Efesios 1:7 - Jiñi Tsiji' bʌ Wen T'añ cha'añ Estudio

⁷ Tsi' mʌñʌyonla ti' ch'ich'el Cristo, tsi' ñusʌbeyonla lac mul come oñ i yutslel i pusic'al,

Chol de Tumbalá Bible

⁷ Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Jiñi Tsiji' bʌ Wen T'añ cha'añ Estudio

⁷ Tsi' mʌñʌyonla ti' ch'ich'el Cristo, tsi' ñusʌbeyonla lac mul come oñ i yutslel i pusic'al,

Chol Tila

⁷ Cha'an ti' wen p'untyʌyonla Dios, ti' beque i ch'ich'el i Yalobil cha'an mi' cotyañonla cha'an mi' ñusʌbeñonla lac mul.

Chol: I T’an Dios

⁷ Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 1:7 Iomraidhean Croise

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Mateo 26:28

jiñʌch c ch'ich'el cha'añ jiñi tsijib xuc'ul bʌ c t'añ, mu' bʌ i bejq'uel cha'añ ca'bʌlob cha'añ i ñusʌntel mulil.

Mateo 6:12

Ñusʌbeñon lojon c mul che' bajche' mic ñusʌbeñob i mul c pi'ʌlob lojon.

Marcos 14:24

Jesús tsi' su'beyob: —Jiñʌch c ch'ich'el cha'añ jiñi tsijib xuc'ul bʌ t'añ mu' bʌ i bejq'uel cha'añ ca'bʌlob.

Lucas 1:77

cha'añ ma' wʌq'ueñob i cʌn wiñicob x'ixicob bajche' mi caj i coltʌntelob cha'añ mi' ñusʌbentelob i mul.

Lucas 24:47

yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Juan 20:23

Majqui jach mi la' ñusʌben i mul, ñusʌbilʌch, majqui jach ma'añic mi la' ñusʌben i mul, mach ñusʌbilic, che'en.

Hechos 10:43

Pejtelel x'alt'añob tsi' su'buyob mi caj i ñusʌbentelob i mul ti' c'aba' Jesús pejtelel mu' bʌ i ñopob.

Hechos 2:38

Pedro tsi' su'beyob: —Cʌyʌx la' mul, ch'ʌmʌxla ja' ti jujuntiquiletla ti' c'aba' Jesucristo, cha'añ mi' ñusʌntel la' mul; che' jiñi mi caj la' wʌq'uentel Ch'ujul bʌ Espíritu ti la' majtañ.

Hechos 20:28

Chʌcʌ q'uele la' bʌ che' jiñi. Cʌntanla pejtelel jiñi tʌñʌme', come jiñi Ch'ujul bʌ Espíritu tsi' yʌq'ueyetla la' we'tel ti xcʌntaya cha'añ mi la' we'san jiñi xñopt'añob i cha'año' bʌ lac Yum tsa' bʌ i mʌñʌ ti' bajñel ch'ich'el.

Hechos 3:19

Jiñi cha'añ cʌyʌ la' mul, sutq'uin la' bʌ cha'añ mi' ñusʌntel la' mul, cha'añ mi la' taj c'aj-o ti' tojlel lac Yum,

Romanos 2:4

¿Mach ba añic ma' ña'tan woli a ñusʌben i yutslel i pusic'al Dios, che' jal woli i cuchbeñet a mul? ¿Mach ba a wujilic cha'añ ti' yutslel i pusic'al Dios woli pʌyet majlel cha'añ ma' cʌy a mul?

Romanos 3:24

pero Dios mi' q'uelonla ti toj cha'añ jach i yutslel i pusic'al ti Cristo Jesús che' bʌ tsi' mʌñʌyonla, cha'añ mi' yʌc'ob ti colel;

Romanos 3:25

come Dios tsi' yʌc'ʌ Cristo cha'añ mi' tojbeñonla lac mul ti' ch'ich'el, cha'añ mi' lajmel i mich'ajel ti' tojlel pejtelel mu' bʌ i ñopob; che' jiñi tsiquil tojʌch Dios tsa' bʌ i cuchbeyob i mul wiñicob x'ixicob ti yam bʌ ora,

Romanos 9:23

Cha'añ mi' yʌc' ti tsictiyel pejtelel i ñuclel ti' tojlel jiñi p'untʌbilo' bʌ i cha'añ, wen jal tsi' cuchbeyob i mul jiñi yajcʌbilo' bʌ cha'añ mi' tajob i ñuclel.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

2 Corintios 8:9

Come cʌñʌlix la' cha'añ i yutslel i pusic'al lac Yum Jesucristo, jiñi wen chumul bʌ tsa' ochi ti p'ump'un come c'ux tsi' yu'biyetla, jiñi cha'añ tsa' ochi ti p'ump'un cha'añ wen chumul mi la' wajñel.

