic la' pʌchʌlel, Dios tsi' yʌq'ueyetla la' cuxtʌlel yic'ot Cristo, tsi' ñusʌbeyetla pejtelel la' mul,

Colosenses 3:11

ti Cristo mach jelchojquic mi' q'uejlelob wiñicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic juñ, mi añ ti' yum, o mi ma'añic i yum, pero Cristo i Yumʌch pejtelel wiñicob yic'ot pejtelel chuqui tac añ.