Efesios 1:10 - Jiñi Tsiji' bʌ Wen T'añ cha'añ Estudio

¹⁰ che' mi' c'otel i yorajlel, Dios mi caj i ts'ʌctesan che' bajche' wʌn ña'tʌbil i cha'añ, mi caj i tempan pejtelel chuqui tac añ ti panchan yic'ot ti pañimil, mi caj i yʌq'ueñ ti' wenta Cristo cha'añ mi' cha'len yumʌntel ti' tojlel.

Chol de Tumbalá Bible

¹⁰ Mi caj i yʌq'ueñob i yuman Cristo pejtel chuqui an ti panchan yic'ot ti pañimil che' tilemix i yorajlel.

Jiñi Tsiji' bʌ Wen T'añ cha'añ Estudio

¹⁰ che' mi' c'otel i yorajlel, Dios mi caj i ts'ʌctesan che' bajche' wʌn ña'tʌbil i cha'añ, mi caj i tempan pejtelel chuqui tac añ ti panchan yic'ot ti pañimil, mi caj i yʌq'ueñ ti' wenta Cristo cha'añ mi' cha'len yumʌntel ti' tojlel.

Chol Tila

¹⁰ Che' mi c'otyel i yorojlel Dios mi quej i cha'len bajche' ti wʌ alʌ. Mi quej i lu' aq'uen ti' wenta Cristo pejtyel chʌ bʌ jach yes an ya' ti panchan yic'ot chʌ bʌ yes an wʌ' ti mulawil.

Chol: I T’an Dios

¹⁰ Mi caj i yʌq'ueñob i yuman Cristo pejtel chuqui an ti panchan yic'ot ti pañimil che' tilemix i yorajlel.

Efesios 1:10 Iomraidhean Croise

Mateo 25:32

Ti' tojel i wut mi caj i tempʌntelob pejtelel wiñicob x'ixicob loq'uemo' bʌ ti pejtelel lum; che' jiñi mi caj i t'oxob che' bajche' xcʌnta tʌñʌme' mi' t'ox tʌñʌme' yic'ot chivo.

Marcos 1:15

Tsi' yʌlʌ: Tsa'ix c'oti i yorajlel, lʌc'ʌlix i yumʌntel Dios, cʌyʌ la' mul, ñopola jiñi wen t'añ, che'en Jesús.

1 Corintios 10:11

Che'ʌch tsa' ujtiyob cha'añ laj cʌntesʌntel, tsa' ts'ijbunti cha'añ lac tic'ol joñonla cuxulonto bʌ la ti ili ora che' lʌc'ʌlix i jilibal.

1 Corintios 11:3

Com mi la' ña'tan, i jol pejtelel wiñicob jiñʌch Cristo, i jol x'ixic jiñʌch wiñic, i jol Cristo jiñʌch Dios.

Gálatas 4:4

Pero Dios tsi' choco tilel i Yalobil che' bʌ tsa' c'oti i yorajlel, tsi' yila pañimil ti x'ixic, tsi' yotsa i bʌ ti' wenta mandar,

Efesios 1:22

Dios tsi' yʌq'ue ti' wenta Cristo pejtelel chuqui tac añ, che' ja'el tsi' yotsa Cristo ti' Jol pejtelel xñopt'añob cha'añ mi lac jac'ben ti pejtelel chuqui yom.

Efesios 2:15

che' bʌ tsi' yʌc'ʌ i bʌ ti chʌmel, tsi' jisa jiñi mandar yic'ot tic'oñel tsa' bʌ i t'oxoyonla, i bajñel jach tsi' mele jump'ejl tsiji' bʌ tejclum pʌybil bʌ loq'uel ti cha'mojt, cha'añ ñʌch'ʌl mi la cajñel la quic'ot,

Efesios 3:15

tsa' bʌ i ch'ʌmbe i c'aba' jujunchajp wiñicob x'ixicob ti panchan yic'ot ti pañimil,

Efesios 3:2

mi cʌl, tsa'ix la' wu'bi bajche' tsa' aq'uentiyon que'tel cha'añ mi cʌq'ueñetla la' cʌn i yutslel i pusic'al Dios;

Colosenses 1:16

Ti Jesús melbil pejtelel chuqui tac añ ti panchan yic'ot ti pañimil, jiñi tsiquil tac bʌ yic'ot jiñi mach bʌ tsiquil taquic, mi reyob, mi yumʌlob, mi gobierno, mi i p'ʌtʌlel año' bʌ i ye'tel; laj melbilʌch ti Jesús, tsa' otsʌbenti ti' wenta, cha'añ mi' q'uejlel ti ñuc lac Yum.

Colosenses 1:20

cha'añ ti' caj i ye'tel Cristo, Dios tsi' yuts-esa pejtelel chuqui tac añ ti pañimil yic'ot ti panchan, Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ya' ti cruz.

Colosenses 3:11

ti Cristo mach jelchojquic mi' q'uejlelob wiñicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic juñ, mi añ ti' yum, o mi ma'añic i yum, pero Cristo i Yumʌch pejtelel wiñicob yic'ot pejtelel chuqui tac añ.

Hebreos 1:2

wʌle, ti ili cojix bʌ q'uiñ tac tsa'ix i c'ʌñʌ i Yalobil i pejcañonla, tsi' wa'choco cha'añ mi' yʌq'uentel pejtelel chuqui tac añ, tsi' c'ʌñʌ ti' melol pejtelel chuqui tac añ;

Hebreos 11:40

come Dios tsi' ña'ta ñumen uts'at mi' pijtañob chuqui ñumen ñuc mu' bʌ caj i tajob yic'otonla che' temel mi la cʌq'uentel lac wenlel yic'otob ba' ora mi' ts'ʌctiyel i t'añ.

Hebreos 9:10

Ili waj yic'ot jiñi japbil tac bʌ i melbal jach wiñicob, mi' pocob ti ja', pero i yejtal jach jiñi mero isujm bʌ, che' mi' tilel jiñi isujm bʌ, mux i jilel i c'ʌjñibal jiñi yam bʌ.

1 Pedro 1:20

Tsa' wa'choconti Jesús che' maxto añic tsa' mejli pañimil, pero tsa' tsictiyi ti jiñi cojix bʌ q'uiñ tac am bʌ wʌle cha'añ mi' coltañetla.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,