Efesios 1:14

Aq'uebilonla jiñi Espíritu cha'añ mi lac ña'tan ts'ʌcʌl mi caj lac ch'ʌm pejtelel chuqui wʌn albil i cha'añ Dios, mi caj i yʌc' ti libre i cha'año' bʌ cha'añ mi lac tsictesan i ñuclel Dios.

Efesios 1:18

la' i yʌq'ueñet la' ch'ʌmben isujm chuqui woli la' pijtan, come jiñi cha'añ tsi' pʌyʌyetla cha'añ mi la' cʌn jiñi uts'at tac bʌ mu' bʌ caj i yʌq'ueñ i cha'año' bʌ,

Efesios 1:6

cha'añ mi lac su'b i ñuclel Dios cha'añ i yutslel i pusic'al tsa' bʌ i yʌq'ueyonla ti lac majtañ ti' tojlel c'uxbibil bʌ i Yalobil.

Efesios 1:8

mach p'isbilic tsi' yʌq'ueyonla i yutslel cha'añ ti ca'bʌl i ña'tʌbal.

Efesios 2:4

Pero Dios wen ca'bʌl tsi' p'untayonla, yic'ot wen ca'bʌl tsi' c'uxbiyonla,

Efesios 2:7

cha'añ mi' pʌs ti pejtelel ora bajche' tsi' p'untayonla ti oñ bʌ i yutslel i pusic'al, yic'ot i c'uxbiya tsa' bʌ i melbeyonla ti Cristo Jesús.

Efesios 3:16

mij c'ajtiben Dios, cha'añ mi yʌq'ueñetla jiñi ñumen ñuc bʌ i ñuclel lac Yum, yic'ot cha'añ mi' p'ʌt-esʌbeñetla la' pusic'al yic'ot jiñi Espíritu,

Efesios 3:8

Anquese joñon mach ñucoñic che' bajche' yaño' bʌ i cha'año' bʌ Dios, pero tsa' aq'uentiyon que'tel ti' yutslel Cristo cha'añ mic su'beñob gentilob jiñi wen t'añ, cha'añ mi' cʌmbeñob i ñuclel Cristo maxto bʌ laj cʌmbilic lac cha'añ,

Filipenses 4:19

Lac Yum Dios mi caj i yʌq'ueñetla pejtelel chuqui añ to yom la' cha'añ che' bajche' c'amel añ i cha'añ Cristo Jesús ya' ti panchan.

Colosenses 1:14

tsa' bʌ i yʌc'ʌyonla ti colel che' bʌ tsi' ñusʌbeyonla lac mul [ti' ch'ich'el].

Colosenses 1:27

Dios tsi' ña'ta i yʌc' ti cʌjñel ti' tojlel pejtelel wiñicob x'ixicob jiñi c'ax ñuc bʌ isujmlel mach bʌ tsictiyemic ti yam bʌ ora; jiñi ñuc bʌ ti cʌñol jiñʌch Cristo woli bʌ i yajñel ti la' pusic'al, jiñʌch mu' bʌ i yʌq'ueñetla la' pijtan la' ñuclel.

Colosenses 2:13

Ti yam bʌ ora che' chʌmeñetla ti mulil, che' mach tsepbilic la' pʌchʌlel, Dios tsi' yʌq'ueyetla la' cuxtʌlel yic'ot Cristo, tsi' ñusʌbeyetla pejtelel la' mul,

Colosenses 2:2

mic cha'len wersa cha'añ mi' cha' ñuq'uesʌntel la' pusic'al yic'ot cha'añ mi la' c'uxbin la' bʌ ti jump'ejl la' pusic'al, com mi la' laj ch'ʌmben isujm pejtelel jiñi c'ax ñuc tac bʌ isujmlel maxto bʌ tsictiyemic ti yam bʌ ora, cha'añ mi la' cʌn isujmlel Dios lac Tat yic'ot Cristo,

1 Timoteo 2:6

tsi' yʌc'ʌ i bʌ cha'añ mi' mʌn pejtelel año' bʌ ti pañimil, jiñʌch i ye'tel tsa' bʌ ajq'ui ti cʌjñel che' ti' yorajlel.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Tito 3:6

come Dios tsi' wen aq'ueyonla Ch'ujul bʌ Espíritu ti Jesucristo, la caj Coltaya,

Hebreos 9:22

Che' bajche' mi' yʌl jiñi mandar, cojach yic'ot ch'ich' mi' sʌc-esʌntel ti pejtelel; machic mi' bejq'uel i ch'ich'el i majtañ Dios, ma'añic i ñusʌntel mulil.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 2:12

woli c ts'ijbubeñetla calobilob, come ñusʌbilix la' mul cha'añ ti c'aba' Jesús.

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

1 Juan 4:10

Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

Apocalipsis 14:4

Jiñobʌch sʌco' bʌ mach bʌ añic tsi' cha'leyob ts'i'lel. Mi' tsajcañob jiñi Tʌñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jiñi ñaxan bʌ pac' ti' tojlel Dios yic'ot jiñi Tʌñʌme'.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,