Efesios 1:11 - Jiñi Tsiji' bʌ Wen T'añ cha'añ Estudio

¹¹ Tsi' yajcayonla ti Cristo che' bajche' tsi' wʌn ña'ta i mel, cha'añ mi yʌq'ueñonla pejtelel tsa' bʌ i wʌn alʌ come Dios mi' mel che' bajche' yom i pusic'al,

Chol de Tumbalá Bible

¹¹ Tsi' yajcayonla ti Cristo che' bajche' tsi' wʌn ña'ta i mel, come Dios mi' lu' mel che' bajche' yom i pusic'al.

Jiñi Tsiji' bʌ Wen T'añ cha'añ Estudio

¹¹ Tsi' yajcayonla ti Cristo che' bajche' tsi' wʌn ña'ta i mel, cha'añ mi yʌq'ueñonla pejtelel tsa' bʌ i wʌn alʌ come Dios mi' mel che' bajche' yom i pusic'al,

Chol Tila

¹¹ Cha'an añonla ti Cristo, Dios ti wʌ yajcʌyonla cha'an mi la cʌq'uentyel jini mu' bʌ i yʌq'ueñonla. Chʌ'ʌch mi quej i yujtyel como chʌ'ʌch ti' wʌ ña'tyʌ Dios. Mux i bej cha'len Dios bajche' wen mi yubin.

Chol: I T’an Dios

¹¹ Tsi' yajcayonla ti Cristo che' bajche' tsi' wʌn ña'ta i mel, come Dios mi' lu' mel che' bajche' yom i pusic'al.

Efesios 1:11 Iomraidhean Croise

Hechos 13:48

Jiñi gentilob wen tijicñayob che' bʌ tsi' yu'biyob jiñi t'añ, tsi' su'buyob wen ñuc i t'añ lac Yum. Jiñi tsa' bʌ yajcʌntiyob cha'añ mi' tajob i cuxtʌlel mach bʌ añic mi' jilel, tsi' laj ñopoyob.

Hechos 2:23

Jesús tsa' ajq'ui ti' c'ʌb wiñicob che' bajche' wʌn ña'tʌbil i cha'añ Dios ti wajali, jatetla tsa' la' wʌc'ʌ ti chucol yic'ot tsa' la' tsʌnsa ti' c'ʌb xñusa mandarob cha'añ mi' ch'ijob ti cruz.

Hechos 20:27

ma'añic tsa' c cha'le bʌq'uen, pero ts'ʌcʌl tsa' c su'beyetla i t'añ Dios.

Hechos 20:32

Wʌle, hermañujob, mi cʌq'uetla ti' c'ʌb Dios yic'ot ti' wenta jiñi wen t'añ mu' bʌ i tsictesan i yutslel i pusic'al Dios. Añ i p'ʌtʌlel jiñi t'añ cha'añ mi' xuc'chocon la' pusic'al, cha'añ mi la' wʌq'uentel chuqui tac la' tem cha'añ jach la' wic'ot pejtelel jiñi sʌc-esʌbilo' bʌ.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

Hechos 4:28

cha'añ mi' ts'ʌctesañob jiñi tsa'ix bʌ a wʌn ña'ta cha'añ mi' yujtel.

Romanos 11:34

come, ¿am ba majqui tsi' cʌmbe i ña'tʌbal Dios? ¿O am ba majqui tsi' cʌntesa?

Romanos 8:17

Mi i yalobilonla Dios, añ chuqui mi caj la cʌq'uentel ti Dios, mi tsa' la cu'bi wocol temel yic'ot Cristo, lac tem cha'añ jach la quic'ot Cristo chuqui mi caj la cʌq'uentel, cha'añ temel mi lac taj lac ñuclel yic'ot Cristo.

Romanos 8:28

La cujil mi' c'ʌn Dios pejtelel chuqui tac mi yujtel cha'añ i wenlel jiñi mu' bʌ i c'uxbiñob Dios, jiñobʌch jiñi pʌybilo' bʌ i cha'añ che' bajche' tsi' wʌn ña'ta.

Romanos 8:29

Come Dios tsi' wʌn yajca i cha'año' bʌ, tsi' wʌn wa'chocoyob cha'añ mi' yʌq'ueñtelob i pusic'al lajal bʌ che' bajche' i pusic'al i Yalobil, cha'añ mi' taj ca'bʌl i yijts'iñob jiñi ascuñʌl bʌ.

Romanos 8:30

Jiñi tsa' bʌ i wʌn yajcayob, tsi' pʌyʌyob ja'el; jiñi tsa' bʌ i pʌyʌyob, Dios tsi' q'ueleyob ti toj ja'el; jiñi tsa' bʌ i q'ueleyob ti toj, tsi' yʌq'ueyob i ñuclel ja'el.

Romanos 9:11

Che' bʌ cʌntʌbil to i yalobilob, che' bʌ maxto añic tsi' cha'leyob chuqui wen yic'ot chuqui jontol (cha'añ mi' yujtel che' bajche' tsi' wʌn ña'ta Dios, mi' yajcan majqui jach yom, mach cha'añic wen bʌ i melbal mi' yajcan, pero cha'añ yom i pʌy),

Gálatas 3:18

Come mi cha'añʌch jiñi mandar mi laj coltʌntel, che' jiñi mach cha'añic jiñi xuc'ul bʌ t'añ; pero Dios ti' yutslel i pusic'al tsi' colta Abraham che' bʌ tsi' yʌq'ue jiñi xuc'ul bʌ i t'añ.

Efesios 1:14

Aq'uebilonla jiñi Espíritu cha'añ mi lac ña'tan ts'ʌcʌl mi caj lac ch'ʌm pejtelel chuqui wʌn albil i cha'añ Dios, mi caj i yʌc' ti libre i cha'año' bʌ cha'añ mi lac tsictesan i ñuclel Dios.

Efesios 1:18

la' i yʌq'ueñet la' ch'ʌmben isujm chuqui woli la' pijtan, come jiñi cha'añ tsi' pʌyʌyetla cha'añ mi la' cʌn jiñi uts'at tac bʌ mu' bʌ caj i yʌq'ueñ i cha'año' bʌ,

Efesios 1:5

Ti' c'uxbiya Dios tsi' wʌn ña'ta i yotsañonla ti yalobil ti' tojlel Jesucristo, cha'añ ti' caj che'ʌch yom i bajñel pusic'al,

Efesios 1:8

mach p'isbilic tsi' yʌq'ueyonla i yutslel cha'añ ti ca'bʌl i ña'tʌbal.

Efesios 1:9

Dios tsi' yʌq'ueyonla laj cʌñ chuqui wʌn ña'tʌbil i cha'añ mach bʌ tsictiyemic ti yam bʌ ora tsa' bʌ i bajñel ña'ta i yujtesan ti Cristo,

Efesios 3:11

che'ʌch tsi' wʌn ña'ta i mel Dios che' maxto añic pañimil, tsa'ix i yʌc'ʌ ti ts'ʌctiyel ti' tojlel Cristo Jesús jiñi lac Yum,

Colosenses 1:12

ti' tijicñʌyel la' pusic'al su'benla wocolix i yʌlʌ lac Tat, come tsi' cha' meleyonla ti uts'at cha'añ mi lac taj lac wenlel yic'ot i cha'año' bʌ Dios woli bʌ i yajñelob ti' sʌclel pañimil;

Colosenses 3:24

come ña'tʌbil la' cha'añ, lac Yum mi caj i yʌq'ueñetla la' chobejtʌbal ti panchan, come woli la' melben i ye'tel Cristo lac Yum.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Tito 3:7

cha'añ mi lac ch'ʌjmel ti' wenta cha'añ ti' yutslel i pusic'al, tsi' yotsayonla ti yalobil cha'añ mi la cʌq'uentel i yumʌntel yic'ot laj cuxtʌlel woli bʌ lac pijtan.

Hebreos 6:17

Dios yom i wen tsictesan cha'añ mach mejlic ti jejmel i t'añ, pejtelel mu' bʌ i ñopob mi caj i yʌq'ueñtelob chuqui albil i cha'añ, jiñi cha'añ tsi' bajñel taja i c'aba' cha'añ mi' xuc'chocon i t'añ,

Santiago 2:5

C'uxbibilo' bʌ quermañujob, u'binla. Dios tsi' yajca jiñi mach bʌ añobic i chu'bʌañ ti pañimil cha'añ mi' wen tajob i wenlel che' mi' ñopob, come mi caj i yajñelob ti' yumʌntel Dios yic'ot pejtelel mu' bʌ i c'uxbiñob Dios che' bajche' albil i cha'añ.

1 Pedro 1:4

Come Dios mi caj i yʌq'ueñonla jiñi lotbebilon bʌ la ti panchan ba' ma'añic mi' jilel, ba' ma'añic mi' bi'b-añ, ba' ma'añic mi' tsuculʌyel,

1 Pedro 3:9

Mach yomic mi la' q'uextan jontolil, mi a'leya. Yom mi la' wʌq'ueñob i yutslel la' t'añ la' pi'ʌlob, come ña'tʌbil la' cha'añ pʌybiletla cha'añ mi la' wʌq'uentel la' wenlel.